2 Corint 3:16 - Hawaii Pidgin Bible

¹⁶ But weneva somebody start fo trus Da One In Charge, Christ help um fo undastan. Jalike da Bible tell bout Moses, “He take away da cova.”

2 Corint 3:16 Iomraidhean Croise

Outa Egypt 34:34

Erytime Moses go in front Da One In Charge fo talk wit him, Moses take off da cloth from his face. Wen he come out an tell da Israel peopo wat God tell him fo tell dem wat fo do,

Isaiah 25:7

An on top dis mountain too, Da One In Charge goin do dis Fo all da diffren peopos inside all da countries: He goin take away da sore dey get inside, An make um know wass fo real. Cuz still yet, jalike dey all get cova ova dea head, An Da One In Charge goin take away dat cova.

Isaiah 29:18

Dat time, da peopo dat no can hear, Dey goin hear wat one roll up paypa tell. Da guys dat no can see, an see ony dark kine stuff now, Dat time dey goin see No matta dark all aroun dem.

Isaiah 54:13

“Me, Da One In Charge, I da One Goin teach all yoa peopo. I goin make eryting come plenny good fo dem.

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Sad Song 3:40

Good, us guys go check out how we do, an tes um. Good, we turn aroun an come tight one mo time wit Da One In Charge.

Rome 11:23

Same ting wit da Jew guys, if dey change an start fo trus God, God goin graf dem in on top da main olive tree one mo time. God can graf um back in jalike befo time.

2 Corint 3:15

Even now, weneva da Jew guys read wat Moses wen write, dey lissen. But dey no undastan! Az cuz dey no lissen good, jalike dey get one cova dat jam up how dey tink.

Rules Secon Time 30:10

He goin do dat wen you guys lissen him, an stick wit his rules an do da tings he tell you gotta do, dat I wen write inside da book wit da rules, afta you guys go all out fo come back by yoa God, Da One In Charge.

Rules Secon Time 4:30

Wen all dis kine trouble happen to you guys, an you guys come bum out, bumbye you guys goin come back by yoa God, Da One In Charge, an lissen wat he tell you fo do.