2 Corint 13:8 - Hawaii Pidgin Bible

⁸ Us no can do notting fo go agains wat stay true. Us ony can do wat stay true.

2 Corint 13:8 Iomraidhean Croise

1 Kings 22:28

But Mikaiah tell da king, “Fo shua, if bumbye you come back an you okay, dat mean, Da One In Charge neva give me notting fo tell!” An Mikaiah tell da peopo, “Eh, all you peopo! No foget wat you wen hear!”

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Smart Guys 26:2

Wen you like put kahuna on top somebody, Jus cuz you no like um, No goin hurt him notting, Jalike no hurt wen da sparrow bird fly all ova da place O da swallow bird zigzag across da sky.

Mark 9:39

Jesus tell um, “No try make um stop, cuz anybody dat do dat kine awesome stuff an tell, ‘I get Jesus powa fo do um,’ he no goin talk bad bout me right afta dat!

2 Corint 10:8

I no shame fo talk big to erybody dat Da One In Charge wen give us guys da right fo make you guys come strong inside, an no wipe out you guys.

2 Corint 13:10

Dass why I write dis stuff wen I no stay ova dea wit you guys, so dat wen I come ova dea, I no goin need presha you guys out an give you guys hard time. God wen tell me fo make you guys strong inside, dass not fo wipe you guys out.

2 Corint 13:7

Now us guys stay aks God fo you guys no do notting wrong. Us guys no worry bout wat odda peopo tink, if dey tink us stay do da right ting o not. But us like you guys stay do wat stay right, no matta us guys look jalike we no pass da tes.

2 Corint 13:9

Us guys happy wen us look weak, fo show dat you guys stay strong. Us stay aks God fo help you guys come mo an mo betta.

1 Timoty 1:20

Hymeneus an Alexander, dey wen make lidat. Az why I wen turn dem ova to Satan fo him take um, fo dem learn fo no talk bad bout God.