Titu 3:2 - Hanunuu

² Amparaha nimu sida magbagaw daut una sa kantapu. Iwasi nida ti mag-arawayan. Kailangan sida pagmaalumanay, lubus galanga nida ti tanan tawu.

Titu 3:2 Iomraidhean Croise

2 Samwil 22:36

Kawu parihu sa panangga mag-alaga sa kangku, ag sa panab-anan nimu awat nibantug aku.

Kanta 140:11

Mana balaw dumugay sa daga ti manga tawu magbangdan sa iba. Mana rumas-ug ti sarut sa maisug pag manga tawu, imaw ti rumuris sa kanda.

Kabagawan 19:19

Pabay-ani managut sa kay pagbuwatun ti tawu madali magalit, dahil nu awatan nimu siya, ulitun maan niya inda.

Kabagawan 25:24

Mayad waya mangulian sa bubung balay kaysa mangulian sa sulud balay kaibahan ti asawa paraaway.

Kabagawan 6:19

ti magkastigus kapudilan, ag ti magpaaway sa kay kaparihu.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Matiyu 11:29

Paulian niyu sa kanyu liug kang singkaw, pagpatudlu kamu sa kangku, dahil maalumanay aku ag mapinakumbabaun pag tawu bag-u makakit kamu kahusayan sa kanyu buhi.

Binwat 23:5

Magkun si Pablu, “Manga kaparihu niku Hudiyu, unman niku naalaman siya maaw ti pangulu manughandug sa Balay Diyus. Nisurat paman sa Banal Kasuratan magkun, ‘Danga kawu magbagaw daut sa pinunu nimu nasyun.’ ”

1 Kurintu 6:10

ti manga magtakaw, ti manga maramuun, ti manga manuglangu, ti manga magmuransa hanggan ti manga manuglupig dayu gid sida masakup sa kay paghari Diyus.

1 Kurintu 9:19

Unman may makaampara sa kangku una si unu waya, dapat kang gustu ngap aku suruguun tanan tawu hampay lalu ngap mayamu tawu kang magarya.

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Galasya 6:1

Manga patar-ari, nu may naabutan kamu tawu magbuwat kasalanan, kailangan sa kanyu tunda ti manga tuludluan Ispiritu ti pagtadlung sa kanya, dapat pagmaalumanay kamu ti kada usa. Pagpasunaid sa kanyu sadili bilug barang kamu matuksu waydi.

Galasya 6:10

Nakan ngani danga nita ipalawuy nu may rugar hampay magbuwat mayad sa kanta kaparihu, lalu gid sa manga kaparihu nita magsarig sa kan Kiristu.

Ipisu 4:2

Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.

Ipisu 4:31

Bul-a yi niyu ti magkutub daut, ti pusuk yi pag isug hanggan ti galit. Danga kamu magpamarahak, una magpuya, danga yi may hamnu galit.

Pilipus 4:5

Kailangan pagmakilala gid tanan tawu kanyu kaalumanay. Udyi dugay aban rumas-ug yi ti Panginuun.

1 Tisalunika 2:7

Madi may karampatan mana kami bilang manga apustul ni Kiristu magpasag-sagan sa kanyu, bagkus ngap kami nagmadahan sa kanyu, parihu sa ina kay magdahan mag-alaga sa kay manga anak.

1 Timutiyu 3:11

Kailangan hanggan kanda manga asawa mabuut, danga sida magkutsu-kutsu. Kailangan sida manga mayad gid, matinupadun sa tanan bagay.

1 Timutiyu 3:3

Kailangan unman maraibgun siya sa irinmun makalangu, balaw diman arisgadu, kailangan pag maalumanay ngap siya, maraibgun sa kahusayan, danga maraibgun sa kuwarta.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

Santiyagu 4:11

Danga magkaradat-an kamu, manga patar-ari. Nu ti tawu mag-away sa usa ka patar-ari, ag magpihu sa usa ka patar-ari nu daut nu mayad, kay pag-awayun ngap ti Kasuguan, kay pagpihuun ti Kasuguan nu daut nu mayad. Nu alamun nimu nu daut nu mayad ti Kasuguan balaw yi ngap kawu magtupad sa Kasuguan, bagkus ngap pagpalabi-labihan lang nimu ti Kasuguan.

1 Pidru 2:1

Nakan ngani tayaki yi niyu ti tanan pag kadautan, ti tanan buwat sa magdaya, una ti magpabalhinguun, una ti maghirak, una ti magmuransa, tayaki yi niyu tunda.

1 Pidru 3:10

Angay sa nisurat sa Banal Kasuratan magkun, “Ti may gustu magkaibug sa buhi ag sa makakit siya mayad pag kahamtangan, pagpigil siya sa kay baragawun daut, kay bibig danga magbagaw daya.

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Pidru 4:4

Maglingut ngani sida nu hayga nguna udyi kamu magpaminsan taynguna sa unman may kabuluhan pag manga ugali nida. Nakan pagkadat-an nida kamu.

2 Pidru 2:10

Lalu gid parusahan aban ti manga mag-ugali angay lang sa sadili nida kagustuhan sa daut pag naisipan hanggan sa mahalay ag unman madunung magpanagunsirung sa may kangaranan. Manga paranghasin tunda pag manga pudilun pag manga manugtudlu, manga palabi-labihun. Unman paggalangun nida ti manga makapangyarihan sa langit, bagkus ngap kanda paglibakun.

Hudas 1:10

Dapat tunda pag manga tawu magmuransa ngap sa unman nida magkasalman. Ti manga bagay kanda yi nataw-an parihu ga manga hayup unman may buut, imaw yi kanda paggamitun sa ikadamhak nida.

Hudas 1:8

Kumun diman tunda pag manga pudilun pag manga manugtudlu. Dahil sa kanda manga tagin-up, pirmi pagpayagtingun ngap nida kanda sadili bilug, ipagpasipala nida ti kamaskihan Diyus, pagmuransahun nida ti manga makapangyarihan sa langit.