Titu 3:3 - Hanunuu

³ Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

Titu 3:3 Iomraidhean Croise

Gimpuunan 38:9

Dapat alam ni Unan balaw bumaliw kanya ti mianak nida pag anak, nakan kada mag-ululidan sida ni Tamar, balaw niya pag-islud kay similya hampay unman sida magkaanak para sa kay patar-ari.

Gimpuunan 39:16

Itinagu babayi ti balukas ni Husi tugka sa rinmas-ug kay asawa.

Kanta 36:2

Dahil abwat kay magbantay sa kay sadili, balaw niya mag-akitan kay kadautan hampay kagalitan niya inda.

Kabagawan 8:5

Kamu pag manga unman may alam, pagmadunung kamu. Kamu pag manga luku-luku, pag-intindi kamu.

Kabagawan 9:6

Duraa yi niyu ti kalukuhan hampay lumawig kanyu buhi ag may kadungan.”

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Ubadyas 1:3

Magkumun kamu unman may tumalu sa kanyu dahil mag-uli kamu sa mabatu ag abwat pag rugar. Dapat ay sa inda pag magpayabang niyu, pagdayaun lang niyu kanyu manga sadili.

Matiyu 21:29

Sinmagut kay anak, ‘Dayu duy.’ Dapat pagka dugay nag-isip ti anak, atag yi lang aku. Bag-u nag-ati diman.

Lukas 21:8

Bag-u nagsabi si Hisus magkun, “Pag-aman gid kamu sa unman gid kamu patalangun dahil mayamu ti sumitay mag-apu kang ngaran magkun, ‘Aku yi ngani. Inda yi ti kaudasan’ Danga kamu magsunud sa kanda.

Huwan 8:34

Sinabi ni Hisus sa kanda magkun, “Ungud duy kang pagsabihun sa kanyu, panawuhun ngap kasalanan ti kada tawu magbuwat kasalanan.

Ruma 11:30

Kaybi kamu pag manga balaw Hudiyu daan di manga malaban sa Diyus, dapat taynguna pagkaawaan ngap kamu niya sa katpung kaudasan manga malaban ti manga Hudiyu.

Ruma 6:12

Danga yi maghari ti kasalanan sa kanyu manga bilug may kamatayan hampay udyi kamu pilitun sumunud sa manga daut kagustuhan niyu naisipan.

Ruma 6:17

Dapat ay salamat sa Diyus, dahil kaybi kamu manga panawuhun kasalanan, taynguna bay masurundun yi kanyu tagipusuun sa iinadal pag katutuuhanan kanyu yi tinanggap.

Ruma 6:22

Dapat taynguna kamu pinaribri yi ginan sa kasalanan, kamu manga panawuhun yi Diyus bag-u gamitun kamu Diyus sa kay turunu tungkul sa buhi unman may katapusan.

Ruma 6:6

Alam nita ti daan nita pagkatawu ipinaku sa kurus kaibahan ni Kiristu, hampay udyi may kapangyarihan kanta pagkatawu makasalanan ag sa udyi kita baliwun panawuhun kasalanan.

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Galasya 6:3

Nu may magpainu-inu sa kay sadili kuntay siya mahalaga dapat unman diman waydi, dinaya ngap niya kay sadili.

Kulusas 1:21

Kumun diman kamu, kaybi kamu arayu sa Diyus, kanyu naisipan lunsay yi lang gid laban sa Diyus. Kanyu buwat pudu kadautan.

Kulusas 3:7

Kaybi di waya nangugali diman kamu sa katida pag kagustuhan angay sa kalibutan. Ati katpung kamu sakup waya sa kanyu daut pag kagustuhan.

2 Timutiyu 3:13

Ti daut pag manga tawu lalu yi gid magpakadaut. Ti tawu maradaya lalu yi ngap mandaya, ag sida hanggan madaya diman.

2 Timutiyu 3:6

Ti iba sa kanda, magsaka sa manga tawu balay. Paggaryahun nida ti manga babayi balaw masyadu kay buut, nalagum yi sa kasalanan, manga panawuhun sadili nida daut pag kagustuhan.

Titu 1:16

Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Titu 2:12

Inda pag pangaawa ti magbutung sa kanta hampay tayakan ti daut pag ugali hanggan ti irisipun makasadili angay sa ugali kalibutan. Bag-u makaugali kita mahusay, matadlung ag angay sa kagustuhan Diyus sitay sa kalibutan.

Santiyagu 1:26

Nu ti tawu maghantup sa kay sadili kuntay siya matadlung, bag-u unman waydi mapinigilun siya sa kay dila, pagdayaun lang ngap niya kay sadili, unman may pulus kay mayad pag buwat magsamba sa Diyus.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 18:2

Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.