1 Samuel 9:3 - Hawaii Pidgin Bible

³ Had one time, some a Kish donkeys go wea nobody can find um. Az why Kish tell his boy Saul, “Take one a da worka guys wit you an go look fo da donkeys.”

1 Samuel 9:3 Iomraidhean Croise

Local Leadas 10:4

He get thirty boys, dat ride thirty donkeys. Dey stay in charge thirty towns inside Gilead, an da peopo still yet call da towns Da Jair Towns.

Local Leadas 5:10

“You importan guys dat ride on top da nice looking donkeys, Sitting on top saddle blankets, An you regula guys dat walk on da road, Tink plenny bout dis!

1 Samuel 10:14

Bumbye, Saul uncle aks him an da worka guy, “Wea you guys wen go?” Saul tell, “Us wen go look fo da donkeys. But wen we no can find um, we go by Samuel.”

1 Samuel 10:2

Wen you go way from me today, you goin meet two guys nea da grave wea Rachel stay bury, by Zelzah, on da borda fo da Benjamin land. Dey goin tell you, ‘Da donkeys you wen go out fo find, somebody find um awready. Now yoa faddah pau tink bout da donkeys, an he worry bout you. He stay aks, “Wat I goin do bout my boy? Wea he stay?” ’

1 Samuel 9:2

Kish get one boy Saul. Saul, dass one good looking buggah, even mo good looking den all da odda Israel guys. He young, an eh! he real tall, mo den all da odda guys.

1 Samuel 9:20

Da donkeys you neva find fo da las three days, no worry bout dem. Dey no stay lost no moa. Now! All da Israel peopo goin turn to you an yoa faddah ohana, cuz dass wat dey fo real kine like see! You, dea leada!”

1 Samuel 9:4

So Saul an da worka guy, dey go up country Efraim from one side to da odda side, an thru da land aroun Shalishah. But dey no find da donkeys. Den, dey go mo down inside da Shaalim land, but da donkeys no stay ova dea too. Den dey go thru da Benjamin land, but still yet, dey no find um.