Titu 3:9 - Hanunuu

⁹ Iwasan nimu ti manga dibati unman may pulus, ti manga tultulanun aba pag listahan nida manga ginurang, ti maglalabanan hanggan mag-arawayan tungkul sa Kasuguan. Dahil ti katunda unman makinabangan, unman diman may pulus.

Titu 3:9 Iomraidhean Croise

Hub 15:3

Unman siya magtagalabani sa unman may pulus pag manga baragawun.

1 Kurintu 13:2

Una pinakan-an yi aku Panginuun hampay makapurupita ag una maalaman niku ti tanan katutuuhanan unman ipinaburayhaw sa tawu, hanggan ti tanan kaalamanan, una abi pinakan-an aku Panginuun buu pagsarig hampay ipakababa niku ti manga bantud, bag-u unman aku may pagmahal, unman diman aku may pulus.

1 Kurintu 8:1

Ipaliwanag maan niku tungkul sa manga karan-unun ihinandug sa diyus-diyusan. Alam nita kita tanan may kadunungan. Ti katunda pag kaalaman magpadara sa tawu hampay magpalabi-labi, dapat ti tawu nu may pagmahal, makaparig-un siya sa iglisya.

1 Timutiyu 4:7

Danga pag-uyanga ti udas sa manga suyut angay lang sa kalibutan unman may kabuluhan. Bagkus ngap pangungud kawu kanmu bilug hanggan tagipusuun sa kanmu turunu marapasakup sa Diyus.

2 Timutiyu 2:14

Paalalahanan nimu inda pag manga bagay sa kanmu manga tuludluan, bilini nimu sida balaw gustu Diyus mag-aratwan sida tungkul sa manga sanglitan. Unman may pulus tunda pag magpakatalaluhan, bagkus ngap tunda sa ikadamhak manga nakadnug.

2 Timutiyu 2:16

Iwasi nimu ti unman may kabuluhan ag mahalay pag baragawun, dahil ti manga tawu magbuwat katida lalu ngap umarayu, umamat waya kanda unman maggalang sa Diyus.

2 Timutiyu 2:23

Amani nimu ti ud may kabuluhan pag dibati. Alam yi waydi nimu tunda ngani ti pagpun-an arawayan.

Titu 1:14

ag hampay dayi sida magpaniwala sa manga tultulanun basta-basta manga Hudiyu, danga waydi sida magpaniwala sa paanyu manga tawu magdayu sa katutuuhanan.

Santiyagu 4:1

Hintay nguna kanyu pagpun-an irisgan nakan mag-arawayan? Unman aw lugud ti daut pag manga kagustuhan namugad sa kanyu nalub-anan sa kada usa sa kanyu? Nakan pudu lalabanan basad naisipan.