1 Corint 9:21 - Hawaii Pidgin Bible

²¹ Fo da peopo dat donno da Rules From God, I wen come jalike dem fo bring to God da peopo dat donno da Rules From God. (Dat no mean, dat I no stay do wat da Rules From God tell me fo do, you know. I Christ Guy, an dass how come I stay do wat da Rules From God tell.)

1 Corint 9:21 Iomraidhean Croise

Songs 119:32

Weneva you tell me fo do someting, I goin run fo go do um, Cuz you help me fo undastan stuff Mo betta erytime!

Jesus Guys 15:28

“Da Good An Spesho Spirit an us guys figga no good fo us put heavy kine rules on top you guys, but ony dis:

Jesus Guys 16:4

Dey go from one town to anodda. An dey tell da peopo dea da stuff from da guys Jesus wen sen all ova an da older leadas Jerusalem side too. Dey tell all dat stuff Jesus guys gotta do.

Jesus Guys 21:25

But da peopo dass not Jew guys an stay tight wit Jesus, we awready write dem one letta. We tell um dey betta not eat da meat from da sacrifices fo da idol kine gods, eat o drink da blood, eat da meat from animals dey wen choke, an dey betta not fool aroun nobody.”

Rome 2:12

Erybody dat do bad kine stuff, no matta dey donno da Rules God wen make fo erybody, dey goin get cut off from God foeva. An erybody dat do da bad kine stuff, an dey know da Rules From God, God goin use da Rules fo judge dem.

Rome 2:14

Da peopo dass not Jew guys, dey donno da Rules From God. But if get some a dem dat do jalike da Rules From God tell um fo do, no matta dey neva learn da Rules, dey ack jalike dey get um fo real kine.

Rome 7:22

I stay real good inside wen I tink bout da Rules from God.

Rome 7:25

God, mahalo plenny! Cuz Jesus Christ, Da One In Charge, he free me up! So dis how stay: I one slave. No matta my head like do eryting da Rules From God tell I gotta do—but how I feel inside, az jalike get anodda rule dat tell I gotta do bad kine stuff.

Rome 8:4

God sen Christ fo mahke fo us guys. Az why us guys can do all da right kine stuff da Rules From God tell we gotta do. Now, we no live da way we live befo time wen we do wat we like do. We live da way God Spirit like fo us live.

Galatia 3:2

I like you guys tell me one ting: How you guys wen get God Spirit? Was cuz you guys do wat da Rules tell you fo do?! O was cuz you guys wen trus da Good Stuff From God dat you guys wen hear? Fo shua, was cuz you guys trus da Good Stuff From God!

Galatia 6:2

Help da odda guy wen you know dat he need help. If you do dat, you goin do eryting Christ rules tell you fo do.

Hebrews 8:10

‘Dis da deal I goin make bumbye Wit da Israel ohana peopo. I goin put my Rules inside dea head. I goin write um inside dem. I goin be dea God fo real kine, An dey goin be my peopo fo real kine.