Ubadyas 1:7 - Hanunuu

⁷ Lukuhun kamu niyu manga kakampi pag nasyun. Ti manga nag-ampud sa kanyu imaw diman ti gumira sa kanyu, ag palayasun nida kamu sa kanyu banwa. Sida pag manga nansaru sa kanyu imaw waya ti pumauli suduk sa lihim laban sa kanyu.

Ubadyas 1:7 Iomraidhean Croise

Kanta 41:10

Dapat kawu, Panginuun, kaawai aku; paayada aku hampay makabalus aku sa kang manga kalaban.

Kanta 41:9

Una kang suud kakilala, ti pagsarigan gid niku, ag magsaru sa kangku sa magkaun, nandaya sa kangku.

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Hirimyas 30:14

Nalimtan yi kamu manga kakampi niyu pag nasyun, udyi kamu pagbatiun nida. Ginira niku kamu parihu sa paggira kalaban. Masyadu kang parusa sa kanyu dahil masyadu ag mayamu kanyu kasalanan.

Hirimyas 38:22

Ti tanan babayi natayak sa balay nimu darahun manga takinan hari Babilunya. Bag-u sumabi sa kanmu inda pag manga babayi, ‘Dinaya duy kawu nimu manga suud pag kakilala. Taynguna matalnudan yi sa lutuk kanmu manga lulud, tinayakan yi nida kawu.’

Hirimyas 4:30

Hirusalim, arani yi kawu mawayak. Unu kanmu pagbuwatun? Hayga nakasulung waya kawu marinu pag rutay hanggan manga gintu? Hayga magpauli waya kawu manga pamarinu sa kanmu manga mata? Unman yi may pulus kanmu magparinu. Binugyahan yi kawu nimu pagmahalun pag manga kakampi nasyun ag pagkaibgan kawu nida matyun.

Hirimyas 49:7

Inda ti sinabi Panginuun Makamaskihan tungkul sa Idum: “Naan yi ti manga maradunung sa Timan? Udyi aw may nasawad madunung magpaanyu?

Karukuan 1:19

Nanhagad aku awat sa kang manga kakampi dapat dinaya nida aku. Nagkaramatay kang manga manughandug hanggan manga paggurangunun sa banwa habang maghanap sida karan-unun hampay mabuhi lang sida.

Husyas 13:13

“May panahun kamu magbag-u buhi dapat dahil unman kamu may intindi, pag-ipasipala niyu inda. Parihu kamu sa lapsag balaw magkaibug lumwas sa tiyan sa kay kaudasan.

Husyas 7:11

Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Huwan 13:18

“Inda kang manga pagsabihun bukun tungkul sa kanyu tanan. Kilala di niku daan nu hintay pag manga tawu kang pinili. Dapat kailangan tupadun ti pagsabihun sa Banal Kasuratan magkun, ‘Tunda pag tawu ti kasaru niku sa lamak, imaw yi ngap ti nagdayi sa kangku.’