1 Peter 5:8 - Hawaii Pidgin Bible

⁸ Use yoa head fo know wat fo do erytime! Watch out! Da Devil stay agains you. Dass why he stay go all ova da place jalike one wild lion, looking fo somebody fo him eat up.

1 Peter 5:8 Iomraidhean Croise

Esther 7:6

Queen Esther tell, “Da guy dat hate us, he dis real bad guy Haman!” Den Haman come real sked in front da king an queen.

Job 2:2

Da One In Charge tell Da One Dat Stay Agains God, “Wea you wen come from?” Da One Dat Stay Agains God tell Da One In Charge, “I stay go all ova da world fo see wat happen hea an dea.”

Songs 104:21

Da young lions make big noise Fo find da animals Dey goin kill an eat. Jalike dey aks God fo dea food!

Songs 109:6

God, go sen one real bad guy Fo go agains da one Dat stay agains me, Somebody fo stan dea by him An poin finga him.

Smart Guys 19:12

Wen one king get mad, you betta watch out! Az jalike wen one lion make big noise. But wen da king like wat you stay do, eryting stay okay! Jalike wen da dew come on top da grass.

Smart Guys 20:2

Wen da king get mad, You betta come sked, Jalike you sked wen da lion make big noise! You make da king o da lion mad, You goin mahke!

Smart Guys 28:15

Wen one leada guy stay bad, An da peopo dat no mo notting No can do notting bout da guy, Dey feel jalike get one lion Dat make big noise fo bite um, O jalike get one bear dat stay chase um.

Isaiah 50:8

Da One dat goin show peopo dat I stay right, He stay nea me. Whoeva like poin finga me, I like fo him an me stan togedda in front da judge! Let him come in front me fo him tell me!

Jeremiah 2:15

Da ones dat stay agains da Israel peopo, Dey make big noise wen dey go afta dem, Jalike da lion make noise wen he start fo hunt. Da ones dat stay agains da Israel peopo wase da land. Dey make dea towns come one junk pile, An no mo nobody live dea no moa.

Jeremiah 51:38

Now, all da Babylon peopo roar togedda, Jalike da lions befo dey hunt. Da Babylon peopo growl Jalike da small lions.

Ezekiel 19:7

He bus up da towns dat get strong wall in da nations aroun dea, An wipe out da odda towns aroun dem. All da peopo inside da land Come real sked wen he make noise.

Ezekiel 22:25

Da Israel princes make plan togedda agains da land. Dey jalike da lion dat make loud noise wen he kill one animal an rip um up. Az jalike da prince guys eat up da peopo. Dey rip off da rich kine stuff dat worth plenny, an make plenny Israel wahines come widows.

Daniel 6:24

Den da king tell his guys fo go get da guys dat wen bulai an poin finga Daniel. He tell um fo throw dem an dea wifes an kids inside da hole wea da lions stay. Dey neva even touch da bottom a da hole cuz da lions grab um an grind um up, even dea bones.

Hosea 11:10

“Bumbye da Israel peopo goin come follow me, Da One In Charge. I goin make one loud noise jalike one lion. Wen I make dat loud noise, My peopo goin come from da islans on da west side, sked an shaking!

Hosea 13:8

I goin attack dem jalike one bear Wen somebody steal her bebes. I goin rip dea heart open. I goin eat um up right den an dea, jalike one lion, Jalike da wild animals bus up da body a da animals dey catch. I goin bus up dea body!

Joel 3:16

Da One In Charge goin make one big noise From his temple on top Mount Zion. His voice goin soun real loud from Jerusalem. Da earth an da sky goin shake. But Da One In Charge goin be jalike one place fo hide fo his peopo, Jalike one strong place wea da Israel peopo can hide.

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Amos 3:4

You tink da lion goin make da big noise inside da trees If no mo notting dea fo him kill? Not even! Da young lion not goin growl inside his house If he neva find notting fo catch.

Amos 3:8

Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Zekariah 11:3

Lissen, da sheep guys stay cry loud, Cuz dea green fields stay wipe out. Lissen da big noise da young lions make, Cuz da thick jungle by da Jordan Riva stay all jam up!

Zekariah 3:1

Den da angel messenja guy show me Joshua, da Main Pries Guy. Joshua stay stan in front da angel guy from Da One In Charge. An Da One Dat Stay Agains God stan by Joshua right side fo poin finga him.

Matthew 13:39

Da guy dat stay agains da farma an plant da bad seed, dass da Devil. Wen da plants stay ready, dass da time wen da world goin come pau. Da worka guys, dey da angel guys from da sky.

Matthew 24:42

“So, watch out! Cuz you guys donno wat time yoa Boss goin come back.

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Matthew 4:1

Afta dat, God Spirit take Jesus to da boonies, fo da Devil try presha him fo make um do bad kine stuff.

Matthew 4:11

Den da Devil go way from Jesus, an you know wat? Angel guys from Da One In Charge come an kokua Jesus.

Mark 4:15

“Da seed dat fall down by da trail, dass jalike wen one guy hear wat God tell, an right den an dea Satan come an jam up da guy so he no can rememba wat he wen hear.

Luke 21:34

“Watch out! No good you guys come all jam up wit too much partying, getting piloot, an worrying bout all kine stuff. No good Da One In Charge come back, an you guys not ready.

Luke 21:36

Watch out all da time, an stay ready. Tell God fo let you get outa all da stuff dat goin happen, an fo let you stan in front me, da Fo Real Kine Guy.”

Luke 22:31

Den Jesus tell Peter, “Eh, Peter, lissen up! Satan wen tell God fo give all you guys one big tes. Jalike one farma guy take da junk outa da wheat, Satan like find out who trus me fo real kine an who not.

John 8:44

“You guys come from yoa faddah, da Devil! You guys like do da kine stuff he like do. From da start, he like kill peopo. He no like da trut, cuz no mo notting true inside him. He erytime bulai, cuz dass wat he like do. He da firs guy eva wen bulai, cuz dass how he stay.

2 Corint 2:11

Cuz I no like da Devil trick us. We know he one sly buggah.

Efesus 4:27

An no let da Devil get one chance fo jam you guys up fo do wass wrong.

Efesus 6:11

Jalike da army guys get body armor fo stan up agains da odda army guys, God get eryting you guys need fo stan up agains all da stuff da Devil like try use fo bulai you guys. So use all da stuff God like give you guys!

1 Timoty 2:15

But wen da wahines born bebes, dey goin come out okay, if dey stay trus God, an show love an aloha fo erybody, an stay good an spesho fo God, an tink da right way.

1 Timoty 2:9

An I like da wahines fo ack da right way too. I like um dress good, an show respeck fo who dem wen dey put on clotheses. Da good looks no come from fancy kine hairdo, o from put on fancy kine gold o pearl kine jewelry, o da kine clotheses dat cost plenny money.

1 Timoty 3:11

Da wahines dat help in da church, same ting. Dey gotta be solid kine peopo. Dey no talk bad bout odda peopo. Dey no drink plenny cuz dey gotta know how fo ack. Can trus um bout eryting.

1 Timoty 3:2

Da main leada guy gotta do eryting da right way fo nobody poin finga him. He stay tight wit his one wife. He know how fo hold back wen he gotta hold back. He know how fo ack erytime, an he get one good rep fo do da right tings. He know how fo make peopo feel real good wen dey come his house. He know how fo teach peopo stuff.

2 Timoty 4:17

Still yet, Da One In Charge, he wen back me up an make me strong! He like me fo tell da peopo eryting bout him, dass why. All da diffren peopos wen hear wat I tell um. An Da One In Charge wen take me out from dat place, jalike from inside da lion mout.

Titus 1:8

Da main leada guy, he betta not make lidat. Wen peopo from anodda place come stay his place, he show dem aloha. He feel good inside wen he see good tings happen. He know wat he stay do, an he erytime do da right ting. He stay good an spesho fo God all da time. An he in charge a how he ack.

Titus 2:12

God like do plenny good kine stuffs fo us guys. Dass how come he teach us fo tell, “No way!” fo da kine stuff dat God no like, an “Not even!” fo da bad kine stuff da peopo inside dis world like do. He teach us fo take charge a how us live, fo do da right tings, an fo do da kine stuff dat he like fo us do, hea inside da world nowdays.

Titus 2:2

Tell da older guys inside da church, dat all dem gotta stay in charge a wat dey do. Tell um fo be solid kine guys, fo da peopo get respeck fo um. Tell um fo be da kine guys dat tink bout wat dey goin do befo dey do someting. Dey gotta trus God, get love an aloha fo God an erybody, an hang in dea.

Titus 2:4

Den da older wahines can teach da younga wahines how fo show love an aloha fo dea husban an dea kids,

Titus 2:6

Same ting wit da younga peopo inside da church. Give dem good kine words fo help um fo take charge a how dey live.

James 4:7

God, he Da One In Charge. So den, let him take ova you. Same time, you gotta stan up agains da Devil, an no do wat he like. Den he goin run away from you.

1 Peter 1:13

So den, make ready fo tink good bout all dis stuff. Try tink clear fo know wat fo do erytime. Stay ready fo go all out fo trus Jesus Christ till God bring him back. Cuz dass wen God goin give you guys all da good kine stuff.

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

Jesus Show 12:10

Den I hear one loud voice inside da sky dat tell, “Now da time! God goin take us outa da bad kine stuff we stay in! An show us dat he da King, An he get all da powa! His Spesho Guy Christ get da right fo lead erybody! Cuz da Bad Guy dat wen poin finga Oua braddahs an sistahs all day an all nite, God throw him down hea awready on top da earth.

Jesus Show 12:12

So, erybody dat stay wit God inside da sky, dance an sing! But horraz to you guys on top da earth an da ocean! Cuz da Devil wen go down by you guys! He stay real huhu, Cuz he know he ony get litto bit mo time lef!”

Jesus Show 12:9

Da big Dragon, God throw um outa da sky. Dass da ol snake. Dey call um da Devil an Satan, Da One Dat Stay Agains God. He bulai all da peopo inside da world. God throw him an his angel messenja guys down on top da earth.

Jesus Show 20:10

Den God throw da Devil dat wen bulai dem, inside da lava lake dat burn wit sulfur. Dass wea befo time God wen throw da Wild Animal an da guy dat tell he one guy dat talk fo God, but he not. Dey goin suffa day time an nite time foeva an eva.

Jesus Show 20:2

He grab da Dragon, da snake dat wen stay from befo time. Dass da Devil, an dey call him Satan, Da One Dat Stay Agains God too. An da angel lock up da Devil wit one chain, an he stay dea fo one tousan year.

Local Leadas 14:5

So Samson go down Timnah side wit his faddah an muddah. Wen dey go nea da grape farms nea Timnah, right den an dea one young lion come afta Samson, making big noise.