1 Peter 2:2 - Hawaii Pidgin Bible

² Jalike da bebes dat jus wen born an try fo get da milk, you guys go get da kine stuff dat stay good fo yoa spirit. Dass fo make you guys come mo an mo strong inside erytime, an God still goin take you guys outa da bad kine stuff.

1 Peter 2:2 Iomraidhean Croise

2 Samuel 23:5

“Fo shua, my ohana goin stay lidat wit God. He wen make one promise fo me dat stay foeva. He make shua ery part okay, an no ways goin change. He goin make me da winna! He goin make eryting happen Dat I like fo happen.

Job 17:9

But da peopo dat do da right kine stuff, Dey no goin change how dey ack. An da peopo dat no do bad kine stuff cuz dea hands stay clean, Dey goin come mo strong.

Smart Guys 4:18

But fo da peopo dat do wass right erytime, Eryting come mo an mo betta fo dem, Jalike early morning time get ony litto bit light, Den come mo an mo strong till come day time.

Hosea 14:5

Jalike da dew give watta from da sky fo make da lily flowa come out, I goin make da Israel peopo come strong lidat. Dey goin be jalike da cedar trees Lebanon side Dat sen down deep roots.

Hosea 14:7

Da peopo goin live unda my shade one mo time. Dey goin grow good, jalike wheat an barley. Dey goin get flowa jalike da grape plant. Erybody goin know bout dem jalike dey know da wines from Lebanon.

Hosea 6:3

Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Malakai 4:2

But fo you guys dat feel real sked Wen you tink bout wat kine god me, Erybody goin see fo real kine wat stay right, Jalike wen da bright sun come up An you can see eryting mo clear. An dass goin make all you guys feel good. Den, you guys goin run aroun an jump, Jalike wen peopo let da bebe cows outa da pen!

Matthew 18:3

He tell, “I tell you guys dis fo shua: If you guys no change an start fo tink jalike one litto kid, no way God in da sky goin be yoa King.

Matthew 19:14

Den Jesus tell, “Let da kids come! No stop dem! Cuz da peopo dat get God in da sky fo dea King, inside dey jus like dese kids.”

Mark 10:15

Dass right! An I like tell you dis too: Da guy dat not jalike one small kid inside, God no goin be his King.”

Luke 18:17

Dass right! An I like tell you guys dis too: Whoeva no make God come his king jalike one small kid make um, God no goin come his king.”

Rome 6:4

Wen we get baptize, dat mean jalike dey bury us same time dey bury Christ cuz jalike us mahke too. Da Faddah, he get awesome powa. An afta Christ mahke, da Faddah make um come back alive. Az how da Faddah like fo us use his powa fo us guys live one new kine life.

1 Corint 14:20

Eh, my braddahs an sistahs! No go tink jalike small kids no moa! (Fo do da bad kine stuff, shua! Ack jalike bebes! Cuz da bebes, dey donno how fo do bad kine stuff.) But fo undastan wass da main ting, you gotta grow up!

Efesus 2:21

Da whole house line up real good cuz Christ da corna block. An dat house stay come one temple dat stay spesho fo Da One In Charge.

Efesus 4:15

Mo betta us guys tell da trut erytime wit love an aloha. An we goin come jalike grown up guys in eryting—fo us come jalike Christ. Cuz he jalike da head a us guys an us guys jalike da body.

2 Tessalonika 1:3

Eh my braddahs an sistahs, we gotta tell God “Mahalo plenny!” erytime cuz a you guys. Az right we do dat, cuz you guys stay trus God plenny mo an moa, an cuz you guys stay show mo an mo love an aloha fo each odda.

1 Peter 1:23

Now az jalike you guys wen born one mo time. But az not from da kine faddah an muddah dat goin mahke. Az from da Faddah dat no goin mahke eva! You stay alive foeva cuz a wat God wen tell!

2 Peter 3:18

Mo betta you guys come mo an mo strong inside. Cuz you know, Da One In Charge a us guys, Jesus Christ, he da One dat goin take us guys outa da bad kine stuff we stay in. He like do plenny fo you guys, an he like you guys know him mo betta. I like erybody tell awesome kine tings bout Jesus, now an foeva! Right on!