Daniel 1:2 - Hawaii Pidgin Bible

² Da Boss, Da One In Charge, let da Babylon guys catch Jehoiakim, da Judah king. An afta dey take ova Jerusalem, dey take some a da stuff from da Temple Fo God. Dey bring um Babylon side to dea temple fo dea god, an put um inside da store house fo all dea rich kine stuff.

Daniel 1:2 Iomraidhean Croise

Start 10:10

Nimrod come one king, an da main places wea he was king was Babylon town, Erek town, Akkad town, an Kalneh town, ova dea Shinar side.

Start 11:2

Dat time, had plenny peopo dat no like stay da same place long time. Dey like move house mo to da east side. Wen dey stay go out, dey come Shinar side (dass Babylon), an dey find one flat place wit plenny land. So dey make house ova dea.

2 Kings 24:1

Da time Jehoiakim stay king, Nebukadnezzar da Babylon king attack da Judah land. He take ova da land, an from den, Jehoiakim gotta do wateva Nebukadnezzar tell um fo do. But afta three year, Jehoiakim change his mind, an go fight Nebukadnezzar.

2 Records 36:5

Jehoiakim twenny-five year ol wen he come king, an he stay da king inside Jerusalem eleven year. He do bad kine stuff, da way his God, Da One In Charge, see him.

2 Records 36:7

An Nebukadnezzar take away some a da tings dey use inside da Temple Fo Da One In Charge, an bring um Babylon side. He put um inside his palace ova dea.

Ezra 1:7

Befo time, King Nebukadnezza wen steal all da kine tings dat cost plenny from da Temple Jerusalem side. He wen hide all da stuff inside da temple fo his gods. Den King Cyrus tell his guys fo go get um all back.

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 42:24

Wat god wen let da odda guys Take da Jacob ohana an rip um off?! No was anodda god! Wat god wen let peopo Go take da Israel peopo stuffs?! No was anodda god! Was Da One In Charge let um do dat! An was us Israel peopo Dat wen do bad kine stuff agains him! Oua peopo neva like do notting Da way he tell us fo do. Dey no like lissen his Rules.

Jeremiah 25:1

Dis, da message Da One In Charge wen give Jeremiah bout all da Judah peopo. Was da year numba four wen Jehoiakim, Josiah boy, stay king fo Judah. Az was da firs year dat Nebukadnezzar stay da king fo Babylon.

Jeremiah 27:16

Den I tell da pries guys an all da peopo: “Dis wat Da One In Charge tell: No lissen da guys dat tell dey talk fo me! Dey tell you dat real fas, da stuff from da Temple Fo Da One In Charge goin come back from Babylon. Da guys dat tell you guys dat dey talk fo me, dey bulai you guys!

Jeremiah 28:3

Befo two mo year pau, I goin bring back hea all da stuffs from da Temple Fo Da One In Charge dat Nebukadnezzar, da Babylon king, wen steal from hea an carry Babylon side.

Jeremiah 35:11

But wen Nebukadnezzar da Babylon king come fo attack dis land, we tell each odda, ‘Go come, fo us go inside Jerusalem fo run away from da Babylon an Aram army guys.’ Az why us guys stay inside Jerusalem now.”

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Jeremiah 51:44

I goin punish Bel, da god fo da Babylon peopo. I goin make Bel bahf wat he wen swallow. Da peopo no goin go Babylon fo pray to Bel no moa, Jalike how was befo time. Da Babylon town wall goin fall down too.

Daniel 5:13

So dey bring Daniel in front da king. Da king tell him, “Fo shua you da guy Daniel, one a da guys my faddah da king wen bring from Judah, o wat?!

Daniel 5:18

“King Belshazzar, lissen up! Da God Dass Mo Importan Den All Da Odda Gods, he wen make yoa faddah Nebukadnezzar come king. He make him come mo importan, an make peopo get respeck fo him, an make him awesome.

Habakkuk 1:16

Az why dey make sacrifice fo dea nets, Jalike da nets was gods. Dey burn incense fo dea nets. Cuz dea nets help dem stay rich An eat da bestes kine food.

Zekariah 5:11

He tell, “Dey stay take um da Babylon land. Ova dea, dey goin build one temple fo um. Wen stay ready, dey goin put da basket on top one base.”

Rules Secon Time 32:30

Dey no tink how come one army guy Make one tousan Israel army guys run away! O how come two a dea army guys Make ten tousan Israel army guys run away! Ony one way dat can happen! Gotta be, Da One In Charge bag from dem! Da One dat befo time stay strong Jalike one Rock fo dem, But now, he give up on dem!

Local Leadas 2:14

Da One In Charge stay huhu wit da Israel peopo. So he let some steala guys go rip dem off. Az jalike he sell dem to da peopo dat live all aroun dem an hate dem. Da Israel peopo no mo da powa fo stop da steala guys.

Local Leadas 3:8

Da One In Charge come real huhu wit da Israel peopo. Az why he turn um ova to Kushan-Rishataim, da king fo Aram-Naharaim, an da Israel peopo work fo him fo eight year.

Local Leadas 4:2

So Da One In Charge turn da Israel peopo ova to Jabin, one king fo da Canaan peopo. He da king inside Hazor. Da main leada guy fo Jabin army, Sisera. He live Haroshet-Haggoyim.

1 Samuel 5:2

Dey take da Box inside da temple fo dea god Dagon, an dey put um nea da Dagon statue.