1 Corint 3:12 - Hawaii Pidgin Bible

¹² Some peopo goin build on top dat foundation, wit good kine stuff, stuff jalike gold, o silva, o diamonds—o dey goin build wit junk kine stuff, stuff jalike wood, o grass, o leaf.

1 Corint 3:12 Iomraidhean Croise

Songs 119:72

Da Rules you teach, dey good fo me, Mo den all da gold an silva dat get.

Songs 19:10

Wen Da One In Charge tell wass right, Az good you like lissen him Mo den you like get gold, Even mo den plenny gold, da bestes kine. Da Rules From God, mo sweet den da honey, Even da fresh honey dat stay inside da wax still yet.

Outa Egypt 5:12

So da Israel peopo go all ova da place inside da Egypt land fo cut da wheat stalk dat nobody cut yet, fo dem pick up enuff wheat stalk fo make da brick.

Smart Guys 16:16

Fo learn how fo know wat fo do erytime, Fo shua, az mo betta den get plenny gold! Fo find out how fo undastan stuff, Az mo betta den fo get silva.

Smart Guys 30:6

No go tell, God tell someting An he neva tell dat. If you do dat, God goin show dat you stay wrong, An peopo goin find out, you one bulaia.

Smart Guys 8:10

Learn from me wat stay right, Dass mo betta den get plenny silva. Learn plenny good stuff! Dass mo betta den get da bestes kine gold.

Isaiah 60:17

I goin bring you guys gold an not bronze. I goin bring you guys silva an not iron. I goin bring you guys bronze an not wood. I goin bring you guys iron an not stones. Eryting goin come good fo you guys, An dass da kine govmen I goin give you. Peopo goin do wass right erytime, An dass wat goin make you guys like do yoa work.

Jeremiah 23:28

Wen da guys dat tell dey talk fo me get one dream, dey gotta tell dass jus one dream. But da guy dat get one fo real message from me, he betta tell um fo real kine. Cuz da straw not da same ting jalike da wheat.” Az wat Da One In Charge tell.

Jesus Guys 20:30

Some a dem guys goin come from you guys. Dey goin change da true stuff fo take some peopo wit dem.

Rome 16:17

My braddahs an sistahs, I get one mo ting fo tell you guys: Watch out fo da kine peopo dat try hard fo make you guys go agains each odda fo split you up, an try fo make you guys do bad kine tings! Da stuff dey tell you guys stay agains da tings us guys wen teach you. So, no go hang aroun dat kine peopo!

1 Corint 3:11

No can make any kine foundation, cuz ony get one foundation fo life—dass Jesus Christ. God awready put him dea.

1 Corint 3:13

Bumbye, erybody goin know wat kine stuff dem peopo wen do, if was good o bad. Dat time, God goin tes peopo, jalike he use fire fo show if wat erybody do was jalike good kine stuff o junk kine stuff.

2 Corint 2:17

Us guys, we not like plenny odda peopo dat teach wat God tell, ony fo make money. No way! Az why wen us guys talk fo God, erybody see dat us fo real, an da stuff we tell come from God. Us do um fo God see us do um, cuz we stay tight wit Christ.

2 Corint 4:2

Dis wat we do: we tell erybody we no goin do da bad kine stuff some odda peopo do. Dey do um wen nobody see um do, an dey no shame. We no try bulai nobody. We no try teach fake kine stuff bout wat God tell. We teach da true stuff fo erybody see wat kine guys us, how God see us.

Colosse 2:8

Watch out! No let nobody make you come hamajang da way you tink, an take you ova fo come dea guys! Dey goin trick you guys fo trus wrong religious kine stuff dat no mean notting. Dey get all dis kine teaching ony from wat da peopo pass down, from now an from befo time. An dey get um from da spirits dat stay in charge a da world. But dey neva get um from Christ!

1 Timoty 6:3

If get anybody dat teach diffren kine stuff, an no like take da solid stuff from Da One In Charge a us guys, Jesus Christ, an da stuff we teach bout God,

2 Timoty 2:20

You know, inside one big house get all kine bowls an plates. Some, dey make um wit gold an silva fo spesho time. Get some odda bowls an plates dey make wit wood an clay fo use um fo junk kine stuff.

2 Timoty 3:13

An da bad kine peopo, an da peopo dat bulai, dey goin ack mo an mo worse. Dey goin bulai peopo, but dey bulai ony dem!

2 Timoty 3:7

Dey erytime like lissen any kine teacha, but dey no can figga out wass true.

2 Timoty 4:3

You know, da time goin come, wen peopo no goin like lissen da peopo dat teach da solid kine stuff. Dey goin do wateva dey like. Dass why dey goin bring togedda mo an mo teacha guys, but ony fo teach um da kine stuff dey like hear.

Hebrews 13:9

Get all kine diffren kine stuff dat peopo teach, you know. No let dat kine stuff throw you guys off, an no trus jus any kine stuff! Wen we let God do good tings fo us, we come mo strong inside. But if we tink we gotta stick wit da rules bout spesho kine food, dat no goin make us come mo strong inside. Get peopo dat tink lidat. But dat no help dem, notting!

1 Peter 1:7

All dis happen fo erybody see dat you guys trus God fo real. Jalike dey put gold inside da fire fo wipe out all da junk stuff. Dass how come you guys suffa now. Dass fo wipe out all da junks you guys get inside, an fo show erybody dat you guys trus God fo real. All dat mo betta den gold. Cuz bumbye wen Jesus Christ come back, da peopo goin tell how awesome he stay, an dey goin get plenny respeck fo him.

Jesus Show 2:14

“ ‘But eh! I get dis agains you guys: You guys get peopo ova dea dat make jalike da guy Balaam wen do long time befo time. Dat guy wen teach King Balak how fo make da Israel peopo do bad kine stuff. He make um eat food da odda peopo awready give fo make sacrifice to da idol kine gods, an go fool aroun wit peopo dey no stay married to.

Jesus Show 21:18

Dey make da wall from green jaspa kine stone, an da town from solid gold dat look jalike glass dat you can see thru.

Jesus Show 3:18

“ ‘Now I goin tell you guys wat I like you guys fo do. Fo come rich inside, come by me an get da stuff you guys need. Dass jalike you guys goin buy da bestes kine gold, da kine dat dey put inside da fire fo take out da junk kine stuff. An den you guys come by me an buy white clotheses fo put on, fo take away da shame, cuz jalike you guys no mo clotheses! An den you guys come by me an buy da kine medicine fo put on top yoa eyes fo you guys see fo real kine!