Titu 3:5 - Hanunuu

⁵ Nakan irinibri niya kita, balaw dahil sa kanta sadili buwat mayad nu unman angay lang sa kay pangaawa. Irinibri niya kita, linumpiyu kita sa danum sa katpung kita inanak inuman ag binag-u kita Ispiritu Banal.

Titu 3:5 Iomraidhean Croise

Hub 15:14

Mahimu aw lugud tawu ti mabuhi malumpiyu ag matadlung?

Hub 25:4

Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

Hub 9:20

Una waya unman aku may kasalanan, parusahan diman aku dahil sa kang manga binagaw sa pagbaliwa niku sa kang sadili.

Kanta 130:7

Manga taga Israil, pagsarig kamu sa Panginuun, dahil mapagmahal siya ag pirmi alistu sa pagribri.

Kanta 143:2

Danga aku pagsintinsiyahi kanmu manugsirbi, dahil unman may una usa ti matadlung sa kanmu atubangan.

Kanta 51:10

Diyus, buwata malumpiyu kang tagipusuun, ag ayawi maan aku may matutum pag ispiritu.

Kanta 62:12

Pihu gumanti ti Panginuun sa manga tawu angay sa kanda manga binwat.

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Isayas 57:12

Kanyu hantup matadlung kanyu pagbuwatun, dapat ipakakit niku nu hintay pag kalasi tawu kamu.

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Matiyu 3:11

Tutuu kamu kang pag-itulbaw sa danum tanda sa kanyu nag-ampu sa kasalanan. Dapat ay may dumasun sa kang uryan lalu man makamaskihan sa kangku. Unman aku may karampatan magdara kay lapak. Siya di ti tumulbaw sa kanyu sa Ispiritu Banal hanggan sa apuy.

Lukas 1:50

Kay pagkaawaan ti manga maggalang sa kanya, hanggan waya may sinulput.

Lukas 1:54

Inawatan niya kay manga suruguun, ti manga taga Israil. Unman nalimtan niya kay taratu sa kanta manga ginurang — sa kan Abraham hanggan sa kay manga linahi — kuntay kaawaan niya sida hanggan waya aban.”

Lukas 1:72

Ag hampay ipakilala niya kay pangaawa sa kanta manga ginurang, ag alalahanun niya kay banal pag taratu.

Lukas 1:78

Sa mahal pangaawa Diyus nita, ipadara niya sa kanta ti Manugribri, parihu sa pagsinggit init.

Ruma 11:14

hampay humirak kang manga kaparihu Hudiyu agud may maribri waya ti iba sa kanda.

Ruma 11:6

Pinili ngani sida dahil sa kay pangaawa Diyus, balaw dahil sa kanda sadili buwat. Nu abi pinili sida dahil sa kanda sadili buwat, balaw yi masabi kuntay sa kay pangaawa Diyus.

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

Ruma 3:20

Nakan unman gid may tawu pagkilalan-un Diyus kuntay siya matadlung nu dahil lang sa kay pagtupad sa Kasuguan. Kabay ginan ngap sa Kasuguan pag makilala ti kasalanan.

Ruma 3:28

Dahil naintindihan yi nita isip, ti tawu kinilala Diyus kuntay siya matadlung dahil sa kay sarig sa kan Kiristu, bukun dahil sa kay nagtupad sa Kasuguan.

Ruma 4:5

Dapat pagkilalan-un kita Diyus matadlung, una makasalanan kita balaw dahil sa kanta binwat mayad, nu unman dahil sa kanta pagsarig sa kanya.

Ruma 9:11

Ipinakilala Diyus kay nagpili sa usa lang ka anak sa kan Hakub angay sa kay sadili gayak Diyus, balaw angay sa buwat tawu. Dahil nu udwaya inanak ti manga anak, ag udwaya nakabuwat una daut una mayad, daan yi sinabi Diyus sa kan Ribika magkun, “Sumirbi ti aka sa kay ari.”

Ruma 9:16

Nakan ngani kay magpili Diyus angay gid sa kay pangaawa, balaw angay sa kagustuhan una kasipagan tawu.

Ruma 9:30

Kainda ti gustu niku sabihun, ti manga balaw Hudiyu una unman nanipag sa mayad pag buwat hampay sida mahimu pagkilalan-un Diyus kuntay manga matadlung, lalu ngap kinilala niya sida kuntay manga matadlung dahil sa kanda pagsarig sa Diyus.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

Galasya 2:16

alam nimi pagkilalan-un Diyus ti tawu kuntay siya matadlung nu sumarig siya sa kan Hisu-Kiristu ag unman dahil sa kay magtupad sa Kasuguan. Hanggan kami manga Hudiyu magsarig sa kan Kiristu Hisus hampay pagkilalan-un Diyus kami matadlung, dahil sa kanmi pagsarig sa kan Kiristu ag unman dahil sa kanmi magtupad sa Kasuguan. Dahil dayu kilalan-un Diyus ti tawu kuntay matadlung nu ginan lang sa kay pagtupad sa Kasuguan.

Ipisu 2:4

Dapat ay abunda gid kay awa Diyus ag daka gid kay pagmahal sa kanta.

Ipisu 4:23

Pagbag-uha yi kanyu nalub-anan hanggan kanyu naisipan.

Ipisu 5:26

hampay kay lumpiyuhun sa danum ag sa Bagaw bag-u ipasakup niya sa Diyus.

Diyuturunumiyu 9:5

Apuun niyu kanda daga balaw dahil sa matadlung kamu ngatay mayad kamu pag manga tawu nu unman dahil daut sida, ag hampay matupad Panginuun kay itinaratu sa kanyu manga ginurang sa kanda ni Abraham, ni Isaak, ag ni Hakub.

Kulusas 3:10

Isinlung yi niyu ti bag-u pagkatawu, kay linalang Diyus ag kay diman pagbag-uhun Diyus hampay amat-amat kamu lalu ga kay histuda niya ag hampay kang-ud udyi may kurang kanyu pagkilala sa kanya.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

Titu 3:4

Dapat taynguna ipinaburayhaw Diyus kay pangaawa hanggan kay pagmahal sa manga tawu. Siya ngani kanta Manugribri.

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 4:16

Pagpakarani kita sa Diyus sa may puun pakaun kaayadan, pagmatutum kanta naisipan, hampay kita pagkaawaan niya ag hampay nu katpung kita may kailangan sa kanya, kita awatan diman angay sa kay pangaawa.

Hibriyu 6:6

Dayu yi mauman sida mataban sa pag-ampu sa kasalanan dahil ga kanda ngap pag-ipaku maan ti Anak Diyus sa kurus ag pag-ipasurug maan nida siya sa hayagan.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.

1 Pidru 2:10

Nu kaybi di waya gid kamu bukun kay nasyun Diyus, taynguna bay kamu kay yi pinili hampay kay nasakupan. Kaybi kamu kay inirangan balaw pagkaawaan. Dapat taynguna kamu kay kinaawaan.

1 Pidru 3:21

Ti danum halimbawa sa tulbaw magribri taynguna sa kanta. Ti tulbaw balaw sa kuntay makalumpiyu uring sa bilug. Ti kahulugan tulbaw magtaratu kita sa Diyus balaw yi kita magbuwat manga bagay balaw mayad sa kanya. Pag-iribri kita tulbaw dahil sa kay pagkabuhi uman ni Hisu-Kiristu.