Titu 2:12 - Hanunuu

¹² Inda pag pangaawa ti magbutung sa kanta hampay tayakan ti daut pag ugali hanggan ti irisipun makasadili angay sa ugali kalibutan. Bag-u makaugali kita mahusay, matadlung ag angay sa kagustuhan Diyus sitay sa kalibutan.

Titu 2:12 Iomraidhean Croise

Kanta 105:45

Binwat inda Diyus hampay tupadun nida kay manga surundanun ag kasuguan. Dayawa ti Panginuun.

Kanta 4:3

Alalahana niyu, pinili Panginuun ti manga maka-diyus para sa kanya. Nakan ngani patingihan niya aku nu magdangup sa kanya.

Isikil 36:27

Pakan-an diman kamu niku Ispiritu hampay masunud niyu maayus kang manga sugu hanggan surundanun.

Matiyu 12:32

Una si unu ti bumagaw laban sa Anak Tawu may patawad di dapat ti tawu nu magbagaw laban sa Ispiritu Banal udyi patawadun, una sa kainda katpung pag panahun una hanggan waya aban.”

Matiyu 16:24

Bag-u sinabi ni Hisus sa kay manga tuludluan, “Nu may tawu magkaibug magkuyug sa kangku, paglimti niya ti angay sa kay sadili, pas-ana kay kurus bag-u pagkuyug sa kangku.

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Lukas 1:75

Ipinasaman niya kita ginan sa kalibutan hampay banal ag matadlung sa kay magbantay, hanggan waya kita magkabuhi.

Huwan 14:30

Udyi aku may rugar hampay maghampang waya sa kanyu dugay, dahil sab arani yi ti pangulu kalibutan. Unman may mabuwat siya sa kangku nu unman pahintulutan Ama.

Huwan 6:25

Pagka nakadipay ti manga tawu sa danaw, nakitan ngani nida si Hisus. Bag-u pinmaingana sida sa kanya magkun, “Maisturu, kapira kawu pag rinmas-ug sitay?”

Binwat 24:16

Nakan pirmi aku mag-ugali sa mayad hampay malumpiyu kang tagipusuun hanggan kang naisipan sa atubangan Diyus una sa atubangan tawu.

Binwat 24:25

Dapat ay pagka nagbagaw si Pablu tungkul sa mag-ugali sa mayad, tungkul sa magpigil sa sadili ag tungkul sa kaudasan kay magsintinsiya Diyus aban sa kalibutan, nadala si Pilik. Magkun siya sa kan Pablu, “Pag-atag dap maan kawu sa pirisuhan. Nu may rugar maan aku ipab-ul maan duy niku kawu.”

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

Ruma 6:12

Danga yi maghari ti kasalanan sa kanyu manga bilug may kamatayan hampay udyi kamu pilitun sumunud sa manga daut kagustuhan niyu naisipan.

Ruma 6:19

Maghampang aku angay lang sa ugali tawu hampay balaw makuri maintindihan niyu. Kaybi ipinasakup ngani niyu kanyu sadili sa kayagtingan ag sa kadautan hanggan di mag-amat. Taynguna kailangan ipasakup ngap niyu lubus kanyu sadili sa katadlungan hampay gamitun kamu Diyus.

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Galasya 1:4

Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Ipisu 1:4

Udwaya nalalang ti kalibutan, daan kita pinili pinausa Diyus sa kan Kiristu hampay kita manga sakup yi Diyus ag udyi may ikasaway sa kay magbantay niya. Dahil sa kay pagmahal Diyus,

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Kulusas 1:22

Dapat ay kamu pinausa Diyus tag sa kay sadili, dahil sa kay kamatayan ni Kiristu angay sa kay pagkatawu, hampay kamu ipaatubang sa Diyus ud may ikasabi, manga sakup yi sa Diyus, unman may kutub daut.

1 Tisalunika 4:7

Kita kay pinili Diyus hampay balaw mag-ugali sa mahalay nu unman hampay lubus kita sakup sa Diyus.

1 Tisalunika 4:9

Unman yi kailangan tudluan waya nimi kamu tungkul sa pagmahal sa manga patar-ari sa Panginuun, dahil tinudluan yi waydi kamu Diyus, hampay kamu magmalahalan sa usa kag sa usa.

1 Timutiyu 4:12

Danga pasnuan nimu nu magpuya diman sida sa kanmu dahil anak waya kawu baliwa. Bagkus pagpakasipag kawu hampay kawu ti mustara sa manga magsarig sa kan Kiristu, sa kanmu pamagawan, sa kanmu ugali, sa kanmu pagmahal, sa kanmu pagsarig hanggan sa kanmu unman may huput daut una di.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

1 Timutiyu 6:9

Dapat ti tawu nu maghingbut sa yumaman, madara siya sa tuksu ga nasduk sa mayamu pag kadautan ag sa unman may kabuluhan pag manga paghangadun, imaw ti magdara sa kanya tabug sa kadamhakan.

2 Timutiyu 3:12

Ti tanan manga may gustu mangugali sakup sa Diyus ag magpakiusa sa kan Kiristu Hisus, pihu makalakaw pag-unuunu.

2 Timutiyu 4:10

Dahil tinayakan yi aku ni Dimas. Ipinalabi di niya ti bagay sa kalibutan. Ati yi siya sa Tisalunika. Si Kirisinti nag-ati sa Galasya. Si Titu waydi ati sa Dalmasya.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

Hibriyu 8:11

Aban udyi may tawu manudlu waya sa kay kaparihu una sa kay patar-ari magkun, ‘Kilalan-a nimu ti Panginuun.’ Dahil kumilala yi gid sa kangku ti tanan tawu ginan sa pinakaababa hanggan sa pinagkaabwat.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.

2 Pidru 3:11

Katunda ngani aban ti pangatapusan tanan bagay, nakan ilubus niyu ipasakup kanyu sadili sa Diyus, kanyu ugali buhi pag-angay yi sa kay kagustuhan,

1 Huwan 2:27

Dapat duy, ipinakaun ni Kiristu sa kanyu ti Ispiritu Banal, imaw ti nangulian sa kanyu. Nakan balaw yi kailangan may magtudlu waya sa kanyu, dahil ti Ispiritu yi gid tigtudlu sa kanyu sa tanan bagay. Kay pag-itudlu Ispiritu balaw pudil, tunda lunsay katutuuhanan ngap. Nakan pagpaniwala kamu sa tudlu Ispiritu, dagpablag kamu ginan sa kan Kiristu.

1 Huwan 2:6

Nu magsabi ti tawu magkun, pirmi siya magpakiusa sa Diyus, kailangan pagga kan Hisus diman waydi kay ugali.

1 Huwan 5:19

Magkaalaman nita kita nianak Diyus, dapat ti bilug kalibutan sakup di kapangyarihan ni Satanas.

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”

Ipinakakit 14:12

Nakan ngani kailangan pagpakarig-un ti manga napasakup sa Diyus, ti manga magsunud ngani sa kay sugu Diyus ag unman mag-urung sa kanda pagsarig sa kan Hisus.