1 Corint 4:4 - Hawaii Pidgin Bible

⁴ Inside, I tell me I okay, but dat no mean I okay. Da One In Charge, he da judge fo wat I do.

1 Corint 4:4 Iomraidhean Croise

Job 15:14

“You tink get anybody dat no stay pilau inside an can go in front God, o wat?! You tink get anybody dat one wahine wen born, Can do da right kine stuff, da way God see um? Not even!

Job 25:4

So! How can one guy get um right wit him, aah?! Erybody dat wen born, how dey goin stay clean inside?!

Job 27:6

I goin stay strong fo tell dat I do da right ting, An I no goin change my mind. I stay shua nobody can poin finga me all da time I stay alive.

Job 40:4

“Me, I one nobody! No ways I can ansa back you. I shut my mout!

Job 9:20

No matta I neva do notting wrong, Wateva I tell, goin soun jalike I wen do someting wrong. Even if I no mo blame, wat I tell goin soun jalike I one crook.

Songs 130:3

Da One In Charge, I know You no make one lis A all da bad tings da peopo do, Cuz if you make one lis lidat, Fo shua no mo nobody Goin stay alive!

Songs 143:2

No come hea jus fo judge me, Yoa worka guy. Cuz wen erybody stan in front you, Fo shua no mo nobody dat stay alive Can come right wit you.

Songs 19:12

How I goin undastan all da bad kine stuff I do Dat I donno I do? Eh God! No punish me fo dat! Let me go!

Songs 26:12

Now, jalike I get one solid place fo stan on top Dat stay flat, az how I no goin fall down. An ova hea, wea all God peopo come togedda, I goin tell, “Da One In Charge, he do real good tings fo me!”

Songs 50:6

Jalike da sky goin tell da story, How God erytime do da right ting, Cuz he da Judge. (Time out fo da music.)

Smart Guys 21:2

Peopo tink wateva dey do, stay right. But Da One In Charge, he da One know wat dey tink.

Smart Guys 29:26

Get plenny peopo Dat like make da guy in charge a dem tink dey stay okay. But Da One In Charge, he da ony one dat know Who stay okay an who no stay okay Fo real kine.

John 21:17

An den one mo time, Jesus go aks um, “Eh Simon, John boy. You my fren, o wat?” Den Peter come all hurt inside, cuz now three time awready Jesus go aks him. He tell, “You my fren, o wat?” So Peter tell um, “You Da One In Charge! You know eryting! You know I yoa fren.” Jesus tell um “Dass right! An I tell you dis too: Feed my sheeps. Befo time, wen you was one young guy, you put on yoa clotheses an yoa belt an go wea eva you like. Bumbye, you goin come one ol guy. Den you goin stick out yoa hands an anodda guy goin tie you up an bring you one place you no like go.”

Jesus Guys 23:1

Paul look strait at da main leada guys an tell, “My braddahs, fo shua I wen do all da stuff God like me fo do wit one good heart even till today.”

Rome 2:13

Fo get um right wit God, not enuff fo ony hear da Rules From God. You gotta do jalike da Rules From God tell you fo do fo get um right wit him.

Rome 4:2

Dis wat us guys can tell: If Abraham wen get um right wit God cuz a da stuffs he wen do, den he can go talk big bout dat. But in front God, he no can talk big notting.

1 Corint 4:3

No bodda me wat you guys tink bout da stuff I stay do, o wat da odda peopo tink. I no even ack jalike one judge fo me.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

2 Corint 5:10

You know, erybody gotta go in front Christ da Judge, an us no can hide notting. Dat time us goin get back wat we wen do, wen we wen stay inside dis world. An no matta us wen do da good kine stuff o da no good kine stuff.