Titu 1:16 - Hanunuu

¹⁶ Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Titu 1:16 Iomraidhean Croise

Hub 15:16

Ti tawu aw waya nguna, daut ag makasalanan, ag magkauwaw sa pagbuwat daut!

Kabagawan 30:12

May manga tawu kanda pamantay sa kanda sadili unman yi gid magsalan, dapat kay tutuu mauring kanda buhi.

Isayas 29:13

Magkun ti Panginuun, “Inda pag manga tawu magdayaw ag nagdayaw sa kangku sa panab-anan lang nida manga bibig, dapat kanda tagipusuun arayu sa kangku. Ag kanda manga pagsamba sa kangku angay lang sa surundanun tawu.

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Isayas 58:2

Magpakarani sida sa kangku sirang-sirang, gustu nida maalaman kang manga palakaw. Nu pagbantayan, bilang sida usa ka nasyun matadlung unman maglabag sa sugu niku. Pag-ipakakit nida ga magkaibug sida pumakarani sa kangku ag manhagad matadlung pag pasya.

Isayas 59:13

Naglaban kita ag naglabag sa Panginuun. Binugyahan nita kanta Diyus. Pag-apihun nita ag paglugihun kanta kaparihu. Pagpinsaran nita mayad nu kabitay kita makabagaw kapudilan.

Hirimyas 12:2

Kanmu sida pagpapaladan ga puun kayu magpan-gamut, maglangba, ag magburak. Pagdayawun nida kawu sa panab-anan lang bibig nida, balaw ginan sa kanda tagipusuun.

Hirimyas 5:2

Una paggamitun niyu kang ngaran sa kanyu magtaratu, magpudil diman kamu.”

Hirimyas 6:30

Ingarnan sida, ‘Dinayu pag Galang’ dahil dinayu niku sida.”

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Bilang 24:16

Nasaydan niku ti bagaw Kaabwat-abwatan pag Diyus ag pinakan-an niya aku pan-intindi. Nakakit aku usa ka pangakakitun ginan sa kanya, ti Makamaskihan pag Diyus. Napakumbaba aku sa kanya, ag pinaintindi niya aku. Kaindaay kang padakit::

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

Ipisu 5:6

Danga kamu padara-dara una sa kantapu sa kanda baragawun mahakut sa tunda pag manga buwat. Dahil sa katida pag buwat magkagalit ti Diyus sa manga tawu supakil.

1 Timutiyu 1:9

Alam diman waydi nita ti Kasuguan bukun binwat para sa tawu matadlung nu unman para sa manga tawu unman magbati sa batas ag sa manga manlahug, sa manga tawu daut ag sa manga makasalanan, sa manga unman magsarig sa Diyus ag sa manga maglapastangan, sa manga magmatay sa ina sa ama, ag sa manga maglibun sa tawu,

1 Timutiyu 5:8

Una si unu nu balaw mag-asikasu sa kay manga katawuhan, lalu sa kay manga kasunu balay, kay tinalikdan yi kay pagsarig sa kan Kiristu, balaw di ngap ga manga unman waya nagsarig sa kan Kiristu.

2 Timutiyu 3:17

hampay ti tawu magsirbi sa Diyus madunung ag alistu yi sa tanan mayad pag buruwatun.

Titu 3:1

Paalalahani nimu ti manga patar-ari pagpasakup sida sa manga pangulu hanggan sa manga may kangaranan. Pagpirmi daan alistu kanda naisipan sa magbuwat mayad.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

1 Huwan 2:4

Ti magsabi magkun, “Magkilala aku sa Diyus”, bag-u nu unman diman waydi pagtupadun niya kay manga sugu, tunda pag tawu magpudil ag kay ugali unman angay sa katutuuhanan.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.

1 Samwil 15:24

Magkun si Saul sa kan Samwil, “Nagkasala aku; balaw niku sinunud kanmu manga itinudlu sa kangku hanggan ti sugu Panginuun. Nadala aku sa manga tawu, nakan sinunud niku kanda pagkaibgan.