Titu 1:4 - Hanunuu

⁴ Inda kang surat tabug sa kanmu, Titu, dahil kawu kang pinagkaanak, usa kita sa kanta pagsarig. Pagsa kanmu ti papalad hanggan ti kahusayan ginan sa Diyus Ama ag ginan sa kan Kiristu Hisus, sa kanta Manugribri.

Titu 1:4 Iomraidhean Croise

Lukas 2:11

Dahil inanak yi taynguna sa Banwa ni Dabid ti Manugribri niyu, imaw ti Kiristu, ti Pinili Diyus Manugribri pag Hari, ti Panginuun.

Huwan 4:42

Sinabi nida sa babayi magkun, “Magsarig kami taynguna sa kan Hisus balaw dahil sa kanmu sinabi sa kanmi. Taynguna kami magsarig dahil sa kanmi nadnugan sa kanya. Nakilala yi waydi nimi siya yi ngani ti Manugribri sa manga tawu sa kalibutan.”

Ruma 1:12

Ti gustu mana niku sabihun, hampay mag-arawatan kita sa ikarig-un nita sa kada usa dahil sa kanta pagsarig sa Diyus, una kangku, una kanyu.

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

2 Kurintu 12:18

Kang hinampang si Titu hampay umasan sa kanyu, kang gid ipinaiba sa kanya ti usa ka patar-ari. Nagsarig lang aw lugud si Titu sa kanyu? Unman aw lugud kanmi ugali angay sa usa lang ka Ispiritu, unman aw usa lang kanmi buruwatun?

2 Kurintu 2:13

Dapat unman masulung kang tagipusuun, dahil unman nagkarasampak kami ni patar-ari Titu. Nakan aku namaalam sa kanda sa taga Turuwas rargu ngap atag sa Masidunya.

2 Kurintu 4:13

May pagsabihun sa Banal Kasuratan magkun, “Magsarig aku, nakan magbagaw aku.” Angay sa kahulugan siti pag hampang tungkul sa pagsarig, magbagaw diman ngani kami, dahil kami hanggan may sarig.

2 Kurintu 7:6

Dapat ti manga maruku balaw pagpabay-anan Diyus. Sinaya niya aku pagka rinmas-ug si Titu.

2 Kurintu 8:16

Magpasalamat aku sa Diyus, dahil unman maghinayang si Titu kay budlay sa kanyu, parihu diman ga kang magpangabudlay sa kanyu.

2 Kurintu 8:23

Si Titu kaibahan yi gid niku makaawat sa kang buruwatun sa kanyu. Nu inda bay pag manga patar-ari kaibahan ni Titu sinugu manga iglisya, matinupadun pag manga suruguun sida sa ikadayaw manga tawu sa kan Kiristu.

2 Kurintu 8:6

Nakan ngani pinakihampangan niku si Titu, dahil siya ngani ti nag-umpisa inda, hampay kamu maawatan niya hanggan sa udwaya matapus kanyu mayad pag buruwatun inda.

Galasya 2:3

Dapat kuyug ngani hanggan si Titu. Madi siya Giriyigu, unman diman kanda pinilit siya turiun.

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Galasya 3:28

Udyi may tuhay-tuhay una Hudiyu, una Giriyigu, una panawuhun, una bukun panawuhun, una lalaki, una babayi. Kamu tanan urusa dahil sa kanyu pakiusa sa kan Kiristu Hisus.

Ipisu 1:2

Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Kulusas 1:2

Inda pag surat tabug sa manga banal mag-uli sa Kulusas, sa manga matinupadun pag patar-ari sa kan Kiristu. Pagsa kanyu ti papalad hanggan ti kahusayan ginan sa kanta Diyus Ama.

1 Timutiyu 1:12

Magpasalamat aku sa kanta Panginuun Kiristu Hisus, dahil siya tigpabisug sa kangku hampay mabuwat niku inda pag buruwatun ag kinilala niya aku kuntay aku matinupadun, nakan pinili niya aku hampay magsirbi sa inda pag katungkulan.

2 Timutiyu 1:1

Inda ti may surat si Pablu. Aku ti kinaibgan Diyus hampay apustul ni Kiristu Hisus para manudlu aku tungkul sa buhi kay itinaratu Diyus sa kanta dahil sa kanta pakiusa sa kan Kiristu.

2 Timutiyu 1:2

Inda pag surat tabug sa kanmu, Timutiyu. Kawu kang pagmahalun dahil kawu kang pinagkaanak sa pagsarig sa kan Kiristu. Pagsa kanmu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Kiristu Hisus.

2 Timutiyu 4:10

Dahil tinayakan yi aku ni Dimas. Ipinalabi di niya ti bagay sa kalibutan. Ati yi siya sa Tisalunika. Si Kirisinti nag-ati sa Galasya. Si Titu waydi ati sa Dalmasya.

Titu 1:3

Sa kay taning pag udas ipinaburayhaw Diyus inda pag barita bag-u kay iinintirga sa kangku hampay kang itudlu sa manga tawu angay sa kay bilin Diyus, imaw yi ngani kanta Manugribri.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

2 Pidru 1:11

Nu katunda, tanggapun kamu may kabayaan sa kay kaharian unman may katapusan ni Hisu-Kiristu, imaw kanta Panginuun ag Manugribri.

2 Pidru 2:20

Nakaiwas yi sa kadautan kalibutan ti manga tawu nakakilala sa kan Hisu-Kiristu sa kanda Panginuun Manugribri. Dapat ay nu maraibgun maan sida sa daan pag ugali daut bag-u nu rargu napatalu, lalu man makuri kanda kahamtangan balaw lang ga sa kabag-u.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.

2 Pidru 3:2

Isipa niyu ti manga binagaw kaybi manga purupita lubus napasakup sa Diyus. Isipa diman ti ibinilin nita Panginuun imaw ngani ti Manugribri. Tunda pag manga ibinilin nadnugan niyu ginan sa kanyu manga apustul.

1 Huwan 5:14

Nakan matutum kanta naisipan sa atubangan Diyus, dahil alam nita nu kita manhagad una hintay angay sa kay kagustuhan, kita pagdungugun gid niya.

Hudas 1:3

Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.