Titu 2:13 - Hanunuu

¹³ Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Titu 2:13 Iomraidhean Croise

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Matiyu 26:64

Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Markus 14:62

Sinabi ni Hisus, “Aku ngani. Kainda ginan makitan niyu ti Anak Tawu matukawan baliwa sa sikun Diyus makamaskihan minsan sa kay karampatan. Rumas-ug siya padara sa rurum ginan sa langit.”

Markus 8:38

Dahil una hintay pag tawu sa manga uragin ag manga makasalanan pag tawu sa babaw daga nu ipaulam kay nagkilala sa kangku hanggan sa kang bagaw, ipaulam diman waydi Anak Tawu kay nagkilala sa kanya nu rumas-ug siya aban may mamaski pag kapangyarihan niya Ama, kaibahan niya ti manga banal pag anghil Diyus.”

Binwat 24:15

Parihu diman sa kanda mag-asa aku sa Diyus buhiun maan niya ti tanan tawu, ti manga matadlung hanggan ti manga unman matadlung.

Ruma 15:13

Diyus ti may pakaun pag-asa sa kanta imaw waydi ti pumakaun kabayaan sa kanyu, hanggan kahusayan sa kanyu magsarig agud lalu abunda kanyu pag-asa dahil sa kapangyarihan Ispiritu Banal.

Ruma 5:5

Dayu kita mibuyu sa kanta pag-asa, dahil kay pagmahal Diyus ilinubus yi sa kanta manga tagipusuun sa panab-anan Ispiritu Banal, imaw ti ipinakaun Diyus sa kanta.

Ruma 8:18

Sa sadili isip niku ti paglakawan nita kakurian kainda pihu unman tumimbang sa kadayawan miburayhaw aban sa kanta.

1 Kurintu 1:7

Nakan kang-ud yi gid ti tanan pakaun Diyus kanyu natanggap hanggan sa kanyu mag-alagad waya sa kay pagras-ug nita Panginuun Hisu-Kiristu.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 1:27

Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.

Kulusas 1:5

Dahil may pag-asa kamu makarubtan niyu ti manga inalistu para sa kanyu ati sa langit. Nasalman yi niyu ti tungkul sa pag-asahan niyu inda pagka itinudlu sa kanyu ti tutuu pag barita Diyus, imaw ti Mayad pag Barita.

Kulusas 3:4

Si Kiristu ti tutuu pag buhi. Nu miburayhaw siya aban, miburayhaw diman hanggan kamu kaibahan niya, miusa sa kadayawan niya.

2 Tisalunika 2:16

Kanmi pag-idarangin kamu hampay pasayahun nita Panginuun Hisu-Kiristu hanggan nita Diyus Ama, imaw ti nagmahal sa kanta. Kinaawaan gid niya kita, pinakan-an niya kita unman magkauman pag matutum naisipan hanggan marig-un pagsarig.

2 Tisalunika 2:8

bag-u mibantala yi ti May Puun Kadautan. Pagka sa kaudasan niya pagras-ug ni Kiristu, arupan niya ti May Puun Kadautan kay papasun yi, matyun siya sa masyadu masilaw pag rayaw ni Kiristu.

1 Timutiyu 1:1

Inda ti may surat si Pablu, kay apustul ni Kiristu Hisus angay sa kay sugu Diyus imaw ti Manugribri nita, ag ni Kiristu Hisus imaw kanta pag-asahan.

2 Timutiyu 1:2

Inda pag surat tabug sa kanmu, Timutiyu. Kawu kang pagmahalun dahil kawu kang pinagkaanak sa pagsarig sa kan Kiristu. Pagsa kanmu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Kiristu Hisus.

2 Timutiyu 4:1

Aku may pagsabihun gid sa kanmu sa atubangan Diyus ag ni Kiristu Hisus, imaw ti manbalik ag manhari, ag ti pumihu aban sa manga tawu buhi di waya hanggan sa manga namatay yi, nu daut nu mayad.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 1:2

agud magsarig sida sa buhi unman may katapusan. Udwaya linalang ti kalibutan daan di itinaratu Diyus ti buhi unman may katapusan. Ti Diyus unman madunung magpudil.

Titu 1:4

Inda kang surat tabug sa kanmu, Titu, dahil kawu kang pinagkaanak, usa kita sa kanta pagsarig. Pagsa kanmu ti papalad hanggan ti kahusayan ginan sa Diyus Ama ag ginan sa kan Kiristu Hisus, sa kanta Manugribri.

Titu 3:4

Dapat taynguna ipinaburayhaw Diyus kay pangaawa hanggan kay pagmahal sa manga tawu. Siya ngani kanta Manugribri.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.

1 Huwan 4:14

Nakitan nimi ag kanmi pagpatutuuhanan kuntay sinugu Ama kay Anak hampay siya yi ngani ti Manugribri sa tanan manga tawu sa babaw daga.

Hudas 1:21

Danga magpablag kamu sa kay pagmahal Diyus; pag-alagad kamu sa kay pangaawa nita Panginuun Hisu-Kiristu, imaw ti makapakaun sa kanta tutuu pag buhi unman may katapusan.

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.