2 Corint 4:10 - Hawaii Pidgin Bible

¹⁰ Da way us guys suffa an get bus up ery place us guys go, show how plenny Jesus wen suffa wen he mahke. So wen us guys suffa, dat show dat Jesus still stay alive now.

2 Corint 4:10 Iomraidhean Croise

John 14:19

Litto wile moa, da peopo inside da world no goin see me. But you guys goin see me. Cuz I goin come back alive, dass why you guys goin come alive fo real kine.

Rome 6:5

Us guys jalike we wen mahke wen Jesus mahke. Dass why fo shua we goin come back alive from mahke jalike Jesus come back alive.

Rome 6:8

So den, jalike us guys mahke wit Christ. Dass why we trus God fo live wit him too.

Rome 8:36

Jalike da Bible tell befo time, “Cuz us guys, yoa peopo, all da time odda guys stay kill us. Dey make to us jalike we sheeps dey kill fo sell da meat.”

2 Corint 1:5

Christ, God Spesho Guy, wen suffa plenny fo us guys. Cuz Christ wen do dat, his Faddah give us choke plenny good kine words wen we suffa.

2 Corint 1:9

We wen come bum out plenny, jalike how one crook feel wen da judge tell um he gotta mahke. But all dat wen happen fo us learn fo trus God an fo no trus us. God, he get da powa fo even make da peopo come alive one mo time dat wen mahke.

2 Corint 13:4

Christ neva have powa wen dey wen kill him on top da cross. But Christ get da powa fo live now. Dass jalike us guys. Us no mo powa wen we stay tight wit Christ. But us an you goin live wit Christ fo real kine cuz a da powa God give you guys.

2 Corint 4:11

Ery day, us guys dat stay alive, we almos mahke cuz us guys Jesus guys. An dis way erybody see dat Jesus give us da real kine life, an us guys show um in oua bodies no matta oua bodies goin mahke bumbye.

Galatia 6:17

So now, no let nobody make trouble to me cuz I get scars on top my body jalike Jesus Christ get cuz I his guy.

Colosse 1:24

Christ wen suffa plenny, an right now I stay suffa plenny too. But no matta I suffa, I stay plenny good inside. If still yet get peopo dat gotta suffa, I like be da one fo suffa plenny fo dem. Az jalike how Christ wen suffa cuz dey stay inside Christ ohana, you know, da church.

2 Timoty 2:11

You can trus me wen I tell you dis: “If us guys mahke wit Christ, We goin live to da max wit him!

1 Peter 4:13

But you stay good inside cuz you suffa togedda wit Christ. Den bumbye you goin come plenny good inside wen erybody see how awesome Christ stay.

1 Peter 4:14

Wen somebody talk any kine to you cuz you Christ guys, you can stay good inside, cuz God awesome Spesho Spirit stay inside you.

Jesus Show 1:17

Wen I see him, I go down by his feets jalike I mahke. Den he put his right hand on top me an tell, “Eh, no sked! I da One dass firs an las.