2 Corint 9:7 - Hawaii Pidgin Bible

⁷ All da guys gotta figga how much fo give. No good somebody get one “I no like give!” kine attitude wen he give um. No mo nobody suppose to make um give. Cuz God get plenny love an aloha fo da guy dat give wit one good heart an feel good inside.

2 Corint 9:7 Iomraidhean Croise

1 Records 29:17

My God, I know fo shua dat you da One tes eryting us guys tink. I know fo shua dat you stay good inside wen us guys do wass right. I wen give all dis stuff cuz I like give um fo real kine. An now I stay good inside cuz I see yoa peopo dat stay hea, giving you plenny stuff cuz dey like give um.

1 Records 29:9

Da peopo stay good inside cuz dea leada guys like give plenny stuff, cuz dey go all out fo give um fo Da One In Charge wit one good heart. An King David stay plenny good inside too.

Outa Egypt 25:2

“Go tell da Israel peopo fo bring me someting dey like give an bring um to me. You guys take wat dey give.

Outa Egypt 35:5

From da tings you guys get, bring gifs fo Da One In Charge. Erybody dat like do dat, go bring him gold, an silva, an bronze metal,

Smart Guys 11:25

Get da kine peopo dat like do good tings fo odda peopo all da time, Plenny good tings goin come to dem. Wen you make shua da odda guys get plenny, Same ting, you goin get plenny.

Smart Guys 22:9

Whoeva like do good tings fo peopo, God goin do good tings fo dem, Cuz dey give some a dea food To da peopo dat no mo notting.

Isaiah 32:5

Dat time, da stupid kine guys Dat ack jalike God no matta, Nobody goin tell dey get one good heart Fo help peopo. Da guys dat bulai erybody, Nobody goin get respeck fo dem.

Isaiah 32:8

But da guys dat get one good heart fo help peopo, Dey make one real kine plan fo help um. Dey stay solid, Cuz dey plan fo do good tings.

Jesus Guys 20:35

I do all dat fo show you guys dat by dis hard work, we gotta help da guys dat no stay strong inside. I no foget wat Da One In Charge, Jesus, wen tell, ‘Da guy dat give, he stay mo betta inside den da guy dat get.’ ”

Rome 12:8

If God give you da powa fo know how fo give good kine words to odda peopo, go do dat. If God give you da powa fo kokua odda peopo wit wat you get, den use wat you get fo kokua odda peopo. If God give you da powa fo lead odda peopo, make shua you do one good job. If God give you da powa fo pity somebody cuz dey need kokua, kokua dem an make shua you stay good inside same time.

2 Corint 8:12

If you guys like kokua dem, wateva you give, az good. But give wat you can, not wat you no can.

Rules Secon Time 15:14

Give um plenny from yoa animals, yoa wheat an barley, an yoa wine. Give um, jalike yoa God, Da One In Charge, give plenny to you guys.

Filemon 1:14

But I neva like do notting if dass not okay wit you. I no like you do um cuz you gotta! Mo betta you do um cuz you like do um.

James 5:9

Eh my braddahs an sistahs, no grumble bout each odda. Bumbye Jesus da Judge goin check you guys out. He stay ready fo come back!

1 Peter 4:9

Give da peopo from anodda place one place fo stay an no grumble bout um.