1 Peter 3:11 - Hawaii Pidgin Bible

¹¹ He betta not do da bad kine stuff no moa, Ony do da right kine stuff. He gotta like fo real kine Fo learn how fo make good wit erybody, An work hard fo do dat.

1 Peter 3:11 Iomraidhean Croise

Job 1:1

Had one guy Job. He live da Uz land. Dat guy, no mo nobody poin finga him. He erytime do da right ting. He get awesome respeck fo God, an stay away from da bad kine stuff.

Job 2:3

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff. An he still yet come mo strong fo do stuff dat no mo nobody poin finga him, no matta you wen try make me mess him up fo notting.”

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Songs 125:4

Eh! You Da One In Charge! Try do good tings Fo da good kine peopo, Da ones dat get One good heart fo do da right ting.

Songs 34:14

No go do bad kine stuff. Ony do good kine stuff. Work hard fo be frenz wit erybody.

Songs 37:27

Get away from da bad kine stuff, An do good. Den you goin live on top da land Da One In Charge give you, foeva.

Smart Guys 16:17

Da peopo dat stay do wass right, Dey no do bad kine stuff. Jalike dey walk on top one road An go aroun so dey no go by one bad place. Whoeva stay watch how he live He take good kea his life.

Smart Guys 16:6

Wen you stay real tight wit peopo, An you da kine guy dey can trus, Fo shua, peopo goin know Dat God let you go awready Fo da tings you wen do agains him. Wen you stay sked a Da One In Charge, Fo shua, you goin change An no do bad kine stuff no moa.

Smart Guys 3:7

“No get big head cuz you tink you real smart An know wat fo do erytime. Mo betta you stay sked a Da One In Charge, Fo stay away from bad kine stuff.

Matthew 5:45

Wen you do dat, you goin show fo real kine dat you da kine kids dat come from yoa Faddah dat stay in da sky. He make da sun come up fo da bad guys an da good guys. An he sen rain fo da guys dat do da right tings, an fo da guys dat no do da right tings.

Matthew 5:9

“Da peopo dat help da odda peopo come frenz one mo time, Dey can stay good inside Cuz God goin tell, ‘Dey my kids.’

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Mark 14:7

Erytime goin get peopo dat no mo notting stay wit you guys, an you can help dem weneva you like. But I no goin stay wit you guys erytime.

Luke 1:79

Da peopo dat stay do bad kine stuff, Jalike dey stay live inside da dark an no can see notting, An dey goin mahke inside, God goin help dem fo know da trut. Den us guys goin see da right way, An den notting goin bodda us guys.”

Luke 6:35

No way! Get love an aloha fo da peopo dat stay agains you, an do good tings fo dem, an lend um stuff, an no figga you goin get um back! Cuz da God Dass Mo Importan Den All Da Odda Gods, he erytime do good tings fo da peopo dat no tell him ‘Mahalo plenny!’ an da peopo dat do real bad kine stuff. If you make jalike God, dat show he you guys Faddah, an you his kids. An bumbye, God goin give you guys plenny good kine stuff bumbye in da sky cuz a dat.

Luke 6:9

Den Jesus tell dem, “I like aks you guys one question. Dass right in da Rules From God fo do da good kine stuff on da Res Day, o do da bad kine stuff? Fo help peopo fo stay alive, o fo wipe um out?”

John 17:15

I no like fo you take my peopo outa da world, but I like fo you help dem stay away from da Bad Guy Satan.

Rome 12:18

Try yoa bestes fo be da one dat do eryting fo live good wit erybody wit aloha, no matta dey go agains you.

Rome 14:17

Eh lissen! God stay da King, but you no stay da king guy jus cuz you like eat o drink wateva you like. You stay da king guy, so you do da right ting, an notting bodda you, an you stay good inside. Cuz dass wat happen wen you stay tight wit da Good An Spesho Spirit.

Rome 14:19

So den, us gotta try hard fo make shua we do da kine stuff dat make erybody stay good wit each odda, an we gotta help each odda fo come mo strong inside.

Rome 5:1

Cuz us guys trus God, az why God tell us guys we get um right wit him. Us pono wit him, cuz a wat Jesus wen do, Da One In Charge a us guys.

Rome 7:19

Da good kine stuff dat I like do, I no do um. But da bad kine stuff I no like do, I do um.

Rome 7:21

I figga dis: wen I like do wass good, right dea inside me I like do da bad kine stuff too.

Rome 8:6

Da guy dat ony tink fo do da bad kine stuff his body like him fo do, az jalike he mahke inside awready. But da guy dat tink fo do wat God Spirit like him fo do, he stay alive fo real kine, an notting bodda him.

Galatia 5:22

But if us stay tight wit God Spirit, he give us plenny love an aloha fo erybody. He make us stay real good inside. He help us so notting bodda us. He help us guys hang in dea wit odda peopo long time. He help us tink good bout eryting, an like do good kine stuff fo peopo. He help us fo do wat we promise fo do.

Galatia 6:10

So den, erytime us get chance, we gotta do da good kine stuff fo erybody, an even mo fo da peopo dat trus God cuz dey jalike oua ohana.

Colosse 3:15

Cuz Christ make um so notting bodda you guys, dass how you guys gotta live. He wen tell all you guys fo come togedda an stick togedda jalike one body, fo live so no mo notting bodda you guys. An tell God “Mahalo plenny!” erytime fo eryting.

1 Timoty 6:18

Tell da rich peopo fo do good kine stuff, fo do plenny good kine tings fo odda peopo, fo like share dea stuffs, an fo kokua da peopo.

Hebrews 12:14

Try erytime fo make pono wit erybody, an erytime da way you live, make um good an spesho fo God. Cuz ony da peopo dat go all out fo stay spesho fo Da One In Charge goin see him fo real kine.

Hebrews 13:16

No foget fo do good tings fo odda peopo. Give dem wat dey need from yoa stuffs. Cuz dass jalike you stay make one sacrifice dat make God stay good inside.

James 4:17

Da guy dat know how fo do good tings, but still yet he no do um, same ting, jalike he still do bad kine tings.

1 Peter 3:12

Cuz Da One In Charge get aloha fo da peopo Dat do da right tings, An he lissen good wen dey pray to him, But Da One In Charge stay agains Da peopo dat do bad kine stuff.”

3 John 1:11

My fren, no make jalike da peopo dat do bad kine stuff, but make jalike da peopo dat do good kine stuff. Da peopo dat do good kine stuff come from God. Da peopo dat do bad kine stuff donno God fo real kine.

Local Leadas 11:14

Jeftah sen back messenja guys to da Ammon king.