1 Peter 3:12 - Hawaii Pidgin Bible

¹² Cuz Da One In Charge get aloha fo da peopo Dat do da right tings, An he lissen good wen dey pray to him, But Da One In Charge stay agains Da peopo dat do bad kine stuff.”

1 Peter 3:12 Iomraidhean Croise

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

2 Records 7:15

From now, my eyes goin stay open. I goin lissen good wen da peopo pray inside dis place.

Songs 11:4

But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 33:18

But Da One In Charge, he stay watch Da peopo dat get respeck fo him, Da ones dat stay wait, Dey shua Da One In Charge Goin show he stay tight wit dem.

Songs 65:2

You, da one dat lissen wen us guys pray. Az why all da peopo Goin come by you.

Songs 80:16

Da odda peopos wen try Fo wipe out us guys, Jalike dey chop up yoa grape plant An burn um. I like fo dose peopo come wipe out. I like fo dem see Dat you stay huhu wit dem.

Smart Guys 15:29

Da One In Charge stay far away from da bad kine peopo, But wen da peopo dat do wass right pray, He lissen.

Smart Guys 15:3

Da One In Charge, he see eryting. He see wat da bad kine peopo do, An da good kine peopo do.

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Jeremiah 21:10

I make up my mind awready dat fo shua da bad kine stuff, an not da good kine stuff, goin happen to dis big town. Da Babylon king goin take ova da town, an he goin wipe um out wit fire.’ Az wat Da One In Charge tell.

Jeremiah 39:12

“Take him an take good kea him. No hurt him, but do fo him wateva he tell wat he like you fo do.”

Ezekiel 15:7

I goin go agains dem. No matta dey wen come outa da hard times, jalike dey come outa da fire. Da hard times still yet goin wipe dem out, jalike da fire goin wipe um out. An wen I go agains dem, you guys goin know dat me, Da One In Charge, wen do all dat.

Prieses 17:10

“If any Israel guy, o any guy from anodda place dat stay live wit you guys, eat meat dat still get blood inside, I goin go agains dat guy dat eat da blood, an I goin cut him off so he not one a my peopo no moa.

Prieses 20:3

I goin go agains dat guy, an cut him off from his peopo so he not one a my peopo no moa. Wen he give his kid fo make one sacrifice fo Molek, he make da place dat stay spesho fo me pilau, an he talk bad bout me an make pilau my good an spesho name too.

Prieses 20:6

“I goin go agains whoeva go look fo da wahines dat talk to da mahke peopo, an da guys dat know how fo find out wat da mahke peopo spirits know. Dey make jalike one hoa wen dey go agains me an follow da odda spirits. I goin cut dem off so dey not my peopo no moa.

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Zekariah 4:10

No talk like az no good wen get ony litto bit work dat pau! Peopo goin stay good inside wen dey see Zerubbabel stay work, pulling da string fo make shua da walls line up! (Da seven olive oil lamps on top da lamp stan, dey fo no foget dat Da One In Charge get eyes dat look all ova da world.)”

John 9:31

An da guy tell dis too, “Eh! we know dat God no lissen da bad kine guys. But he lissen da guys dat get respeck fo him an do wat he like.”

Rules Secon Time 11:12

Az one land wea yoa God, Da One In Charge, take kea da land. He watch um erytime, from da start to da end a da year.

James 5:16

So den, if you wen do someting bad, go tell each odda wat kine tings you wen do. Pray fo each odda, fo you come good. Da guy dat get um right wit Da One In Charge an do wass right, wen he pray he get da powa an can do plenny.