Titu 1:5 - Hanunuu

⁵ Tinayakan niku kawu sa Kirita hampay ayusun nimu ti manga buruwatun udwaya namhan, pilian nimu manga manug-asiwa ti iglisya sa kada rugar ga kang diman ibinilin sa kanmu.

Titu 1:5 Iomraidhean Croise

1 Krunika 6:32

Nagsirbi sida sa panab-anan pagkanta ati sa Turda Tiripnan (pagtawagun diman Turda Taragbuan), tugka sa udas naipatindug ni Sulumun ti Balay Diyus Panginuun sa Hirusalim. Binwat nida kanda buruwatun angay sa manga surundanun pag-isugu sa kanda.

Manugtudlu 12:9

Tuhay waya sa madunung inda pag manugtudlu, pagtudluan diman niya ti manga tawu tungkul sa kay naalaman. Inadalan niya kaayad ti mayamu pag manga sanglitan kay banggitun sitay.

Isayas 44:7

Si unu ti makaparihu sa kangku? Tultulan niya sa kang atubangan nu hintay ti nangyari ginan sa ipinatindug niku usa ka nasyun kang nasakupan sa kabag-u pag panahun. Tultulan diman niya sa kangku nu hintay ti mangyari sa aratubangun.

Libitiku 14:42

Bag-u ilisan niya ti manga daan batu tiningkab sa bahagi lingub ag pakputan pamalitis.

Binwat 11:30

Katunda yi ngani kanda binwat. Ipinabahala nida kanda pakaun sa kanda ni Birnabi ni Saulu imaw ti nagtibu atag sa manga manug-asiwa iglisya ati sa Hudiya.

Binwat 14:23

Sa kada iglisya nagpili sida ni Pablu manga manug-asiwa para sa kanda. Bag-u nagpauray sida sa darangin, kanda iinintirga ti manga manug-asiwa sa Panginuun imaw kanda pagsarigan.

Binwat 2:11

manga taga Kiriti, manga taga Arabya. Dapat nadnugan nita sida magbagaw sa kanta sadili manga pamagaw tungkul sa manga makadululaw pag buwat Diyus.”

Binwat 27:12

Tunda pag punduhan unman mapakublihan sa amihan. Nakan ti kayamuan tawu sa bangka magkaibug mighit siti ginan pag punduhan tag sa kalalawdan hampay nu mahimu lang makaaput waya mana sida sa Pinisi pag punduhan sa baybay diman Kirita pag puru, kay sanggaan baliwa sa isalpan kanaway, nakan mayad pag parasan-iban sa katpung amihanun.

Binwat 27:13

Pagka naghuyup-huyup ti durus ginan sa salatan, nakabaya yi sida kanda isip mahimu yi ngani ipatarus nida kanda lakaw. Binatak nida kay pundu bag-u nag-agubay sida arani sa baybay Kirita.

Binwat 27:21

Dugay yi ti manga tawu sa bangka unman may kinaun, nakan tinmindug si Pablu sa kanda karaw-an nagsabi magkun, “Nu abi kamu duy nagpasnu lang mana sa kangku ag balaw nighit ginan sa Kirita, naiwasan niyu inda pag kakurian ag unman mana narangga ti bangka, unman diman nalugi kamu sa kanyu karga.

Binwat 27:7

Malumuy gid kanmi lakaw sa sulud manga pira ka sirang, dahil pagsarungsungun kami durus. Nakurian gid kami. Pagka dugay nakaaput kami sa katpadan banwa Kinidu. Siyun ginan udyi nakahimu naparargu kanmi lakaw, dahil mabisug ti durus. Nakan nag-alibud kami napakubli sa Kirita pag puru, naglawuy kami sa katpadan Salmun pag rungus baybay.

1 Kurintu 11:34

Tigkalun-us pagkaun dapu siya sa kay balay. Nu kanyu sundun kang paanyu, kamu balaw maparig-anan Diyus sa kanyu magtiripun. Sa kang pag-asan aban ayusun waya niku ti iba pag manga kakurian.

1 Kurintu 14:40

Ti mayad lang pagmalinaw ag maayus ti tanan niyu buruwatun.

1 Kurintu 4:17

Nakan sinugu niku tabug sa kanyu si Timutiyu, kang pagmahalun ag matinupadun pag anak sa Panginuun. Siya ti pumaalaala sa kanyu nu kabitay kang manga ugali dahil sa kang pakiusa sa kan Kiristu, parihu diman sa kang pag-itudlu sa una naan pag rugar, sa kada iglisya.

Kulusas 2:5

Madi aku unman asan, balaw magkalimtan niku kamu, aku magbaya sa kanyu maayus pag ugali hanggan sa kanyu marig-un pag sarig sa kan Kiristu.

1 Timutiyu 1:3

Ga kang diman sinabi sa kanmu kang di waya atag sa Masidunya, kang gustu duy kawu asan lang sa Ipisu, dahil may manga tawu magtudlu patalang. Bilini nimu sida danga yi sida magtudlu patalang.

2 Timutiyu 2:2

Ti manga nadnugan nimu sa kangku sa atubangan mayamu manga manugpatingi kailangan kanmu waydi itudlu iintirga sa manga tawu magkaasahan magtudlu waydi sa iba.

Titu 1:12

May usa diman waydi ka purupita sida sa taga Kirita ti magsabi magkun, “Pudil-pudilun ti manga taga Kirita, arisgadu kay ugali, manga bugyahin, daluk-daluk.”