Titu 3:7 - Hanunuu

⁷ Dahil sa kay pangaawa sa kanta nakan kita kay pagkilalan-un manga matadlung ag may pag-asa diman kita matanggap nita ti buhi unman may katapusan.

Titu 3:7 Iomraidhean Croise

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Markus 10:17

Pagka magkalakaw yi maan si Hisus, may usa ka tawu nalagiw tag sa kanya, nagluhud sa kay atubangan bag-u namaingana sa kan Hisus magkun, “Mayad pag Maisturu, hintay nguna kang buwatun hampay matanggap niku ti buhi unman may katapusan?”

Ruma 11:6

Pinili ngani sida dahil sa kay pangaawa Diyus, balaw dahil sa kanda sadili buwat. Nu abi pinili sida dahil sa kanda sadili buwat, balaw yi masabi kuntay sa kay pangaawa Diyus.

Ruma 3:24

Dahil sa pangaawa Diyus kinilala niya sida matadlung. Si Kiristu Hisus ti nagribri sa kanda.

Ruma 3:28

Dahil naintindihan yi nita isip, ti tawu kinilala Diyus kuntay siya matadlung dahil sa kay sarig sa kan Kiristu, bukun dahil sa kay nagtupad sa Kasuguan.

Ruma 4:16

Nakan ngani ti taratu sigun sa pagsarig hampay ti pangaawa Diyus pihu kay itinaratu ipakaun sa kay linahi ni Abraham, balaw lang sa manga magtupad sa Kasuguan nu unman sa tanan manga magsarig sa Diyus parihu sa kan Abraham. Siya kabay kanta pinagkagurang nu angay sa pagsarig.

Ruma 4:4

Ti ipagpakaun sa manugtarabahu bukun magkasabi pakaun nu unman suhul yi ngap.

Ruma 8:17

Nu ungud kita kay manga anak, kita yi gid ti makatanggap pamana kay ihinanda Diyus sa kay manga anak. Kita kaibahan ni Kiristu sa pagtanggap pamana. Dahil nu kita mag-agwanta kaibahan niya, kaibahan waydi niya kita sa kay kadayawan.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

Galasya 2:16

alam nimi pagkilalan-un Diyus ti tawu kuntay siya matadlung nu sumarig siya sa kan Hisu-Kiristu ag unman dahil sa kay magtupad sa Kasuguan. Hanggan kami manga Hudiyu magsarig sa kan Kiristu Hisus hampay pagkilalan-un Diyus kami matadlung, dahil sa kanmi pagsarig sa kan Kiristu ag unman dahil sa kanmi magtupad sa Kasuguan. Dahil dayu kilalan-un Diyus ti tawu kuntay matadlung nu ginan lang sa kay pagtupad sa Kasuguan.

Galasya 3:29

Nu kamu sa kan Kiristu, kabilang diman kamu sa kay linahi ni Abraham, manga magmana sa kay itinaratu Diyus.

Galasya 4:7

Nakan ngani dahil sa kay binwat Diyus bukun yi kita panawuhun nu unman kay yi ngap manga anak. Nu kita kay manga anak, matanggap nita kay pamana kay ihinanda Diyus sa kay manga anak.

2 Tisalunika 2:16

Kanmi pag-idarangin kamu hampay pasayahun nita Panginuun Hisu-Kiristu hanggan nita Diyus Ama, imaw ti nagmahal sa kanta. Kinaawaan gid niya kita, pinakan-an niya kita unman magkauman pag matutum naisipan hanggan marig-un pagsarig.

Titu 1:2

agud magsarig sida sa buhi unman may katapusan. Udwaya linalang ti kalibutan daan di itinaratu Diyus ti buhi unman may katapusan. Ti Diyus unman madunung magpudil.

Titu 2:11

Dahil ipinakakit Diyus kay pangaawa sa ikaribri tanan tawu.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 1:14

Ti tanan manga anghil manga ispiritu magsirbi sa Diyus, kay manga suruguun hampay mag-alaga sa manga tawu mumana karibrihan.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

Hibriyu 11:9

Dahil diman sa kay pagsarig nagpakapahalin-halin lang siya kay turda, bilang nangus ga balaw kanya pag daga madi imaw kay itinaratu Diyus sa kanya. Katida diman waydi sida ni Isaak ni Hakub, dahil minsan kanda maranahun pag taratu.

Hibriyu 6:17

Katunda diman kay gustu Diyus ipakilala sa tawu sa makatanggap kay manga itinaratu niya pihu dayu mauman kay gayak. Nakan nagsumpa waya siya hampay udyi may alinlangan sida.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.

1 Pidru 3:7

Kamu waydi manga lalaki, pagpasunaid kamu sa kanyu sadili asawa dahil udyi ga lalaki kanda kaya. Parihu diman sa kanyu may karampatan sida sa buhi unman may katapusan kay ipinakaun Diyus sa kanyu. Nu katida kanyu ugali udyi may sumigaud sa kanyu darangin.