Titu 1:7 - Hanunuu

⁷ Kailangan gid unman may ikasabi sa manug-asiwa iglisya. Ti manug-asiwa iglisya imaw ti piniyaran buruwatun Diyus. Kailangan siya unman palabi-labihun, unman waydi arisgadu, balaw maglangu, balaw magalitun, balaw daluk,

Titu 1:7 Iomraidhean Croise

Gimpuunan 49:6

Balaw aku umiba ngatay makiusa sa kanyu pagtiripun dahil magmatay kamu tawu nu magkagalit kamu, ag pagpilayan niyu ti manga tudu nu pagkaibgan niyu.

Kabagawan 14:17

Ti tawu madali magkagalit magbuwat kadautan. Ti tawu maggayak daut pagkagalitan Diyus.

Kabagawan 15:18

Ti ulu mainitun mag-umpisa kaguluhan, dapat ti mapinakumbabaun makahusay sa kaguluhan.

Kabagawan 16:32

Mas mayad ti tawu mapinakumbabaun kaysa tawu makapangyarihan. Mas mayad ti tawu mapinigilun sa kay sadili kaysa tawu magsakup sa usa ka banwa.

Manugtudlu 7:9

Danga kawu magdaldali magkagalit, dahil ti pangagalit imaw ti buruwatun unman may intindi pag tawu.

Isayas 28:7

Dapat kainda, pasuray-suray ti manga manughandug hanggan ti manga purupita dahil sa kanda kalanguhan, balaw yi sa kang-ud kanda naisipan. Salan yi ti pagkaintindi manga purupita sa pangakakitun, balaw kang-ud ti manga pasya manga manughandug.

Isikil 44:21

Balaw diman sida mahimu uminum makalangu nu atag sida sa sulud pag sugkadan.

Libitiku 10:9

“Kawu hanggan kanmu manga anak balaw mahimu magsulud sa Turda nu nakainum intus ngatay una hintay pag kalasi irinmun makalangu. Nu buwatun niyu tunda, pihu gid mamatay kamu. Inda pag manga surundanun kailangan gid niyu tupadun tugka sa sunud pag manga sinulput tawu.

Matiyu 24:45

Sinabi ni Hisus magkun, “Ti panawuhun nu matinupadun ag mapininsarun imaw ti pagpiyaran niya amu hampay pakan-an niya karan-unun kay kaparihu manga panawuhun, may bahaw, may yabas, may yapun.

Lukas 12:42

Sinmagut ti Panginuun magkun, “Ti panawuhun nu matinupadun ag mapininsaran imaw ti pagpiyaran niya amu hampay pakan-an niya karan-unun kay kaparihu manga panawuhun may bahaw may yabas may yapun.

Ipisu 5:18

Danga kamu maglangu dahil makarangga tunda sa mayad pag ugali. Bagkus alwasiha niyu sa masuldan kamu Ispiritu Banal.

Pilipus 1:1

Inda ti may surat kami ni Pablu ni Timutiyu, kay manga panawuhun ni Kiristu Hisus, tabug sa tanan manga banal, sa manga magpakiusa sa kan Kiristu Hisus mag-uli asan sa banwa Pilipus hanggan sa manga manug-asiwa iglisya hanggan kanda manga kaawat.

Titu 1:5

Tinayakan niku kawu sa Kirita hampay ayusun nimu ti manga buruwatun udwaya namhan, pilian nimu manga manug-asiwa ti iglisya sa kada rugar ga kang diman ibinilin sa kanmu.

Titu 2:3

Katunda diman pagkumun kawu sa manga gurangun pag babayi, kailangan ipakakit nida kanda maggalang sa Panginuun hanggan sa tawu, danga sida parabangdan sa tawu, danga sida magkadara sa manga irinmanun, bagkus kailangan pagtudlu sida sa mayad.

1 Pidru 4:10

Pagmatinupadun kamu pag manga piniyaran manga tuhay-tuhay pag kaayadan Diyus. Gamita niyu kanyu tinanggap ayaw-ayaw hampay mapakinabangan tanan patar-ari.

1 Pidru 5:2

Kang gid bilin sa kanyu alagaan niyu ti manada Diyus kay iinintirga sa kanyu. Tupada niyu kanyu buruwatun pag may maluag pag naisipan, balaw sa nalugusan kanyu kagustuhan. Dahil tunda ngani kay gustu Diyus. Tupada ngani niyu kanyu katungkulan danga magkaibug sa may pakasa, lalu ngap pag may kabayaan kanyu magsirbi.

2 Pidru 2:10

Lalu gid parusahan aban ti manga mag-ugali angay lang sa sadili nida kagustuhan sa daut pag naisipan hanggan sa mahalay ag unman madunung magpanagunsirung sa may kangaranan. Manga paranghasin tunda pag manga pudilun pag manga manugtudlu, manga palabi-labihun. Unman paggalangun nida ti manga makapangyarihan sa langit, bagkus ngap kanda paglibakun.