Census 22:3 - Hawaii Pidgin Bible

³ Da Moab peopo stay real sked, cuz get plenny Israel peopo. Fo shua, dey come sick wen dey tink bout dem.

Census 22:3 Iomraidhean Croise

Nehemiah 13:2

Cuz long time befo, wen da Israel peopo come outa da boonies, da Ammon an Moab peopo neva go out fo meet da Israel peopo an tell um aloha an give um bread an watta. Dey wen pay Balaam fo put one bad kine kahuna on top da Israel peopo. But oua God wen take da bad ting Balaam like do an make um come good.

Songs 53:5

Bumbye, someting goin happen ova dea Fo make dem guys come real sked, Mo plenny sked den was befo time. Cuz wen da peopo dat stay agains you Put dea army camp in front you, You goin make dem all come shame. An God goin kill um An throw dea bones all ova da place, Cuz he tell “Laytas” to wat dey do.

Outa Egypt 1:12

But no matta da Egypt peopo still give da Israel peopo real hard time erytime, da Israel peopo come mo plenny still yet. Erytime da Egypt guys see one Israel guy, bodda dem plenny an make dem sked.

Outa Egypt 15:15

Dat time, da main leada guys from Edom, Dey lose fight an no can do notting. Da leada guys from Moab, Dey ony stan dea an shake! Da peopo dat live Canaan side, Dey all donno wat fo do awready.

Outa Egypt 23:27

Befo you get to da Canaan land, I goin make da peopo inside dea come sked a me. All da places you goin go, all da peopo no goin know wat fo do, an dey all stay sked. Da peopo dat stay agains you, I goin make um turn aroun an run away.

Isaiah 23:5

Wen da Egypt peopo hear Bout wat happen inside Tyre, Goin hurt dem plenny, Jalike one wahine start fo hurt Wen she start fo born one bebe.

Rules Secon Time 2:25

From today, I goin make all da diffren peopos unda da sky come real sked a you guys. Dey goin hear bout you guys an come sked an shake, an worry plenny cuz a you guys.’ ”

Joshua 2:24

Dey tell Joshua, “Da One In Charge stay give us all da land fo take ova. An all da peopo ova dea stay jalike dey melting in front us, cuz dey real sked!”

Joshua 9:24

Da Gibeon guys tell Joshua, “Us, yoa worka guys. Somebody wen tell us, dat yoa God, Da One In Charge, wen tell his worka guy Moses, fo give you guys all da land an fo wipe out all us peopo dat live ova hea. Az why we come sked us goin mahke cuz a you guys. Az how come us wen make lidat.