Ubadyas 1:18 - Hanunuu

¹⁸ Ti manga linahi nida ni Hakub ni Husi bumaliw ga apuy maghirut sa linahi ni Isaw, parihu sa mag-irub sa dayami. Udyi may masawad sa linahi ni Isaw.” Pihu gid matupad inda, dahil aku, ti Panginuun, ti magbagaw inda.

Ubadyas 1:18 Iomraidhean Croise

2 Samwil 19:20

Pag-aminun duy niku nagkasala aku, Mahal Hari. Nakan ngani un-an aku rinmas-ug sitay kaysa iba manga linahi sa salatan hampay sulangun kawu.”

Pag-ighit 5:12

Nakan nangalat ti manga Israilita sa buu Ihiptu magbuul dayami.

Isayas 10:17

Ti Panginuun ti pinagkasulu ag banal pag Diyus Israil bumaliw ga maglabdaban apuy umirub sa manga dugihan niya pag halamanan sa sulud lang usa ka sirang.

Isayas 31:9

Malagiw kanda manga sundalu dahil sa kadalaan ag kanda manga takinan udyi alam kanda buwatun nu makitan nida ti bandira nida manga kalaban. Tunda ti pagsabihun Panginuun, kay apuy maglabdaban sa Siun, ti banwa Hirusalim.

Isayas 47:14

Kay tutuu, parihu sida sa manga dayami madali magkairub. Unman nida mairibri kanda sadili sa apuy. Inda pag apuy unman may baga nakan madali magkapsa. Nakan unman mapanarangan.

Isayas 5:24

Nakan miparihu kamu sa dayami ngatay sa layung ilamnun mairub apuy. Miparihu diman kamu sa tanum kay manga gamut magkaluu ngatay busang pag-ipayag durus ga taypuk, dahil ipinurya niyu ti Kasuguan Panginuun Makamaskihan, ti Banal pag Diyus Israil.

Isayas 9:18

Dahil kanda kadautan parihu sa apuy maghirut sa ilamnun madugi. Maglangyaban ga apuy maghirut sa kayu, ag ti madamul pag anus magpanalikuub.

Isayas 9:19

Dahil sa pangagalit Panginuun Makamaskihan, magkarairub kanda daga, ag bumaliw sida ga pamagba kan-un apuy. Dayu nida kaawaan una kanda kaparihu Israilita.

Hirimyas 11:23

Unman gid may masawad buhi sa manga taga Anatut, dahil maruris sida sa udas parusahan yi niku sida.”

Isikil 37:16

“Anak tawu, pagbuul kawu usa ka pulud kayu bag-u suratan indaay: ‘Ti kaharian Huda.’ Bag-u pagbuul waya gid kawu usa ka pulud bag-u suratan indaay: ‘Ti kaharian Israil.’

Isikil 37:19

sabihi sida, ‘Imaw inda ti pagsabihun Panginuun Diyus: Dugtungun niku ti pulud kayu pahalimbawa sa Israil ag ti pulud kayu pahalimbawa sa Huda, ag bumaliw usa wadi kang paghiyaptan.’

Huwil 2:5

Kay tunug kanda mag-utbaw sa babaw manga bantud ga manga kalisa magpalalagiwan ga tunug magkairub dayami. Parihu sida sa makapangyarihan pag sundalu alistu man-gira.

Amus 1:8

Rurisun niku ti manga takinan sa Asdud hanggan sa Askalun, hanggan ti manga taga Ikrun. Ti manga makapalagiw pag Pilistiyu sa parusa magkaramatay diman. Aku, ti Panginuun Diyus, ti magsabi inda.”

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Amus 6:6

Kaawaawa kamu pag manga mabaskug mag-inum intus hanggan maggamit mahalaga pag manga pamanglu, dapat unman magpanrukuan sa pararas-ugun kadamhakan niyu nasyun.

Ubadyas 1:16

Nakan ngani nu kabitay pinakurian kang manga nasakupan sa kang banal pag bantud, parusahan diman parargu ti tanan pag nasyun. Masyadu gid pag parusa ti ipakaun niku sa kanda tugka sa matabu sida tanan.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Nahum 1:10

Parihu kamu sa manga langu masabudan sa dugihan pag halaman. Rurisun gid kamu parihu sa magtutud dayami.

Sakaryas 12:6

“Sa tunda pag sirang, ti manga takinan Huda buwatun niku ga maglabdaban baga sa nakatapung manga kayu ngatay ga maglabdaban sulu sa binugkus manga uhay. Rurisun nida ti manga nasyun sa kanda palibut. Dapat balaw maunu ti nasakupan Hirusalim sa kanda rugar.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

1 Kurintu 3:12

Dapat nu may magpatindug sitay pag burungsudan kay garamitun gintu, pilak, manga mahalaga pag batu, kayu, yuma kugun, una dayami,