1 Corint 9:7 - Hawaii Pidgin Bible

⁷ Eh, look da army guys. Dey no gotta buy dea food an clotheses. An da guys dat plant da grape, nobody goin tell dem, “No eat da grape!” Da sheep guy too, az okay fo him use da milk from da sheeps.

1 Corint 9:7 Iomraidhean Croise

Smart Guys 27:18

If you da one take kea one fruit tree, Den you goin eat da fruit. An you da one take kea yoa boss, Den you goin get respeck fo dat.

Smart Guys 27:27

An da wahine goats goin give you all da milk you need Fo make cheese fo all yoa ohana peopo eat, An fo da wahines dat work fo you.

Love Song 8:12

Da tousan piece silva, az fo dem pay you, Solomon! (An two hundred fo da guys dat take kea da fruits too.) But me, da grape farm I own, Az mines!

Isaiah 7:22

So from da cow an da goat, dey goin get milk, an da guy goin get enuff sof cheese fo eat. Da peopo dat da army guys no take away from inside da land, goin get sof cheese an wild honey fo eat.

Jesus Guys 20:28

Make shua you leada guys live da way God like you fo live. An take kea all da peopo dat da Good An Spesho Spirit give you guys fo take kea. You guys gotta take kea da church guys jalike one sheep guy take kea his sheeps. Cuz Da One In Charge, Jesus, wen bleed an mahke fo make dem come God kids.

Rules Secon Time 18:8

He goin get da same food wit dem fo eat from wat da peopo bring fo da Levi ohana guys. Az okay fo him get silva fo sell stuff dat stay da property a his ohana.

Rules Secon Time 20:6

Get anybody hea dat jus wen plant one grape farm, an no harves da grapes yet? Okay fo dem go home, cuz if dey mahke wen dey fight, den some odda guy goin harves da grapes.

1 Timoty 1:18

Timoty, jalike you my boy! I stay trus you fo do all da stuff I stay tell you fo do. Da guys dat talk fo God wen tell dis bout you befo time: “Timoty, you da guy fo do da job.” From wat dey tell from befo time, go fight an win ova da bad kine teaching, jalike one army guy dat fight fo win.

1 Timoty 6:12

Go all out fo trus God, no matta hard. Make shua you get da real kine life dat goin stay to da max foeva! Befo time, God wen tell you fo come, an you wen do one good job wen you tell dat you trus Jesus, Da One In Charge, in front plenny peopo.

2 Timoty 4:7

Jalike one runna guy, I wen run good an pau da race. I wen hang in dea fo do eryting Jesus, Da One In Charge, wen trus me fo do.

1 Peter 5:2

You guys jalike sheep guys dat take kea dea sheeps. So take kea da peopo God wen give you guys. Do wat stay good fo dem, not cuz you gotta do um, but cuz you like do um. Do um da way God like. No do um fo money, cuz dat make you come shame, but go all out fo help God peopo.