Ubadyas 1:15 - Hanunuu

¹⁵ “Balaw mana niyu binwat tunda sa Hirusalim, dahil arani yi ti sirang pagsintinsiya niku sa tanan nasyun. Nu hintay kanyu binwat sa iba, katida diman waydi kang buwatun sa kanyu. Nu kabitay kanyu nagkilala sa iba, katida diman waydi kang kumilala sa kanyu.

Ubadyas 1:15 Iomraidhean Croise

Istir 9:25

Pat-ay pagka naalaman hari tunda paggayak sa panab-anan ni Rayna Istir, namasurat ti hari usa ka sugu kuntay ti daut pag gayak ni Haman laban sa manga Hudiyu kailangan buwatun ngap sa kanya. Ag binitay si Haman hanggan kay manga anak lalaki. Kainda ngani ti nangyari.

Hub 24:1

“Hayga unman itinagka Makamaskihan pag Diyus kay udas magpihu sa daut pag manga tawu? Hayga unman mag-akitan manga magkilala sa kanya tunda pag udas sa magpihu?

Kanta 137:8

Kamu pag manga mag-uli sa Babilunya, rurisun kamu! Mapalad ti manga tawu rumuris sa kanyu ga kanyu binwat sa kanmi.

Kabagawan 5:22

Ti buruwatun daut pag tawu imaw diman waydi ti sumuduk mismu kay sadili.

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 49:12

Magkun waya ti Panginuun, “Nu ti manga unman may kasalanan nag-agwanta, kamu waya aw? Pihu yi parusahan kamu.

Hirimyas 50:29

“Tawaga niyu ti manga manugpana hampay man-gira sa Babilunya! Sangputan niyu hampay unman may makapalagiw. Balusi niyu siya sa kay binuwat; buwata niyu sa kanya ti binuwat niya sa iba dahil linabanan niya ti Panginuun, ti Banal pag Diyus sa Israil.

Hirimyas 51:56

Rumas-ug ti manga manugwayak sa Babilunya ag bihagun kay manga sundalu, ag mabari kanda manga ugyung. Dahil aku, ti Panginuun, ti Diyus magparusa sa daut. Ag parusahan niku ti Babilunya angay lang sa kanya.

Isikil 30:3

Dahil arani yi rumas-ug tunda pag sirang, ti sirang pagpihu Panginuun. Magal-um ag madulum tunda pag sirang para sa manga nasyun.

Isikil 35:11

Nakan aku, ti Panginuun Diyus buhi, magsumpa kuntay balusan niku kamu sa kanyu pangagalit, paghirak, ag kaarimputuhan ipinakakit niyu sa nasakupan niku. Bag-u maalaman nida aku ti Panginuun habang pagparusahan niku kamu.

Isikil 35:15

dahil nagbaya kamu pagka namung-aw ti daga minana nasakupan Israil. Nakan katunda diman ti mangyari sa kanyu; bumaliw mapung-aw ti Bantud Siir hanggan ti buu Idum. Bag-u maalaman niyu aku ti Panginuun.”

Huwil 1:15

Malu, arani yi ti sirang pagparusa Panginuun Makamaskihan.

Huwil 2:1

Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Amus 5:18

Kaawaawa kamu ti magpatigagad sa kasirangan Panginuun. Danga kamu mag-isip kuntay kanyu karibrihan tunda pag sirang, dahil parusahan ngap kamu.

Amus 5:20

Tutuu gid ti sirang Panginuun dumara parusa ag balaw karibrihan; parihu inda sa kadudulman unman gid may una di diit pag rayaw.

Mikas 5:15

Sa kang masyadu pangagalit, bumalus aku sa manga maglaban sa kangku pag nasyun.”

Habakuk 2:8

Dahil mayamu pag manga nasyun kanyu inagawan manga kasiyunan, kamu waydi ti agawan manga tawu nasawad sa inda pag manga nasyun. Mangyari inda sa kanyu dahil sa pagmatay niyu sa manga tawu ag dinaut niyu kanda manga daga hanggan manga banwa.

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Talaghusay 1:7

Magkun si Aduni Bisik, “70 ka hari ti pinanpuldan niku ina-ina kamang ag lulud bag-u namunpun sida dabu sa kang sirung lamisa. Bag-u kainda binwat diman Diyus sa kangku ti binwat niku sa kanda.” Bag-u dinara nida si Aduni Bisik sa Hirusalim, ag ati siya namatay.