2 Corint 11:12 - Hawaii Pidgin Bible

¹² I still yet goin do all da stuff I stay do, so dat da peopo dat talk big bout how dey same same jalike us guys, no can tell notting.

2 Corint 11:12 Iomraidhean Croise

Job 23:13

“But God, he da ony God dass fo real. No mo nobody can make him change his mind. He do wateva he like do.

Matthew 26:16

From den Judas look fo one chance fo set Jesus up.

1 Corint 5:6

No good you guys get big head! You guys donno dat ony litto bit yeast inside da bread dough can make da whole ting come big, o wat? Da yeast, dass jalike da bad kine stuff dat guy stay do. An dat goin make da odda church peopo come bad too.

1 Corint 9:12

Get odda guys dat get da same right fo get food an stuff from you guys wen dey teach, aah? So, wat bout us guys? We get plenny mo rights den dem. But you know, us guys, we neva use da rights we get. Mo betta we hang in dea wit wateva you give us, fo no jam up you guys. Cuz den you like lissen da Good Kine Stuff Bout Christ dat we stay tell you guys.

2 Corint 1:17

Wen I figga fo come by you guys, you guys tink I change my mind erytime? No ways! Wen I figga fo do someting, you guys tink I like do um ony da way I like do um, jalike all da odda peopo inside da world? I no tell “Yeah!” an “No ways!” same time.

2 Corint 10:17

You know, da Bible tell, “Da guy dat talk big, let um talk big bout Da One In Charge.”

2 Corint 11:18

Get plenny guys stay talk big jalike da peopo inside da world talk big, so me, I goin talk big jalike dem.

2 Corint 11:9

Wen I wen stay wit you guys an I need someting, I neva bodda you guys fo go aks fo someting. Da Macedonia braddahs wen come an kokua me. But erytime I neva bodda you guys notting, an I no goin bodda you guys eva.

2 Corint 5:12

We no try fo make you guys tink us look good one mo time. No need! We tell you guys all dis so you can talk good stuff bout us an no mo shame. We like you guys know wat fo tell dem guys dat talk good ony bout da kine tings dey can see. But dey no talk notting bout wat dey stay tinking inside!

Galatia 1:7

Da stuff dey stay teach, dass not da Good Kine Stuff Bout Christ. Dem guys like change da Good Kine Stuff Bout Christ. Dey ony stay jam up you guys.

1 Timoty 5:14

Az why I figga, mo betta fo da younga widows marry one mo time, an get kids, an take kea dea ohana. Den da peopo dat stay agains us no can talk stink.