Biblia Todo Logo
Bìoball air-loidhne

- Sanasan -




Daniel 2:44 - Hawaii Pidgin Bible

44 “Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Faic an caibideil Dèan lethbhreac




Daniel 2:44
38 Iomraidhean Croise  

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.


He da one goin build one temple fo show wat kine god me, an I goin make his blood line strong an solid, so da king guys dat goin come from him, goin stay king foeva.


Yoa ohana goin stay solid foeva. Same ting fo da king guys in da line dat come from you. Da right you guys get fo be da king, goin stay solid foeva too.’ ”


Da powa you get fo be king, Dat powa goin be lidat foeva! Da right you get fo stay in charge A da peopo right now, Goin be fo dea kids too, An fo dea kids kids! Da One In Charge, he erytime do Wat he tell he goin do, An eryting he do, He stay tight wit his peopo.


Cuz da king o country dat no help you guys, Da peopo goin mahke An da country goin get wipe out.


Dey goin live on top da land I wen give my worka guy Jacob, da land wea yoa ancesta guys wen live befo time. Dem an dea kids, an dea kids kids goin live ova dea foeva, an my worka guy David goin be da leada guy fo dem foeva.


But, get one God inside da sky dat make peopo know da secret tings. King Nebukadnezzar, God wen make you know awready wat goin happen bumbye. Now, I goin tell you wat you wen dream, an tell all da pichas dat you wen see in yoa head wen you lay on top yoa bed.


“Wen you stay look da statue, one mangus rock wen broke off from one mountain. But no mo nobody wen make um broke off! Da rock fall down, hit da statue on top da iron an clay feets, an smash um up, small pieces.


Den, da iron, da clay, da bronze, da silva, an da gold wen broke same time, all small pieces, jalike da junk kine stuff dat fall down on top da groun wea dey split da wheat from da junk kine stuff summa time. An da wind blow um all away, so no mo notting dea. But da rock dat wen smash da statue, come one big mountain, an fill up da whole world.”


King Nebukadnezzar, you da king ova all da odda kings. God Inside Da Sky, he da One wen make you king, an give you da powa, an make you strong, an make erybody get respeck fo you.


Da diffren peopos goin marry each odda, all mix up togedda, but dey no goin stick togedda real good. Az jalike you wen see dat da iron mix wit da clay no stay togedda.


“Real awesome, all da kine stuff he do! Da kine stuff he show me, I know he get powa! He stay da king foeva! He get da right fo stay in charge Ova all da peopo dat live today An ova all da peopo dat goin come bumbye.


“Afta da seven year, me, Nebukadnezzar da King, wen look up to da One inside da sky. Den I start fo tink one mo time. I tell bout da God Dass Mo Importan Den All Da Odda Gods, how he do good tings fo me! “I tell good tings bout da One Dat Stay Live Foeva, An I tell dat he stay awesome, An he goin stay king foeva! He get da right fo stay in charge Ova all da peopo dat live today An ova all da peopo dat goin live bumbye.


“Dis da rule: All ova da land wea I stay king, erybody gotta come sked an shaking in front Daniel God an get respeck fo him. “He da God dat stay alive. He live foeva. No mo nobody can wipe out Da peopo wea he stay da king. He goin stay in charge foeva.


He get his peopo outa trouble. He do awesome stuff an stuff you no tink az fo real he can do um Inside da sky an on top da earth. He wen get Daniel outa trouble So da lions neva hurt him.”


Den, da God Dass Mo Importan Den All Da Odda Gods goin give da peopo dat stay spesho fo him da powa fo come da nex king an da powa fo stay in charge a da peopo. An da God Dass Mo Importan Den All Da Odda Gods goin give his kings powa ova da odda kings all ova da world. Dey goin stay in charge foeva. All da countries on top da earth goin work fo God peopo, an all da odda peopos goin lissen dem.’


He goin know how fo bulai peopo. He goin tink he mo betta den erybody. Wen peopo tink eryting stay okay, he goin wipe out plenny a dem. An he even goin go agains da King ova all da king guys. But goin get somebody dat goin smash him, an whoeva do dat no goin be one guy.


Me, Da One In Charge, I goin make Da peopo dat no can walk good Come one new nation. Da peopo da odda guys wen push away, I goin make dem come real strong. I goin be dea king dat live Mount Zion From dat time an foeva.”


I goin throw out kings an dea thrones, an wipe out da powa dat da kings from da odda lands get. I goin wipe out da war wagons an da guys dat ride um. Da horses goin fall down an da guys dat ride um goin kill each odda.


I goin shake up all da diffren nations. Da rich kine stuffs from all da nations goin come hea. An I goin make dis Temple come real awesome. Az wat me Da One In Charge, Da God Ova All Da Armies, tell.


Den Jesus go nea dem an tell, “God give me all da powa fo me stay in charge a eryting all ova da world an inside da sky.


Da peopo tell him, “We wen hear from da Rules From God dat da Christ Guy goin live foeva. Den how come you tell, ‘Dey goin take me, da Fo Real Kine Guy, an lif me up from da groun fo kill me’? Who dis Fo Real Kine Guy dat you stay talk bout?”


So den, God goin give us guys da right fo come jalike kings wit him. An nobody eva goin take away dat right from us guys. Az why we gotta tell God “Mahalo plenny.” Wen we do dat, we show him all kine love an respeck, cuz we know how awesome he stay.


Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”


Da Bible tell dis befo time bout me, Jesus: “He goin be dea leada. He goin carry one stick wit iron on top Fo show he stay in charge. He goin bus dem guys in pieces, jalike one clay pot.” An dass da kine powa my Faddah give me.


Lean sinn:

Sanasan


Sanasan