2 Corint 8:12 - Hawaii Pidgin Bible

¹² If you guys like kokua dem, wateva you give, az good. But give wat you can, not wat you no can.

2 Corint 8:12 Iomraidhean Croise

2 Records 6:8

But Da One In Charge tell my faddah David, ‘Cuz you fo real kine wen like build one temple fo show wat kine god me, az was good how you like do um.

Outa Egypt 25:2

“Go tell da Israel peopo fo bring me someting dey like give an bring um to me. You guys take wat dey give.

Outa Egypt 35:24

Erybody dat like give silva o bronze fo make gif fo Da One In Charge, dey bring um. Erybody dat get koa wood dea place fo all da work dey gotta do, dey bring dat too.

Outa Egypt 35:29

Dass how da Israel peopo make. All da guys an da wahines dat fo real kine like do someting fo God, dey bring stuff fo do da work dat Da One In Charge wen tell um fo do. Dey fo real kine like bring um to Da One In Charge, jalike he tell Moses fo tell da peopo fo do.

Outa Egypt 35:5

From da tings you guys get, bring gifs fo Da One In Charge. Erybody dat like do dat, go bring him gold, an silva, an bronze metal,

Smart Guys 19:22

Wen one guy stay tight wit his frenz, He look real good. Mo betta you no mo notting, Den you come one bulaia guy.

Matthew 25:17

Da guy dat get da two bag money do da same ting, an get two mo bag money.

Matthew 25:22

“Den da guy wit da two bag money come an tell, ‘Boss, you wen give me two bag money. Look, I make two mo bag money.’

Luke 16:10

Whoeva do da small kine stuff he suppose to do, you can trus him fo do da big kine stuff he suppose to do too. Whoeva no do da right ting fo da small kine stuff, you no can trus him fo do da right ting fo da big kine stuff.

2 Corint 8:11

Give da res a da money now. I know you guys wen like help out da peopo dat stay spesho fo God Jerusalem side. So do um awready, from wat you guys get.

2 Corint 8:13

I no mean dat you guys get all da presha, an da odda guys no mo presha. We like erybody be same same.

2 Corint 8:19

An da church guys wen pick da braddah fo go wit us fo do dis good ting fo kokua da peopo dat need help. We do um fo show how awesome Da One In Charge stay. Az cuz fo real kine we like kokua dem guys ova dea.

2 Corint 9:7

All da guys gotta figga how much fo give. No good somebody get one “I no like give!” kine attitude wen he give um. No mo nobody suppose to make um give. Cuz God get plenny love an aloha fo da guy dat give wit one good heart an feel good inside.

1 Peter 4:10

Erybody get one gif dat God wen give um fo use fo help each odda. We gotta use um good cuz God stay give us all kine good stuff.