Titu 1:11 - Hanunuu

¹¹ Kailangan sida amparahan sa kanda maglaban hanggan magdaya, dahil pagguluhun nida ti manga magtal-anakan. Basta sida sa kumakit lang kuwarta, pag-itudlu nida ti unman kailangan itudlu.

Titu 1:11 Iomraidhean Croise

Kanta 107:42

Nakitan inda manga matadlung ag nagbaya sida, dapat ti tanan daut balaw gid may masabi.

Kanta 63:11

Magbaya ti hari dahil sa binwat Diyus sa kanya. Magbaya diman ti tanan magtaratu sa ngaran Diyus. Dapat balaw pabagawun Diyus ti manga bibig manga pudilun.

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Isikil 13:19

Paglabagun niyu aku sa atubangan niku nasakupan dahil lang sa pira ka akup sibada ag pira ka bilug tinapay. Sa panab-anan niyu pamudil, pagkumnun niyu mamatay ti balaw dapat mamatay, ag pagkumnun diman niyu balaw mamatay ti dapat mamatay. Ag magpaniwala kang nasakupan sa kanyu kapudilan.

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 3:5

“Inda waydi ti pagsabihun Panginuun tungkul sa manga purupita magdaya sa kay manga nasakupan, magtaratu mayad pag kahamtangan sa manga magsagpun sa kanda, dapat pagpadalaun nida sa kadamhakan ti dayu magsagpun sa kanda.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Lukas 20:40

Ag unman yi ngani nagpanghas sida magpaingana waya sa kanya.

Huwan 10:12

Tuhay ti inupahan lang, unman siya ti tutuu pag manug-alaga sa karanidu ag bukun waydi siya kay apu. Nakan nu makitan niya may simarun idu magpakarani sa manga karanidu, pabay-anan lang niya ti manga karanidu, pumalagiw yi lang siya. Pagka tinkub simarun idu ti karanidu, namululagan yi lang kay iba.

Ruma 3:19

Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.

2 Kurintu 11:10

Dahil ti katutuuhanan ni Kiristu nangulian sa kangku nakan aku dayu umapas kang magpadayaw-dayaw sa inda pag ugali niku una naan katpung aku sa daga Akaya.

1 Timutiyu 5:13

Maanad sida sa bugyahin, magkahilig yi gid sa magpanungbalay. Ti usa waya ka alangan sa kanda pagka dugay sida mapinasilabutun ag ragayrayan waya paman.

1 Timutiyu 5:4

Nu bay may manga anak di una manga idu, sida yi lang ti mangasikasu sa kanda gurang, bilang kanda pananagutan sa gurang, katida nakan ti pagbayaun Diyus.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

2 Timutiyu 2:18

Tinmalang sida ginan sa katutuuhanan. Pag-itudlu nida magkun, natupad yi kanta pagkabuhi uman. Nakan kanda pagdautun ti pagsarig manga iba.

2 Timutiyu 3:6

Ti iba sa kanda, magsaka sa manga tawu balay. Paggaryahun nida ti manga babayi balaw masyadu kay buut, nalagum yi sa kasalanan, manga panawuhun sadili nida daut pag kagustuhan.

Titu 1:7

Kailangan gid unman may ikasabi sa manug-asiwa iglisya. Ti manug-asiwa iglisya imaw ti piniyaran buruwatun Diyus. Kailangan siya unman palabi-labihun, unman waydi arisgadu, balaw maglangu, balaw magalitun, balaw daluk,

Titu 1:9

Kailangan siya marig-un kay magtupad sa tutuu pag Bagaw Diyus angay sa itinudlu sa kanya hampay mitudlu maan niya sa manga iba sa ikarig-un nida ag hampay ipagpakilala diman waydi niya ti salan manga tawu maglaban sa Mayad pag Barita.

Titu 3:10

Una si unu pag tawu tigpagulu tigpaaway sa manga iba tawu danga yi dap magpakiusa kawu sa kanya nu sinabihan nimu tugka sa ikadwa pag sabi.