1 Corint 3:10 - Hawaii Pidgin Bible

¹⁰ Me, God do plenny good stuff fo me. Jalike I one good builda, God help me teach you guys solid stuff from da start, fo make shua you guys get one solid foundation fo yoa life. But da guy dat goin build on top dat foundation afta me, he gotta make shua he goin do um da right way.

1 Corint 3:10 Iomraidhean Croise

2 Records 2:12

Hiram tell dis too: “I like erybody talk good bout Da One In Charge, da God fo da Israel peopo! He wen make da sky an da earth! He wen give King David one boy dat know wat fo do erytime. David boy know how come tings happen, an he undastan wass good an wass bad. He goin build one temple fo Da One In Charge an one palace fo him cuz he da king.

Outa Egypt 36:4

Da guys dat know real good how fo make da tings fo da Tent, dey all leave da tings dey stay make

Smart Guys 12:8

Wen erybody know dat somebody can tink strait an akamai, Da peopo goin talk good kine bout um. But wen peopo head all hamajang, Da peopo no mo respeck fo dem.

Smart Guys 9:1

Da kine stuff somebody know wen dey know wat fo do erytime, Try tink bout um like dis, make believe get one lady, An dis lady, she know wat fo do erytime, Erybody call her, Da Lady Dat Know Wat Fo Do Erytime. She tell da builda guys fo make one house fo her An fo cut seven big poses from da stones An put um up in front da house.

Teacha 12:9

Da Teacha, he know wat fo do erytime. An even moa, he teach da peopo bout wat he know an fo dem know um too. He tink bout um, an try find out even mo, an put togedda plenny stuff dat da smart guys tell.

Daniel 12:3

Da ones dat know how come dese tings happen, dey goin shine jalike da sky get plenny light. An da ones dat help plenny peopo fo do da right kine tings, dey goin shine jalike da stars foeva an eva.

Zekariah 4:9

“Zerubbabel wen put down da foundation fo dis temple, an he goin build da whole ting too. Den you, Zerubbabel, goin know dat was Da One In Charge, Da God Ova All Da Armies, wen sen me by you guys.

Matthew 24:45

“So den, good fo be jalike one worka guy dat da boss can trus. Az cuz dat kine guy figga plenny how fo do tings right. He da guy, da boss goin make him da luna in charge a his house an his ohana, fo him give erybody dea food wen da right time stay come.

Matthew 7:24

“So you know, whoeva hear wat I tell um fo do, an go do um, he jalike one smart guy dat make one plan, den he build his house on top solid rock.

Luke 11:35

Make shua you get da light inside you, an you no stay dark inside.

Luke 21:8

Jesus tell um, “Watch out! No let nobody bulai you guys! Plenny guys goin show up an use my name. Dey goin tell, ‘Eh me, I dat Spesho Christ Guy from God! Da time stay now!’ But no go wit dem.

Jesus Guys 18:27

Apollos like go Akaia, an da braddahs kokua him. Dey write one letta fo da braddahs an sistahs ova dea, fo dem give Apollos dea aloha. Wen he go ova dea, he goin help da peopo dat trus God cuz God do plenny good tings fo dem.

Rome 1:5

Dass how Jesus stay, an dass why God like do good tings fo us guys. Cuz a dat he stay sen us guys all ova da place, cuz he like all da peopos from diffren places fo trus him an live da way he tell um fo live. An me, I like do dat fo dem know who Christ.

Rome 12:3

An cuz God wen do plenny good tings fo me, az why I stay tell all you guys dis: No tink you mo importan den who you fo real kine! Mo betta you figga who you fo real kine. Erybody gotta wise up fo figga how God wen make who you cuz you trus him.

Rome 15:15

I no shame fo write you guys dese tings, cuz az fo help you guys no foget dem one mo time. I do dis cuz God like do plenny good kine stuff fo me.

Rome 15:20

From befo time, I tink lidis: “Fo real kine I like tell bout Christ to da peopo dat neva hear da Good Stuff Bout Him!” I no like tell da Good Kine Stuff Bout Christ wea odda peopo stay tell bout dat awready.

1 Corint 3:11

No can make any kine foundation, cuz ony get one foundation fo life—dass Jesus Christ. God awready put him dea.

1 Corint 9:2

Even if God neva sen me fo talk to odda peopos, fo shua he wen sen me fo talk to you guys. Az how you guys wen come da proof dat show was God wen sen me, cuz you guys stay tight now wit Da One In Charge!

2 Corint 10:15

We no talk good bout da stuff odda peopo wen do wen we neva do um. You guys stay trus God mo an mo now, an we stay wait an trus dat us goin help you guys mo an moa, jalike God wen tell us fo do.

Efesus 2:20

Dass jalike God wen build one house. Da guys he wen sen all ova fo tell da peopo da Good Stuff bout him, an da guys dat wen go talk fo him, dey jalike da foundation. An you guys, jalike he build you guys togedda on top um. An Jesus Christ, he jalike da corna block.

Colosse 1:29

Az why I like work hard fo you guys. Cuz God stay work inside me, I can do um cuz he get all da powa.

Colosse 4:17

Tell Arkippus dis: “All da work Da One In Charge tell you fo do, you betta do um now.”

1 Timoty 4:16

Watch out how you ack an make shua you stay teach right. Stick wit da good teaching. Cuz if you do dat, you an da peopo dat lissen you goin come outa da bad kine stuff.

2 Timoty 2:15

Mo betta you go all out, so wen God tink bout you, he know he can trus you fo do one good job. He know you one worka guy dat no need come shame, cuz wat you teach stay true, an you teach um da right way.

James 3:1

Eh, my braddahs an sistahs! You guys tink you like teach, aah? Kay den, but you know, not erybody suppose to teach. Cuz God goin judge all us teacha guys mo hard den he goin judge all da odda peopo.

1 Peter 4:11

If anybody get da gif fo speak, he gotta tell da same ting God tell. If anybody get da gif fo help anodda guy, he gotta help um wit da powa dat God give um. Den eryting you do goin show how awesome God stay. All dis cuz a Jesus Christ! An dass how peopo goin talk good bout God. He awesome, an his powa goin be foeva. Dass right!

2 Peter 3:15

Da One In Charge a us guys, he stay hang in dea fo give you guys chance fo come outa da bad kine stuff you stay in. Oua good fren, braddah Paul, he wen write you guys da same ting, aah? God wen make him know wat fo do erytime. Az why he write lidat.

Jesus Show 21:14

Da wall fo da big town get twelve big kine stone block fo da foundation. On top get da names fo da twelve guys dat Jesus wen sen all ova fo tell peopo bout God Bebe Sheep Guy.

Jesus Show 21:19

Da foundation fo da town get all kine jewel stones dat cost plenny all ova. Da firs foundation get jaspa kine stone, da secon one blue kine lapis lazuli stone, da nex one red kine agate stone, da nex one green kine emerald stone,