1 Samuel 1:3 - Hawaii Pidgin Bible

³ Ery year, Elkanah take his wifes an kids, an go Shiloh town fo pray God house, an make one sacrifice fo Da One In Charge, Da God Ova All Da Armies. Dat time, da pries guys ova dea was Hofni an Finehas, an Eli da Main Pries Guy, dea faddah.

1 Samuel 1:3 Iomraidhean Croise

Songs 78:60

God wen bag from da tent Dey wen put up Shiloh side, Fo be da place wea da peopo Can come togedda wit God.

Outa Egypt 23:14

Ery year, three time you goin take yoa sacrifices to one spesho place, fo make one spesho religious kine ceremony fo me.

Outa Egypt 23:17

Three time ery year, all da men guys gotta come togedda in front me da Boss. I Da One In Charge.

Outa Egypt 34:23

Three time ery year, all yoa guys gotta come togedda in front me, cuz I Da One In Charge a you guys. I da God fo you Israel peopo.

Luke 2:41

Ery year Jesus faddah an muddah go Jerusalem fo da Passova ceremony.

Rules Secon Time 16:16

Three times ery year, all da guys gotta show up in front yoa God, Da One In Charge, by da place he goin pick fo da Spesho Religious Ceremony Fo Da Bread Dat No Mo Yeast, fo da Spesho Religious Ceremony Fo Harves Food, an fo da Spesho Religious Ceremony Fo Live In Shacks. Nobody goin come in front Da One In Charge wit notting fo give him.

Joshua 18:1

All da Israel peopo come togedda at Shiloh town. Dey put up da big tent wea da peopo meet Da One In Charge ova dea. Dey wen take charge a da land awready.

Local Leadas 18:31

An dey stay use da idols Micah wen make, all da time God house stay Shiloh side.

Local Leadas 21:19

But you know wat?! Get one hoolaulea fo Da One In Charge ery year inside Shiloh. (Dass north side from Bethel, an east side a da road dat go from Bethel to Shekem, an south a da road dat go Lebonah.)”

1 Samuel 1:21

Nex year, come time one mo time fo Elkanah an his family fo go Shiloh, an make one sacrifice to Da One In Charge jalike he stay do ery year, an fo do anodda ting he wen make one promise fo do.

1 Samuel 1:9

One time, wen dey all at da place Da One In Charge stay, Shiloh town, Eli da pries guy stay sit on top his pries chair by da door. Elkanah guys pau eat. But den, Hannah feel real junk. Az why she stan up an go outside fo pray to Da One In Charge. An she start fo cry an no can stop!

1 Samuel 14:3

Ahijah stay wit dem too. His faddah was Ikabod braddah Ahitub, an his granfaddah was Finehas, Eli boy (dass da Eli guy dat befo time was Da One In Charge pries guy Shiloh town). Now, Ahijah, he da pries guy dat wear da spesho kine ves cuz he da Main Pries Guy. No mo nobody know dat Jonathan wen go way from dea awready.

1 Samuel 2:19

Ery year his muddah make him one small robe, an wen she go wit her husban fo make sacrifice, she bring um to Samuel.

1 Samuel 2:34

“ ‘Wat goin happen to yoa two boys, Hofni an Phinehas, goin show you how goin be. Da two boys goin mahke da same day.

1 Samuel 3:13

I tell Eli awready dat I da judge, an I goin punish his ohana foeva. He know dat da way his boys ack, dey give God one bad rep, but Eli neva tell um fo stop.

1 Samuel 4:11

Den da Filisha guys grab Da Box. An Eli two boys, Hofni an Finehas, dey mahke too.

1 Samuel 4:4

So da Israel peopo sen guys go Shiloh side, an dey bring back Da Box Fo No Foget Da Deal Wit Da One In Charge, Da God Ova All Da Armies, da one dat get his throne in da middo a da spesho angel watcha guys. An Eli two boys, Hofni an Finehas, wen come wit Da Box.