1 Samuel 3:11 - Hawaii Pidgin Bible

¹¹ Da One In Charge tell Samuel: “You know wat?! I almos stay ready fo do someting big inside Israel. An dat goin make erybody dat hear um come all shook up inside, cuz goin be real bad.

1 Samuel 3:11 Iomraidhean Croise

2 Kings 21:12

“Az how come me, Da One In Charge, da God fo da Israel peopo, tell dis: I da One goin make real bad kine stuff happen to da Judah an Jerusalem peopo. Erybody goin come bum out wen dey hear bout um.

Job 41:9

If you tell, ‘I stay shua I goin win ova him,’ dat show you bulai! If you even look at him, you goin come bum out!

Isaiah 28:19

Goin get plenny army guys Dat stay come thru hea Ery morning, ery day, an ery nite, Jalike erytime da big watta come, An catch you guys an take you away.” Wen da peopo undastan wat dis mean, Dey goin be fo real kine sked an shaking.

Isaiah 29:14

Az why I goin do dis awesome ting One mo time fo dis peopo, All plenny kine stuff, ova an ova. All da stuff dat da guys tell Dat know wat fo do erytime, Goin all come wipe out. An all da stuff dat da guys tell Dat undastan stuff, Nobody goin know wat dey know, bumbye.”

Jeremiah 19:3

Tell dem: ‘Lissen wat Da One In Charge tell, you Judah king guys an Jerusalem peopo. Dis wat Da One In Charge, da God Ova All Da Armies an da God fo da Israel peopo, tell: Lissen up! I goin make one real bad kine ting happen dis place. Wen peopo hear bout dis, dey goin come all shock, cuz dis place goin come all bus up.

Habakkuk 1:5

Da One In Charge tell: “Look aroun all da diffren nations An watch um good. Yoa jaw goin drop! I stay ready fo make someting happen Wen you guys still stay alive. An you guys not goin tink wat I tell az fo real, No matta I tell you guys befo dat happen!

Luke 21:26

Da peopo goin pass out cuz dey so sked. Dey sked cuz dey donno wat goin happen inside da world. Da big powas inside da sky jalike da stars goin get shake up.

Jesus Guys 13:41

“ ‘You guys dat make fun a wat God tell, Drop yoa jaws! You goin come wipe out! I stay ready fo make someting happen Wen you guys still stay alive. Someting you guys no goin tink Az fo real kine, No matta somebody Tell you all about um.’ ” Dass wat Paul tell um.

1 Samuel 3:10

Da One In Charge come inside his spesho place, an call jalike befo, “Samuel! Samuel!” Den Samuel tell, “Try talk, cuz you my boss, an I stay lissen.”

1 Samuel 4:10

So da Filisha army go fight. An you know wat?! Dey win ova da Israel guys! Thirty tousan Israel infantry guys mahke dat time, an all da oddas run away, back to dea tent. Da Filisha army beat um up good!