2 Corint 1:3 - Hawaii Pidgin Bible

³ We like erybody talk good bout God. He da God an Faddah fo Da One In Charge a us guys, az Jesus Christ. He da Faddah dat pity us an give us plenny chance, an he da God dat erytime give us good kine words.

2 Corint 1:3 Iomraidhean Croise

Start 14:20

An I like tell dis bout da God Dass Mo Importan Den All Da Odda Gods: He erytime do good tings. He da One dat wen hand ova to you Da guys dat wen give you hard time.” Den Abram take all da stuffs he bring back an make ten pile, an he give one whole pile to Melkizedek, ten percent.

1 Records 29:10

David tell Da One In Charge “Mahalo” in front all da peopo dat come togedda dea, cuz Da One In Charge stay do good tings fo dem. David tell, “Eh! You Da One In Charge! Mahalo, cuz you do good tings fo us guys! You da God fo oua ancesta guy Israel. You stay from befo time an foeva.

Nehemiah 9:5

Den da main guys from da Levi ohana—dass Jeshua, Kadmiel, Bani, Hashabneiah, Sherebiah, Hodiah, Shebaniah, an Petahiah—dey tell da peopo, “Stan up! Tell erybody da good tings dat Da One In Charge do fo you guys. He stay da God fo you guys, from da time eryting wen start, an foeva an eva!” So den one a dem talk to God lidis: “We like tell erybody da good tings you do! We know you one awesome God! You do mo plenny good tings den us know how fo tell, An you mo awesome den awesome!”

Job 1:21

He tell, “Wen I come outa my muddah belly, I stay naked, no mo notting! Wen I leave dis world, I no goin get notting! Da One In Charge give, An Da One In Charge take away. I goin talk good bout Da One In Charge Cuz I know wat kine god him!”

Songs 18:46

Da One In Charge, he alive fo real kine! An I like erybody tell how plenny good tings he do. He jalike one big solid rock fo me hide dea! He da God dat get me outa trouble An I like erybody tell, “God, he awesome!”

Songs 68:35

God, you awesome an unreal Wen you stay inside da place Dass spesho fo you! Da God fo us Israel peopo, He give powa to his peopo, An make us strong! I like erybody tell Da good tings God wen do!

Songs 72:19

I like fo erybody tell Good tings bout him all da time, Cuz dey know how awesome him! I like fo erybody all ova da world Know how awesome he stay! Dass it! Pau.

Songs 86:15

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Isaiah 66:13

Jalike one muddah help her bebe calm down, Even afta he grow up an come big, I goin do da same ting fo help you guys come so notting bodda you. Wen you guys stay Jerusalem town, I goin let you come so notting bodda you!

Daniel 4:34

“Afta da seven year, me, Nebukadnezzar da King, wen look up to da One inside da sky. Den I start fo tink one mo time. I tell bout da God Dass Mo Importan Den All Da Odda Gods, how he do good tings fo me! “I tell good tings bout da One Dat Stay Live Foeva, An I tell dat he stay awesome, An he goin stay king foeva! He get da right fo stay in charge Ova all da peopo dat live today An ova all da peopo dat goin live bumbye.

Daniel 9:9

God, you da Boss. You da One show pity an let us go, no matta us wen go agains you.

Micah 7:18

Den Micah tell: “No mo anodda god jalike you! You let go da peopo dat still stay alive, No matta dey wen do bad kine stuff. You hemo all da shame dey get cuz dey wen go agains you, An you no stay huhu long time. You take da peopo dat stay come back by you, Cuz you stay good inside wen you stay tight wit dem.

John 10:30

Me an my Faddah, we stay one.”

John 20:17

Jesus tell, “No touch me, cuz I no go up by my Faddah yet. But go by my braddahs an sistahs an tell um, I goin go up dea by my Faddah an yoa Faddah, an by my God an yoa God.”

2 Corint 11:31

Jesus, he Da One In Charge, an God, he Jesus Faddah. God, he know I no bulai. Erytime us guys tell erybody dat God stay good foeva.

2 Corint 7:6

But God, he da One dat kokua da peopo dat feel sad inside, an he wen kokua us wen he sen Titus fo come by us.

Efesus 1:17

Dis how I pray erytime: “God, you da Faddah fo Da One In Charge a us guys, Jesus Christ. You oua Faddah, an you stay awesome! I like fo you help da Efesus peopo fo know inside wat fo do. An show dem plenny bout Christ, fo dem know him mo betta.

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.

Philippi 2:11

Wit dea mout, erybody goin tell, “Jesus Christ, da Spesho Guy God Wen Sen, He Da One In Charge!” Cuz a dat, peopo goin tell, “God da Faddah, he awesome fo shua!”

Colosse 1:3

Erytime us pray fo you guys, we tell God “Mahalo plenny!” He da Faddah fo Da One In Charge a us guys, az Jesus Christ.

1 Peter 1:3

I like erybody tell how good God oua Faddah stay, an how good his Boy Jesus Christ, Da One In Charge, too. God, his Faddah, he give us guys plenny chance. Wen Jesus Christ wen mahke, he come back alive! So den, Christ wen give us one new kine life, jalike we wen born one mo time. Us guys stay trus Christ cuz we know fo shua wat he goin do fo us bumbye.

2 John 1:4

I wen feel real good inside cuz I wen find out dat get some a yoa kids dat stay stick wit da trut, jalike God da Faddah wen tell us fo do.

2 John 1:9

Whoeva no stick wit wat Christ wen teach, but go teach odda kine stuff, dey donno God fo real kine. Whoeva stick wit da stuff we teach, dey know da Faddah an his Boy too.