1 Corint 2:15 - Hawaii Pidgin Bible

¹⁵ Da guys dat stay tight wit God Spirit, dey can figga um out. But same time, all da odda peopo, dey no can figga out dat guy.

1 Corint 2:15 Iomraidhean Croise

2 Samuel 14:17

“An now, I yoa worka wahine, an dis wat I tink: ‘I like come so no mo notting bodda me now, cuz a da promise my boss da king wen make.’ Cuz you, jalike one angel messenja from God dat lissen an undastan wass good an wass bad. I like Da One In Charge, yoa God, stay wit you.”

Songs 25:14

Da peopo dat feel jalike dey sked an shaking Wen dey stay in front Da One In Charge, Dey stay real close to him, Cuz he like make shua dey undastan Wat da deal mean dat he wen make wit dem.

Smart Guys 28:5

Da bad kine peopo, Dey donno how fo judge da right way. But da peopo dat like know Da One In Charge fo real kine, Dey know eryting bout wass right an wass wrong.

Teacha 8:5

Whoeva do wat da king tell um fo do, no mo notting bad goin happen to dem. Da guy dat know wat fo do erytime, he goin know wat he gotta do an wat time fo do um.

John 7:17

If anybody like do wat God like um fo do, dey goin know if da stuff I stay teach come from God, o if ony come from my head.

Jesus Guys 16:3

Paul like take Timoty wit him fo go all ova. Paul cut skin Timoty, cuz da Jew guys in dat place know dat his faddah Greek.

1 Corint 14:37

Anybody tink dey one guy dat talk fo God, o tink dey stay tight wit da Spirit, dey gotta know dis: Da stuff I stay write to you guys, dass da stuff dat Da One In Charge wen tell us guys we gotta do.

1 Corint 3:1

But eh, my braddahs an sistahs! I no can talk to you guys jalike you stay tight wit God Spirit. Cuz you guys ony like do wat make yoa body feel good. You guys stay tight wit Christ ony litto bit, jalike one bebe.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

Galatia 6:1

Eh, my braddahs an sistahs, you guys dat stay tight wit God Spirit, if you see somebody stay do bad kine stuff, go help bring um back! Make nice to dem, an do um wit one good heart. Tink bout you too, an watch out, so you no goin get presha fo do da same kine bad kine stuff.

Philippi 1:10

Den dey can pick da bestes kine stuff, an tell ‘Laytas’ to da junk kine stuff! Dey do dat fo erybody see dat dey fo real. Den nobody goin poin finga dem, from now till wen Christ come back!

Colosse 1:9

Dass why we still yet stay pray fo you guys, from da firs time Epafras wen tell us how you guys stay. We tell God fo give you guys all da tings you guys need fo find out wat he like you guys do. Den you guys goin know wat fo do ery time, an God Spirit goin help you guys undastan da whole ting.

1 Tessalonika 5:21

Mo betta, go check out eryting, den stay tight wit da good stuff.

Hebrews 5:14

An wat dat mean, “handle da solid stuff”? Dat kine stuff fo da grown up kine peopo. Dey jalike da ones dat work out all da time fo come mo strong. Dey do good kine stuff erytime an no do bad kine stuff. Dass how dey know how fo figga wass good an wass no good.

1 John 2:20

But you guys, you wen get powa from da Good An Spesho Spirit from God. Az how you guys all know wass true.

1 John 4:1

My good frenz, no go trus jus anybody dat tell dey get God Spirit. Firs tes fo see if da spirit dey get come from God. Cuz get plenny fake guys all ova da world. Dey tell dey da guys dat talk fo God, but dey not.