2 Corint 3:8 - Hawaii Pidgin Bible

⁸ Az why wat God Spirit do inside us guys stay plenny mo awesome den dat!

2 Corint 3:8 Iomraidhean Croise

Isaiah 11:2

Da Spirit from Da One In Charge goin stay in charge a dat guy. Dat Spirit from Da One In Charge Goin make him know wat fo do erytime, An make him undastan plenny stuff. Dat Spirit goin make him know Wass good fo him do ery time, An give him plenny powa. Dat Spirit goin help him know plenny stuff, An get choke respeck fo Da One In Charge.

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 59:21

Da One In Charge tell: “Dis, da deal I make Fo da peopo dat stay my side. My Spirit stay in charge a you guys, An da tings I give you guys fo tell— All dat no goin go way from you guys. You goin tell um erytime. An yoa kids goin tell um erytime. An dea kids goin tell um erytime From now an foeva.” Dass wat Da One In Charge tell.

John 1:17

Moses wen give oua ancesta guys da Rules From God. Den Jesus Christ, God Spesho Guy, he do plenny good stuff fo us, an eryting he tell us bout God, stay fo real.

John 7:39

Jesus tell dat bout God Spirit, cuz bumbye da peopo dat trus Jesus goin get God Spirit. Da time Jesus tell dat, dey neva get da Spirit yet, cuz God neva make Jesus come awesome to da max yet.

1 Corint 3:16

Eh! You know, you guys jalike one temple fo God, an his Spirit stay live inside you guys!

2 Corint 11:4

Erytime somebody show up an teach you guys bout one diffren kine Jesus, an dass not da same Jesus we wen tell you guys bout, how come you guys trus dat guy? You guys wen let da Good An Spesho Spirit take ova you befo time. So how come you guys let one diffren kine spirit take ova you now? You wen trus da Good Stuff From Christ befo time, so how come you guys trus one diffren kine teaching now?

2 Corint 3:17

Inside da Bible, wen Moses talk bout “Da One In Charge,” he mean God Spirit. Wen we get da Spirit from Da One In Charge, us can do plenny stuff.

2 Corint 3:6

God da One wen make us da kine worka guys dat tell peopo bout da New Deal From God. Dat New Deal From God, dat no mean us gotta stay tight wit some rules! Us gotta stay tight wit God Spirit! Dass da New Deal From God. If you ony stay tight wit da Rules, az jalike you stay mahke inside, an you no mo da real kine life dat goin stay to da max foeva! But if you stay tight wit God Spirit, you goin live fo real kine!

2 Corint 3:7

Da time God wen carve da Rules on top da flat stone, was real awesome. (But no matta you do wat dose Rules tell you fo do, still yet you goin get cut off from God.) Den, afta Moses get da Rules, his face shine real plenny. Was real awesome, az why da Israel peopo no can look at Moses. But den da shine go way.

2 Corint 3:9

Da Rules from befo time ony punish us guys, but still yet da Rules stay awesome. But now us guys get um right wit God, an dat stay even mo awesome.

Galatia 3:14

Christ wen mahke fo pay da price fo all da diffren peopos all ova da world az not Jew guys. Az how dey goin get da good stuff God wen promise Abraham. An all us guys dat stay tight wit Jesus goin get God Spirit. Dass da promise God wen make fo all us guys.

Galatia 5:5

Us guys not like you guys. We trus God. Dass why we wait fo him make us get um right wit him cuz we know dat God Spirit goin help us.

Efesus 2:18

Cuz a wat Christ wen do, you guys an us Jew guys get da same Spirit. Dass why all us guys get da right fo talk to oua Faddah.

2 Tessalonika 2:13

Eh my braddahs an sistahs! Good us erytime tell God “Mahalo plenny” wen we tink bout you guys. Da One In Charge get plenny love an aloha fo you guys, you know! From da start, God wen pick you guys fo take you outa da bad kine stuff you wen do befo time. Dat mean, God Spirit goin make you guys be good an spesho fo him, an help you guys stay trus da stuff dat stay true.

1 Peter 1:2

God da Faddah wen pick you guys fo be his guys cuz he know you guys long time befo you was born. God Spirit wen make you guys spesho fo him fo you do eryting Jesus Christ tell you fo do. Jesus wen mahke fo you guys! Wen you guys do eryting Jesus tell you fo do, dass good. Dass jalike God sprinkle Jesus blood on top you guys fo show dat you stay spesho fo him. I like God do plenny good tings fo you guys an help you guys so notting bodda you.