1 Peter 5:2 - Hawaii Pidgin Bible

² You guys jalike sheep guys dat take kea dea sheeps. So take kea da peopo God wen give you guys. Do wat stay good fo dem, not cuz you gotta do um, but cuz you like do um. Do um da way God like. No do um fo money, cuz dat make you come shame, but go all out fo help God peopo.

1 Peter 5:2 Iomraidhean Croise

2 Kings 12:6

But afta Joash stay king fo twenny-three year, still yet da pries guys neva fix da Temple.

Love Song 1:8

You da mos beautiful wahine! If you donno wea I goin stay, Go follow wea da sheep footprints go. Let yoa young goats eat grass ova dea, Not far from wea da odda sheep guys stay make camp.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Isaiah 56:11

Da leada guys, dey jalike greedy dogs Dat no get enuff fo eat! But same time, dey da ones Dat suppose to take kea da peopo Jalike da guys dat take kea da sheeps, But dey no undastan notting! All dem turn away An go any place dey like. Dey ony tink fo get eryting fo ony dem.

Isaiah 6:8

Den I hear my Boss tell, “Who I can sen? Who goin go fo us?” An I tell, “Me, I can go, Sen me.”

Isaiah 63:11

“Den his peopo tink how was Long time befo time, wit Moses an his peopo. Dey tink, ‘Wea da One Wen take da Israel peopo thru da Red Sea, Da time Moses an his ohana Stay jalike sheep guys Dat take kea da peopo ova dea?! Wea da One dat wen put his Good An Spesho Spirit Right dea wit all da peopo?!

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 13:20

Look, you Jerusalem guys! You no can see Da army guys dat stay come from da north side, o wat?! So! Wea da peopo Da One In Charge tell you fo take kea dem?! Dey jalike uku pile a sheeps An you guys wen talk big bout dem!

Jeremiah 6:13

“From da guys dass not importan to da importan guys, Erybody stay greedy fo get plenny stuffs. Da guys dat make jalike dey talk fo me, an da pries guys, Dey all bulai peopo fo get stuff.

Jeremiah 8:10

“Az why I goin give dea wifes to odda guys. An I goin give dea fields to odda guys dat like take ova um. From da mos importan guy to da mos small guy, All dem greedy fo get eryting fo ony dem. Even da guys dat suppose to talk fo me An da pries guys, dey all same same. All dem bulai.

Ezekiel 34:23

I goin give one guy da kuleana fo be ova dem an take kea dem. Az goin be David, da guy dat work fo me. He goin come jalike da sheep guy ova dem.

Ezekiel 34:31

You guys my sheeps, da sheeps inside my grass land. You my peopo, an I yoa God, Da One In Charge. Az wat me Da One In Charge, da Boss, tell.’ ”

Ezekiel 46:24

Da guy tell me, “Dese da places wea da guys dat work inside da temple goin cook da sacrifice meat from da peopo.”

Micah 3:11

Dea main guys take unda da table kine money Fo judge dat da guy dat pay um, he da one stay right. Dea pries guys teach da Rules from God, But ony if da peopo pay um too. Da guys dat tell dey talk fo God, Make da peopo pay fo tell dem wat goin happen. But same time dey talk bout how dey trus Da One In Charge, an tell: ‘Da One In Charge stay hea wit us guys. So no mo notting bad goin happen to us guys!’

Micah 5:4

Da leada goin stan up an take kea his peopo, Jalike one sheep guy take kea his sheeps. He goin stay strong cuz he stay tight wit Da One In Charge, An cuz he know wat kine god, his God, Da One In Charge. Den da peopo goin live dea, An nobody goin bodda dem. Cuz peopo all ova da world Goin know dat da Israel leada guy real importan.

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Zekariah 11:17

“Bummahs, fo da sheep guy dat no worth notting! He bag from da sheeps. I like fo somebody wack his arm An his right eye wit one sword! I like his arm come all any kine, An he no can see notting wit his right eye.”

Malakai 1:10

Mo betta one a you guys shut da doors fo da sacrifice place. Den you no can go inside fo make da fire on top da altar an make one sacrifice fo me dat ony wase time. All da stuff you guys do, dat no make me feel good inside notting. Dass me dat tell dis, Da One In Charge, Da God Ova All Da Armies. No way I goin take da gifs you guys bring!

Census 18:7

Ony you an yoa boys togedda can do da pries kine work—eryting bout da altar an inside da curtain. Az my present fo you guys, da pries kine work. If anybody dass not yoa ohana go nea da place dat stay spesho fo me, dey gotta mahke.”

Luke 12:32

“You guys, you jalike bebe sheeps. No sked, cuz yoa Faddah da King like give you eryting he get.

Jesus Guys 20:29

I know fo shua afta I go, some guys jalike wild dogs goin come by you guys fo try wipe you guys out.

Jesus Guys 21:13

Den Paul tell, “How come you stay crying an make me come sad? I stay ready fo get all tie up, an even fo mahke inside Jerusalem, fo show how awesome Da One In Charge stay, az Jesus.”

Rome 1:15

Dass why I stay ready fo tell you guys all da Good Kine Stuff From God wen I go ova dea Rome side fo see you guys.

1 Corint 9:7

Eh, look da army guys. Dey no gotta buy dea food an clotheses. An da guys dat plant da grape, nobody goin tell dem, “No eat da grape!” Da sheep guy too, az okay fo him use da milk from da sheeps.

1 Timoty 3:3

He no get piloot. He no like beef wit odda guys, but he know how fo make nice to peopo. He no like make argue wit nobody. He no love money.

1 Timoty 3:8

Da helpa guys fo da church, same ting. Dey gotta be solid kine peopo fo da odda peopo get respeck fo dem, an dey gotta mean wat dey tell. Dey betta not drink plenny an do shame kine stuff cuz dey greedy.

Titus 1:11

Eh! Gotta stop um fo no talk lidat no moa. Cuz ery house dey go, dey jam up erybody dea wit da kine tings dey teach. Dey teach da kine tings dey not suppose to teach. An dey not even shame fo charge money fo teach lidat.

Titus 1:7

Da main leada guy, he suppose to be one guy nobody can poin finga him cuz he erytime do wass good. He betta not live jalike da kine guys dat get hard head an no lissen da odda guy. Dose guys, dey get mad fas, dey drink too much, dey like beef erytime, dey no shame fo do any kine fo make money.

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

Titus 3:1

Help da church peopo no foget dey suppose to lissen all da govmen leada guys, an do wat da rules tell um fo do, an stay ready fo do ery kine good ting.

Filemon 1:14

But I neva like do notting if dass not okay wit you. I no like you do um cuz you gotta! Mo betta you do um cuz you like do um.

Hebrews 12:15

Watch out fo each odda, how you live. No good if somebody tell “Laytas” to all da good kine stuff dat God like do fo us. Dass jalike wen get one bad kine plant dat shoot up an make all da odda plants come poho. Dat kine guy goin make plenny odda peopo come pilau inside.

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.