Titu 2:10 - Hanunuu

¹⁰ Sabihi nimu sida danga maggawhin. Kailangan paglubus masarigan sida hampay sa tanan nida ugali pag-ipakakit nida ti kaayadan kay pag-itudlu Diyus imaw kanta Manugribri.

Titu 2:10 Iomraidhean Croise

Kanta 101:6

Dapat pakakitan niku pagmahal kang manga kasimanwa matinupadun sa Diyus magkabuhi balaw may ikasabi. Makaibahan niku sida dahil pasnuan niku sida sumirbi sa kangku.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Matiyu 24:45

Sinabi ni Hisus magkun, “Ti panawuhun nu matinupadun ag mapininsarun imaw ti pagpiyaran niya amu hampay pakan-an niya karan-unun kay kaparihu manga panawuhun, may bahaw, may yabas, may yapun.

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Lukas 1:47

Nakabaya kang tagipusuun sa Diyus, sa kang Manugribri.

Lukas 1:80

Dinmaka ti anak, ag nagbisug kay tagipusuun. Sa pangawakawaan manga tawu kay ulian hanggan sa udwaya napakakit siya magtudlu sa manga taga Israil.

Lukas 16:10

“Ti tawu nu unman mapinasipalahun sa diit pag bagay, lalu yi sa daka pag bagay balaw ngap pumasipala. Ti tawu nu maradaya sa diit pag bagay, dumaya diman siya una sa daka pag bagay.

Huwan 12:6

Katida kay binagaw ni Hudas balaw kuntay sa magpasunaid siya sa manga pugri. Nakan sinabi niya katunda dahil siya mananakaw. Siya ti manughiyaput kanda kuwarta, bag-u paggawhinun niya kay iba.

1 Kurintu 4:2

Ti piniyaran kailangan pagtupad sa kay buruwatun niya amu.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 4:8

Inda waya manga patar-ari, kang pagsabihun sa kanyu. Ilubus niyu kanyu naisipan sa una hintay pag manga kaayadan sa ikadayaw manga iba. Nakan ngani pag-ugali yi kanyu naisipan sa manga lunsay tutuu, sa manga pagbayaun manga tawu, sa mahal, sa balaw may ikasabi, sa maalumanay pag-iisip, sa manga pagmahalun manga iba.

1 Timutiyu 1:1

Inda ti may surat si Pablu, kay apustul ni Kiristu Hisus angay sa kay sugu Diyus imaw ti Manugribri nita, ag ni Kiristu Hisus imaw kanta pag-asahan.

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.

1 Timutiyu 6:1

Ti mayad paggalang ti manga panawuhun sa kanda amu hampay unman may ikalibak sa ngaran Diyus una hanggan sa kanta surundanun.

1 Timutiyu 6:3

Una si unu ti magtudlu tuhay sa inda pag manga katutuuhanan ag unman angay sa mayad pag manga bilin nita Panginuun Hisu-Kiristu, una hanggan sa manga tudlu tungkul sa kanta surundanun,

Titu 1:3

Sa kay taning pag udas ipinaburayhaw Diyus inda pag barita bag-u kay iinintirga sa kangku hampay kang itudlu sa manga tawu angay sa kay bilin Diyus, imaw yi ngani kanta Manugribri.

Titu 3:4

Dapat taynguna ipinaburayhaw Diyus kay pangaawa hanggan kay pagmahal sa manga tawu. Siya ngani kanta Manugribri.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 3:16

Dapat pagmaalumanay kamu paggalang nu kamu magpaliwanag. Pag-ugali kamu sa malumpiyu kanyu tagipusuun hanggan naisipan hampay mangay-a ti manga magmuransa sa kanyu hanggan ti manga mag-away sa kanyu mayad ugali, dahil ngani kamu kay suruguun ni Kiristu.

2 Huwan 1:9

Ti tawu nu unman magsunud sa kay itinudlu ni Kiristu ngatay magdagdag magpasubra sa kay itinudlu, balaw siya inulianan Diyus. Una si unu ti magsunud sa kay itinudlu ni Kiristu, nangulian sa kanya ti Ama hanggan ti Anak.

1 Samwil 22:14

Sinmagut si Ahimilik, “Balaw aw lugud kabay si Dabid kanmu manugang ag tapat gid nimu pag suruguun? Bukud waya siti, siya duy ti takinan manga guwardiya niyu ag paggalangun siya niyu magtal-anakan.

1 Samwil 26:23

May pirimyu ti Panginuun sa manga tawu matapat ag magbuwat matadlung. Ipinakaun kawu Panginuun sa kang manga kamang taynguna pag sirang, dapat unman niku kawu inunu dahil kawu ti pinili Panginuun pag hari.