2 Corint 5:16 - Hawaii Pidgin Bible

¹⁶ Az why from now, us no figga bout nobody da same way odda peopo figga. No matta befo time we wen figga bout Christ da same way odda peopo figga. Now, we no figga bout Christ dat way no moa.

2 Corint 5:16 Iomraidhean Croise

Census 10:30

Hobab tell um, “No, I no like go. I like go back my land an peopo, az why.”

Matthew 10:37

“Whoeva get love fo his faddah o his muddah mo den he get love fo me, dass not good enuff fo him be my guy. An whoeva get love fo his boy o his girl mo den he get love fo me, dass not good enuff fo him be my guy.

John 15:14

You guys stay my frenz, if you guys do da stuff I stay tell you guys fo do.

John 2:4

Jesus tell, “Eh, Ma! Dass not my job, you know. Not time yet fo me fo show da awesome stuff.”

John 6:63

“God Spirit, dass who make da peopo live fo real kine. Da body no can. Wat I stay tell you guys, dass from God Spirit, an dass wat make peopo live fo real kine.

John 8:15

You guys tink you know how one guy stay by how he stay look on da outside. I no figga lidat.

2 Corint 11:18

Get plenny guys stay talk big jalike da peopo inside da world talk big, so me, I goin talk big jalike dem.

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

Rules Secon Time 33:9

Dat time, da Levi guys neva make diffren kine Even to dea faddah an muddah guys. Dey neva even let go dea braddahs, O even dea kids. Cuz dey make shua fo do wat you tell, Da One In Charge, An dey watch ova da deal you wen make wit da peopo.

Philippi 3:4

Now me, if I like, I can tell I okay cuz I know who me, an I know wat I wen do. But all dat no mean notting. If da odda guys tink dey can trus all dat kine stuff dey do, den I can tell I trus all da kine stuff I wen do even mo den dem guys. So lissen up!

Colosse 3:11

Inside Christ new way, no matta if one guy Jew an da odda guy not Jew, if one guy get da cut skin mark an da odda guy no mo da cut skin mark, if one guy donno oua language, o stay real wild jalike one guy from Sytia, if one guy one slave guy an anodda guy not. Christ da ony ting dat matta, an he stay tight wit all dese kine diffren peopo.

James 3:17

But da peopo dat get da kine smarts from God in da sky, main ting, dea spirit stay all clean inside. An notting bodda dem. Dey make good to erybody an make frenz wit erybody. Dey get pity fo you an give you chance. Erytime dey make good tings happen. Dey no make good ony to dea frenz. Dey ony tell wat dey mean an no ack.

1 Samuel 2:29

So! How come you guys no mo respeck fo da sacrifice dat I tell da pries guys fo make inside my house?! An you, Eli, how come you show mo respeck fo yoa boys den you show fo me?! How I know all dis?! Cuz all you guys eat ony da bestes part a ery sacrifice dat my Israel peopo make fo you come fat. Dass how I know!