Sipanyas 3:8 - Hanunuu

⁸ “ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.

Sipanyas 3:8 Iomraidhean Croise

Kanta 12:5

Magkun ti Panginuun, “Awatan niku ti manga pugri dahil pag-api-apihun sida ag mag-arunghung sida sa agwanta. Alagaan niku sida dahil inda kanda pagkaibgan.”

Kanta 123:2

Parihu sa suruguun mag-alagad hampay pakan-an niya amu, kami mag-alagad diman hampay awatan nimu, Panginuun kanmi Diyus, tugka sa kaawaan nimu kami.

Kanta 27:14

Pagsarig kamu sa Panginuun! Pagpakarig-un kamu, danga magkabul-an pag-asa. Pagsarig lang kamu sa Panginuun!

Kanta 37:34

Pagsarig kawu sa Panginuun ag sunda kay kagustuhan, ag pagdayawun niya kawu dahil parargu niya kawu patahanun sa daga Israil. Makitan nimu nu palayasun yi ti manga daut sa tunda pag daga.

Kanta 37:7

Pagpakabuut kawu sa atubangan Panginuun ag pag-alagad mainagwantahun sa kay buwatun. Danga kawu magkasamuk sa manga tawu may kaabundahan, marapanalu sa kanda daut pag manga gayak.

Kanta 62:1

Sa Diyus lang aku may kahusayan; kang karibrihan ginan sa kanya.

Kanta 62:5

Sa Diyus lang aku makatanggap kahusayan dahil pagpakan-an niya aku pag-asa.

Kanta 79:5

Panginuun, tugka waya lugud kapira kanmu pangagalit sa kanmi? Tugka aw sa unman may katapusan? Lumabdab yi lang aw lugud parihu sa apuy kanmu imun?

Kanta 79:6

Pakakitan kanmu pangagalit sa manga nasyun ag manga kaharian balaw magkilala ag magsamba sa kanmu.

Kabagawan 20:22

Danga kawu magbalus. Pagsarig kawu sa Panginuun, ag awatan niya kawu.

Kanta ni Sulumun 8:6

Danga yi kawu magmahal iba nu unman sa kangku lang. Danga yi kawu maghagkung sa iba nu unman sa kangku lang. Dahil ti pagmahal parihu kay kapangyarihan sa kamatayan; ti mainit pag tagipusuun balaw maampara parihu sa pagras-ug kamatayan. Ti pagmahal parihu sa maglabdaban apuy.

Isayas 14:26

Katunda ngani ti paggayakun niku buwatun sa buu kalibutan. Katunda ngani pag parusa ti ipakakit niku sa tanan nasyun.”

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 34:2

Dahil magkagalit ti Panginuun sa tanan nasyun; magkagalit siya sa kanda manga sundalu. Nakan rurisun niya sida lubus. Matyun gid niya sida tanan.

Isayas 63:6

Sa kang pangagalit, tinat-an niku ti manga nasyun ag pinadampiray sida ga manga langu. Inuyang niku sa daga kanda dugu.”

Hirimyas 10:25

Ipasamit duy nimu kanmu pangagalit sa manga nasyun balaw magkilala sa kanmu hanggan sa manga tawu balaw magdulud sa kanmu. Dahil tinabu duy nida ti linahi ni Hakub, ag pinandaut kay manga ulian nida.

Husyas 12:6

“Nakan kamu pag manga linahi ni Hakub, pagbalik yi sa kanyu Diyus, ag ipakakit niyu ti pagmahal hanggan ti katadlungan. Bag-u parargu kamu sumarig sa kanyu Diyus.”

Huwil 3:2

tipunun niku ti tanan nasyun bag-u darahun niku sida sa Karatagan ni Husapat. Ati sida pagpihuun niku dahil sa kanda binwat sa kang nasakupan manga Israilita. Pinanwayak nida ti manga Israilita sa tuhay-tuhay pag nasyun ag hinuray-huray kang daga.

Mikas 7:7

“Dapat aku sumarig di sa Panginuun niku Diyus. Mag-alagad aku sa kanya hampay iribri niya aku. Ag pihu patingihan niya kang darangin.”

Habakuk 2:3

Suratan dapu nimu inda dahil balaw waya magras-ug kay kaudasan mangyari inda. Dapat pihu gid mangyari inda udyi dumugay ag balaw pumalya. Nu dumugay waya alagda lang ngalay, dahil pihu gid mangyari inda sa kay kaudasan.

Sipanyas 1:18

Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”

Hagay 2:22

Duraun niku ti manga kaharian hanggan kanda kapangyarihan. Magkaragpu kanda manga kalisa hanggan kay manga sakay. Magkaramatay kanda manga kabayu ag manmaratyan kanda manugkabayu.

Matiyu 25:32

Ati katpung aban tipunun sa kay atubangan ti tanan tawu. Sida duwahun niya ka gurupu ga kay buwat manug-alaga karanidu, pag-ipablag waydi niya ti manga kambing sa manga karanidu.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

Ipinakakit 16:1

Nadnugan niku ti daka pag bagaw ginan sa sulud Balay Diyus magsugu sa pitu ka anghil magkun, “Pag-ati yi kamu, buhusan niyu sa daga ti pangagalit Diyus ginan sa basad pitu ka pinggan malukung.”

Ipinakakit 16:14

Tunda pag manga labang magbuwat manga makadululaw. Pagpalibutan nida ti tanan manga hari sa bilug kalibutan hampay kanda tipunun tabug sa gira ati katpung aban nu kaudasan yi Diyus makamaskihan sa tanan. Tunda katpung aban pag kaudasan daka gid kay kabantugan.