Ubadyas 1:21 - Hanunuu

²¹ Tumukad sa Bantud Siun ti manga manugpalpas hampay pamahalaan ti manga tawu mag-uli sa Bantud ni Isaw. Ag aku, ti Panginuun, ti humari.”

Ubadyas 1:21 Iomraidhean Croise

Gimpuunan 25:23

“Ginan sa kanmu duwa ka lapsag asan sa kanmu basad tiyan ti gimpuunan duwa ka nasyun; duwa ka puru tawu ti manlalabanan. Kay usa bumaliw makapangyarihan kaysa usa. Kay akaan sumirbi sa kay ari.”

2 Hari 13:5

Pinakan-an sida Panginuun takinan ti nagribri sa kanda sa manga taga Aram. Nakan nangulian maan sa mahusay ti manga taga Israil parihu sa kaybi.

Nihimyas 9:27

Nakan ipinabahala nimu sida sa kanda kalaban ti nagpakuri sa kanda. Dapat pagka magkakurian yi sida, nanhagad sida awat sa kanmu, pinatingihan diman nimu sida asan sa langit. Sa daka nimu pangaawa, pinakan-an nimu sida manga takinan manribri sa kanda sa kamang nida kalaban.

Kanta 102:15

Ti manga nasyun gumalang sa Panginuun; ti tanan pag hari sa kalibutan gumalang sa kay kadayawan.

Kanta 22:28

Dahil kawu ti maghari; ag kawu ti magdumara sa manga nasyun.

Kanta 22:29

Pihu sumamba sa kanmu ti tanan mayaman sa kalibutan. Una ti tanan tawu hirimugtasun manluhud sa kanmu. Hanggan tunda pag manga namatay yi,

Kanta 47:7

Dahil ti Diyus imaw ti hari sa buu kalibutan. Dayawa niyu siya sa panab-anan manga kanta.

Kanta 67:4

Mana manbarayaan ag mangarantahan sa kabayaan ti tanan tawu sa kalibutan dahil matadlung kanmu paghatul sa kanda ag paggiyahan nimu sida.

Isayas 19:20

Bumaliw tanda inda ag puruyba kuntay ati ti Panginuun Makamaskihan sa daga Ihiptu. Nu ti manga taga Ihiptu manhagad awat sa Panginuun sa kadahilanan pagpakurian sida manga nag-api sa kanda, padarahan sida manugribri hanggan mangalaga sa kanda.

Isayas 24:23

Mandulum ti init ag ti bulan dahil humari ti Panginuun Makamaskihan sa Bantud Siun, sa Hirusalim. Ag ati pag miburayhaw kay kadayawan sa atubangan manga takinan niya manga nasakupan.

Danyil 12:3

Tunda pag manga nakaintindi sa katutuuhanan ag magtudlu sa manga tawu mangabuhi sa matadlung dum-ag parihu sa manga pamgasan sa langit unman may katapusan.

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Huwil 2:32

Dapat una si unu ti manhagad awat sa Panginuun maribri di sa sintinsiya aban. Dahil angay sa binagaw Panginuun, may masawad di manga Israilita sa Bantud Siun, imaw ti Hirusalim. Sida ti manga pinili Panginuun hampay maribri.

Sakaryas 14:9

Ti Panginuun ti humari sa buu kalibutan. Siya lang ti kilalan-un Diyus ag udyi may iba waya.

Matiyu 6:10

Kawu mana ti maghari sitay sa babaw daga. Mana tupadun kanmu kagustuhan sitay sa babaw daga parihu sa langit.

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Lukas 22:30

Nu maghari yi aban aku kamu kumaun sa kang lamak ag uminum. Kamu aban tumukaw sa manga tukawan hari, bistahun niyu ti sampulu may duwa ka linahi ni Israil.”

1 Timutiyu 4:16

Pagmadahan kawu sa kanmu ugali hanggan sa kanmu magtudlu. Pagparargu sa kanmu magtupad sa inda pag buruwatun hampay maribri kawu hanggan ti manga manugpatingi sa kanmu.

Santiyagu 5:20

inda tandai niyu una si unu lang ti magbawi sa tawu makasalanan ginan sa kay naugalian salan, kay irinibri niya ti usa ka tawu karadwa sa kamatayan. Dahil sa kay nagbawi nakan mayamu pag kasalanan ti napatawad yi.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 19:6

Bag-u nadnugan maan niku bilang ga nagkaminsan nagbagaw ti mayamu gid tawu parihu ga danum magpaywas sa sapa kay katnug, ga ranranug linti. Kay sabi, “Dayawun ti Panginuun! Dahil maghari ti Panginuun kanta Diyus makamaskihan sa tanan.

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.

Talaghusay 2:16

Taynguna, pinakan-an Panginuun ti Israil manga takinan imaw ti rumibri sa kanda ginan sa manga mananakaw.

Talaghusay 3:9

Dapat pagka nanhagad awat ti manga Israilita sa Panginuun, pinakan-an niya sida usa ka tawu imaw ti rumibri sa kanda. Siya si Utniyil anak ni Kinas kay ari ni Kalib.