Titu 2:14 - Hanunuu

¹⁴ Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Titu 2:14 Iomraidhean Croise

Gimpuunan 48:16

Ag mana papaladan diman sida anghil, ti nagribri sa kangku sa tanan kadamhakan. Mana maalaala aku hanggan kang manga ginurang sida ni Abraham ni Isaak sa panab-anan nida. Ag mana yumamu waya sida sa kalibutan.”

Kanta 130:8

Siya gid ngap ti manribri sa kanyu sa tanan niyu manga kasalanan.

Kanta 135:4

Dayawa niyu siya dahil pinili niya ti nasakupan Israil ti manga linahi ni Hakub, ti bumaliw kay bukudtangi pag nasakupan.

Pag-ighit 15:16

Tutuu, dalaun gid sida. Sa panab-anan nimu bantug pag kamaskihan, bumaliw sida ga batu unman makatandug, tugka sa makalawuy kanmu irinibri pag nasakupan, Panginuun.

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Isikil 37:23

Unman yi nida uringan kanda sadili sa panab-anan pagsamba sa kanda mayagting manga diyus-diyusan ngatay sa pagbuwat sa una hintay pag kasalanan. Dahil iribri niku sida sa tanan nida binwat kasalanan ag lumpiyuhun niku sida. Bumaliw nasakupan niku sida, ag aku kanda Diyus.

Libitiku 25:41

Sa tunda pag timpu, nalukat yi siya hanggan kay manga anak, bag-u makabalik yi sida sa kanda manga katawuhan ag kanda yi maan ti manga kasiyunan nida manga ginurang.

Bilang 25:13

Sa tunda pag kasunduan, siya hanggan kay manga lahi buwatun manughandug hanggan waya aban, dahil ipinakakit niya sa kangku kay magkagalit sa kasalanan, linukat niya ti manga Israilita sa kanda kasalanan.”

Matiyu 1:21

Siya manganak anak lalaki aban. Kay ngaran kanmu ipaingaran si Hisus. Dahil iribri niya kay nasyun sa kanda manga kasalanan.”

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 3:12

Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”

Huwan 10:15

parihu diman sa kay magkilala niku Ama sa kangku ag kang diman magkilala sa kang Ama. Handa diman aku mamatay tungkul sa kang manga karanidu.

Huwan 6:51

Aku ti nagsitay ginan sa langit ga karan-unun makapakaun buhi. Nu kan-un tawu inda pag karan-unun, may tutuu pag buhi siya unman may katapusan. Ti karan-unun kang ipakaun imaw yi kang bilug sa ikabuhi manga tawu sa babaw daga.”

Binwat 15:14

Kis-ab itinultul ni Simun kay pangaawa Diyus sa manga balaw Hudiyu, nakan sa kabag-u kay pinili sida hampay sida hanggan kay yi waydi nasyun.

Binwat 15:9

Parihu lang kay magbantay Diyus una sa kanda una sa kanta. Pagka sida nagsarig sa kan Hisu-Kiristu, linumpiyu diman Diyus kanda tagipusuun sa kanda nagbuwat kasalanan.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 9:36

Sa Hupi may usa ka babayi sakup diman sa kan Hisus. Kay ngaran si Tabita. (Sa Giriyigu kay ngaran si Durkas, kay ibug sabihun, Karasyaw.) Masipag gid ungud siya sa magbuwat mayad, pirmi diman siya mag-awat sa manga makuri.

Galasya 1:4

Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Diyuturunumiyu 26:18

Ipinasandam diman Panginuun kainda kamu kay ipinablag pag manga nasakupan angay sa kay itinaratu, kailangan sumunud kamu sa tanan niya manga sugu.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

Diyuturunumiyu 7:6

Dahil kamu pag manga tawu ipinablag para sa Panginuun niyu Diyus. Sa tanan pag manga tawu, kamu ti pinili Panginuun niyu Diyus ti pagmahalun niya pag nasakupan.

1 Timutiyu 1:15

Tutuu ti pagsabihun ag kailangan paniwalaan tanan tawu magkun, “Nakan nagsitay si Kiristu Hisus sa kalibutan hampay iribri ti manga makasalanan.” Ag aku ngap ti takinan manga makasalanan.

1 Timutiyu 2:10

Kailangan kanda ngap pinagkabisti kay mayad buwat imaw ti dapat sa manga babayi manga magpasakup sa Diyus.

1 Timutiyu 2:6

Ipinakaun niya kay sadili bilug naglukat sa tanan tawu. Sa taning pag kaudasan pag ipinakilala niya kay ginayak Diyus pag karibrihan.

1 Timutiyu 6:18

Sabihi nimu sida pagbuwat mayad, pagpakayaman sida sa mayad pag buwat. Pagmarapakaun, pagmaraawat sida sa kaparihu tawu.

Titu 2:7

Sa tanan nimu buruwatun pag may makitan sida marinu pag mustara. Pagmatinupadun kawu sa kanmu magtudlu, danga isipun manga iba kuntay hakut lang ti kanmu pagsabihun.

Titu 3:8

Inda pag manga adal imaw ti katutuuhanan. Nakan ngani kang gustu pagkasipag kawu itudlu nimu inda hampay ti manga magsarig sa Diyus handa kanda naisipan sa pagbuwat mayad. Inda pag manga paanyu imaw ti pinakamayad ag mapakinabangan tanan tawu.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 10:24

Isipun nita nu kabitay pag mipulaw ti maimbung pagmahal sa usa kag sa usa, hanggan ti pagbuwat mayad.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

Santiyagu 4:8

Pagpakarani kamu sa Diyus, bag-u pumakarani waydi ti Diyus sa kanyu. Lumpiyuha kanyu manga kamang, kamu pag manga makasalanan. Lumpiyuha kanyu tagipusuun, kamu pag manga tawu magkauman-uman kanyu naisipan.

1 Pidru 1:18

Dahil naalaman niyu nu hintay ti ilinukat sa kanyu ginan sa unman may kabuluhan pag ugali kanyu minana ginan sa kanyu ginurang. Ti ilinukat sa kanyu balaw manga bagay magkadaut, parihu sa manga pilak, manga gintu.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

1 Huwan 1:9

Nu pag-akuun nita kanta manga kasalanan sa atubangan Diyus, patawadun niya kita sa tanan pag kadautan, dahil ti Diyus matadlung ag masarigan.

1 Huwan 3:2

Taynguna duy, kita manga anak yi ngani Diyus. Udwaya ipinaburayhaw Diyus sa kanta nu kabitay kita aban. Dapat maalaman diman nita nu miburayhaw aban si Kiristu, kita parihu diman waydi ga kanya, dahil makitan yi gid nita siya kay histuda.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.