Titu 1:15 - Hanunuu

¹⁵ Ti tanan manga bagay malumpiyu diman waydi sa tawu nu malumpiyu kay naisipan. Dapat sa manga tawu daut kay naisipan manga unman magsarig sa kan Hisus, unman may bagay malumpiyu, dahil may pag-alalahanun sida kasalanan sa kay naisipan hanggan sa kay tagipusuun.

Titu 1:15 Iomraidhean Croise

Kabagawan 21:4

Kasalanan ti magpadayaw-dayaw ag ti magpalabaw-labaw. Makilala nimu ti daut pag manga tawu sa tunda pag ugali.

Kabagawan 30:12

May manga tawu kanda pamantay sa kanda sadili unman yi gid magsalan, dapat kay tutuu mauring kanda buhi.

Hagay 2:13

Nakan nagpaingana waya si Hagay, ‘Nu abi, ti manga sinampit pag karan-unun nu nasaghidan tawu mauring dahil nakahiyaput siya bangkay, mayagting yi aw waydi nguna tunda pag manga karan-unun?’ Nagsagut ti manga manughandug, ‘Hu!’

Matiyu 15:18

Dapat ay ti magluwang sa bibig ginan ngap sa tagipusuun. Tunda yi ngani ti mag-uring sa tawu.

Binwat 10:15

May nagbagaw maan sa kanya magkun, “Danga nimu pagsabiha daut sa kanmu turun-anun ti ipinakaun Diyus hampay karan-unun.”

Ruma 14:14

Angay sa kang magpakiusa sa Panginuun Hisus naintindihan niku pihu ud may turun-anun pag karan-unun. Dapat nu may tawu mag-isip kuntay may kalasi karan-unun pag-irangan, danga yi lang siya magkaun.

Ruma 14:20

Ti tawu irinibri yi Diyus danga pagpadamhakan niyu dahil lang sa karan-unun. Ti tanan karan-unun mahimu kan-un tawu. Dapat ti daut lang nu magkasala ti usa ka tawu dahil sa karan-unun.

Ruma 14:23

Dapat ti tawu nu magkaun siya magkaduwa-duwa kay naisipan, siya makasalanan sa kay magbantay Diyus, dahil kay buwat balaw angay sa kay pagsarig nu unu ti mayad. Kasalanan ti magbuwat una hintay nu unman angay sa kay pagsarig nu unu ti mayad.

1 Kurintu 10:23

Magkun sida, “Unman may makaampara sa kang buwat una hintay.” Nu sa ungud mana, dapat may manga buwat unman mayad. Unman may makaampara sa kanta buwat una hintay dapat may manga buwat unman mapakinabangan.

1 Kurintu 10:25

Nu kamu sa palingki, pagbili yi lang kamu kanyu karan-unun danga yi magpakapaingana, danga yi maghantup bagay kasalanan.

1 Kurintu 10:31

Nakan una kamu magkaun una mag-inum, una hintay kanyu pagbuwatun, buwata niyu ti tanan sa ikadayaw sa Diyus.

1 Kurintu 8:7

Dapat ti iba unman nida alam kuntay usa lang ti Diyus. Ti iba nararum yi sa pagsamba sa diyus-diyusan nakan ngani hanggan kainda nu magkaun sida tunda pag manga karan-unun pag-alaalahun waya nida kanda pagkan-un ihinandug waya sa diyus-diyusan. Dahil kurang kanda kaalaman, nakan aburidu kanda tagipusuun sa kanda hantup sida magkasala.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.