Ubadyas 1:19 - Hanunuu

¹⁹ “Sakupun manga taga Nigib ti Bantud ni Isaw, ag sakupun manga mag-uli sa tagudtud sa isalpan ti manga Pilistiyu. Sakupun diman manga Israilita ti daga Ipraim hanggan Samarya, ag sakupun waydi Binhamin ti Gilyad.

Ubadyas 1:19 Iomraidhean Croise

2 Hari 17:24

Nagpadara ti hari Asirya manga tawu sa Samarya ginan sa Babilunya, Kut, Aba, Hamat, ag Siparbaim, ag ipinatahan niya sida sa manga banwa sa Samarya agud ilisan ti manga taga Israil. Nakan sinakup nida ti Samarya hanggan ti iba waya manga banwa sa Israil.

1 Krunika 5:26

Imaw tunda nu hayga pinahintulutan Diyus Israil girahun sida ni Hari Pul sa Asirya (imaw diman si Tigrat Pilisir). Binihag ni Pul kay manga lahi ni Rubin, ni Gad ag ti katunga lahi ni Manasis ag dinara sa Hala, sa Habur, sa Hara, ag sa Sapa Gusan, nu naan ati di sida tugka kainda.

Isra 4:17

Inda ti ipinadara pag sagut hari: “Magpangumusta aku sa kanmu Gubirnadur Rihum, hanggan sa kanmu Simsay ti manugsurat, ag sa kanyu manga kaibahan mag-uli sa Samarya, hanggan sa iba waya manga rugar sa isalpan Iyupratis. “Mana mayad kanmu kahamtangan.

Isra 4:2

nakan nag-ati sida sa kan Surubabil hanggan sa manga takinan manga magtal-anakan ag magkun, “Awatan nimi kamu sa pagbungsud Balay Diyus dahil pagsambahun diman nimi kanyu Diyus parihu sa pagbuwatun niyu. Dugay yi kami maghandug manga handug sa kanya, ginan waya sa pangudasun ni Hari Isarhadun taga Asirya, ti nagdara sa kanmi sitay.”

Kanta 69:35

Dahil iribri Diyus ti Siun, ag ibungsud maan niya ti manga banwa Huda. Ag mangulianan asan kay nasakupan ag apuun tunda pag daga.

Hirimyas 32:44

“Manmililihan maan manga tanman may pirmahan, tatakan ag kastigusan ti manga kasuratan sa bilihan. Buwatun inda sa daga ni Binhamin, sa manga rugar sa kalibut Hirusalim, sa manga banwa Huda, sa manga banwa sa kabantudan, ag tagudtud sa isalpan, hanggan sa Nigib. Mangyari inda dahil pabalikun niku kang manga nasakupan sa kanda daga ginan sa pagkabihag. Aku, ti Panginuun, ti magbagaw inda.”

Hirimyas 49:1

Inda waydi ti sinabi Panginuun tungkul sa manga taga Amun: “Kamu pag manga magsamba sa diyus-diyusan si Muluk, hayga niyu pag-ulian ti manga banwa sa daga ni Gad? Unman aw may linahi si Israil manugmana sa inda pag daga?

Isikil 25:16

Nakan aku, ti Panginuun Diyus, magkun parusahan niku ti manga Pilistiyu. Panmatyun niku ti manga Kirita ag ti iba waya pag manga mag-ulian sa arani dagat.

Isikil 36:28

Mangulian kamu sa daga ipinakaun niku sa kanyu manga ginurang. Kamu kang nasakupan ag aku kanyu Diyus.

Amus 1:13

Inda ti pagsabihun Panginuun tungkul sa Amun: “Dahil sa parargu pagbuwat kasalanan manga taga Amun, parusahan gid niku sida. Dahil rinirian nida ti tiyan manga babayi magburuduy sa Gilyad, agud lang dumaka kanda sakup pag daga.

Amus 1:8

Rurisun niku ti manga takinan sa Asdud hanggan sa Askalun, hanggan ti manga taga Ikrun. Ti manga makapalagiw pag Pilistiyu sa parusa magkaramatay diman. Aku, ti Panginuun Diyus, ti magsabi inda.”

Amus 9:12

hampay masakup manga Israilita ti nasawad daga taga Idum ag iba waya pag manga nasyun ti pagkilalan-un niku kangku. Aku, ti Panginuun, ti magsabi inda, ag buwatun niku inda pag manga bagay.”

Mikas 7:14

Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Huswi 13:25

Ti Hasir ag ti tanan banwa sa Gilyad, hanggan ti katunga daga manga Amunita tugka sa Aruwir arani sa Raba.

Huswi 13:31

Kaibahan diman ti katunga Gilyad, hanggan ti Astarut ag Idri, ti manga banwa sa Basan nu naan maghari si Ug. Imaw tunda pag manga daga ti ipinakaun sa katunga lahi ni Makir kay anak ni Manasis, angay sa kada magtal-anakan.

Huswi 15:21

Ti manga banwa sa salatan, sa suru Nigib arani sa katapusan Idum: Kabsiil, Idir, Hagur,

Huswi 15:33

Ti manga banwa sa manga tagudtud sa isalpan: Istaul, Sura, Asna,