1 Peter 4:16 - Hawaii Pidgin Bible

¹⁶ But whoeva suffa cuz dey Christ Guy, dey no need come shame cuz a dat. Show erybody how awesome God stay, da way you suffa jalike him.

1 Peter 4:16 Iomraidhean Croise

Isaiah 24:15

Dass why you peopo dat live east side Wea da sun come up, Make shua da peopo dea show respeck fo Da One In Charge! An you guys dat live dea on top da islans, Make shua da peopo dea know wat kine god Da One In Charge, Da God fo us Israel peopo!

Isaiah 50:7

Da One In Charge a me, He da One help me. Dass how come I no come shame Cuz a wat dey do. Dass why I stick wit wat I goin do, An I no goin change my mind. I stay shua dat I no goin come shame.

Isaiah 54:4

“Eh my peopo! No sked, cuz you no goin come shame no moa. Cuz nobody goin make you come shame. Jalike da wahine dat no mo her kids, But now she get um, She foget her was shame Befo time wen her was young. Jalike she goin foget How bad peopo wen make her feel Wen her no mo husban.

Jesus Guys 11:26

He find him, an bring him Antiok. Barnabas an Saul stick togedda wit da odda braddahs an sistahs dat come togedda fo church ova dea, an dey teach plenny peopo fo one year. Antiok was da firs place wea odda peopo start fo call Jesus peopo “Christian.” Dat mean, “Christ peopo.”

Jesus Guys 26:28

Den Agrippa tell Paul, “You tink in dis short time you goin make me come one Christian, o wat?!”

Jesus Guys 28:22

But we like lissen wat you tell. We know dat da peopo all ova da place stay grumble bout dis kine stuff you teach.”

Jesus Guys 5:41

Jesus guys go way from da main leada guys. An dey stay real good inside cuz God figga dey stay good enuff fo suffa an come shame cuz dey Jesus guys.

Philippi 1:20

I stay waiting real good fo dat fo happen. I stay shua dat notting goin make me come shame. I goin be strong, an I no goin come sked. Erytime peopo see wat happen to me, jalike befo time, I like dem see how awesome Christ stay, jalike befo time, no matta I stay alive o I mahke.

Philippi 1:29

God let you guys not ony trus Christ, but suffa fo him too.

2 Timoty 1:12

Az why I gotta suffa, you know. But no matta to me cuz I no shame fo suffa! I know Jesus, dass why. He da One I trus. I know dis fo shua: he wen give me one big job fo do, an he stay trus me fo do um da right way. An I can do um! Cuz Jesus get da powa fo take kea eryting till he come back.

James 2:7

Erytime, dey da guys dat talk bad bout da awesome guy Christ, no matta you his guys, an den!

1 Peter 2:12

Make shua you guys do da right tings in front da peopo dat donno God, so dat no matta dey poin finga you guys now, dey goin ony see da good kine stuff you guys do. Den wen Christ come back, dey goin tell how awesome God stay.

1 Peter 4:11

If anybody get da gif fo speak, he gotta tell da same ting God tell. If anybody get da gif fo help anodda guy, he gotta help um wit da powa dat God give um. Den eryting you do goin show how awesome God stay. All dis cuz a Jesus Christ! An dass how peopo goin talk good bout God. He awesome, an his powa goin be foeva. Dass right!

1 Peter 4:14

Wen somebody talk any kine to you cuz you Christ guys, you can stay good inside, cuz God awesome Spesho Spirit stay inside you.

1 Peter 4:19

Wen God peopo suffa, an dey handle um da way he like um fo handle, dey can trus God fo take kea dem. He wen make dem, an he do wat he tell he goin do erytime. An dey still yet goin do good kine stuff, jalike befo time.