Titu 1:6 - Hanunuu

⁶ Ti kailangan nimu piliun tunda unman may ikasaway, usa lang kay asawa, kay manga anak magpasakup waydi sa Panginuun, mabuut kanda ugali ag masurundun.

Titu 1:6 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Kabagawan 28:7

Ti madunung pag anak magsunud sa Kasuguan, dapat ti anak mag-upud sa manga balaw mayad kay ugali magpakay-a sa kay gurang.

Isikil 44:22

Balaw diman sida kailangan mag-asawa sa manga balu ngatay sa babayi tinayakan niya asawa. Kanda asawan-un tunda lang manga daraga manga Israilita, ngatay manga balu asawa manga manughandug.

Libitiku 21:7

Kailangan danga kamu mag-asawa sa babayi mayagting magpabili kay bilug, aw ngatay sa babayi nagbulag sa kay asawa, dahil itinalaga niku kamu para sa kangku.

Malakyas 2:15

Balaw aw lugud pinagkarausa yi kamu Panginuun sa bilug hanggan sa ispiritu hampay kanya yi kamu? Hayga mininsan niya kamu? Dahil gustu niya magkaanak kamu manga matinupadun sa Diyus. Nakan pihua gid niyu unman niyu dayaun kanyu asawa kanyu pinaminsanan sa katpung kan-akan waya kamu.

Lukas 1:5

Sa kapanahunan hari si Hirudis sa Hudiya, may usa ka manughandug kay ngaran si Sakaryas sa gurupu ni Abyas. Kan Sakaryas inasawa si Ilisabit, lahi ni Aarun.

Ipisu 5:18

Danga kamu maglangu dahil makarangga tunda sa mayad pag ugali. Bagkus alwasiha niyu sa masuldan kamu Ispiritu Banal.

1 Tisalunika 5:14

May sabihun waya gid kami sa kanyu, manga patar-ari. Paalalahani gid niyu ti manga bugyahin, pabisuga niyu ti manga malumuy kay sarig, sagabaya niyu ti udyi kakaya, agwantahi niyu sida tanan.

1 Timutiyu 1:9

Alam diman waydi nita ti Kasuguan bukun binwat para sa tawu matadlung nu unman para sa manga tawu unman magbati sa batas ag sa manga manlahug, sa manga tawu daut ag sa manga makasalanan, sa manga unman magsarig sa Diyus ag sa manga maglapastangan, sa manga magmatay sa ina sa ama, ag sa manga maglibun sa tawu,

1 Timutiyu 3:12

Kailangan usa lang kay asawa ti manugsirbi sa iglisya, kailangan madunung siya magpamahala sa kay kasunu balay, kailangan kaayad magpaanyu sa kay manga anak.

Titu 1:10

Mayamu yi tiglaban sa inda pag adal. Pagdayaun nida ti iba, kanda pagtudluan sa manga unman may kabuluhan. Ti kayamuan ay manga Hudiyu ti magtudlu katida.

1 Samwil 2:11

Siyun ginan, nuli si Ilkana hanggan kay magtal-anakan atabug sa Rama. Dapat si Samwil kay di tinayakan hampay mansirbi sa Panginuun sa karampatan ni Ili, imaw ti manughandug Balay Diyus.

1 Samwil 2:22

Gurangun yi gid ati katpung si Ili. Naalaman di niya ti tanan pagbuwatun kadautan niya manga anak sa manga Israilita hanggan kanda mag-ulid sa manga babayi magsirbi ati sa may sabian Turda Taragbuan.