Sipanyas 3:5 - Hanunuu

⁵ Dapat asan di ti kadayawan Panginuun sa karaw-an nida banwa. Pagbuwatun Panginuun ti mayad ag balaw ti daut. Sirang-sirang pag-ipakakit niya kay kaayadan, ag unman niya inda pag-apasan. Dapat ti daut parargu sa pagbuwat daut ag unman sida magkay-a.

Sipanyas 3:5 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

Hub 34:10

Nakan pagpatingi kamu sa kangku, kamu ti magsabi nakaintindi kamu. Ti Makamaskihan pag Diyus unman magbuwat daut.

Hub 7:18

Pag-usisaun nimu siya kada surip bag-u pagsubukun sa tanan pag udas.

Hub 8:3

Balaw mahimu pihitun Diyus Makamaskihan ti katutuuhanan aw ngatay likuun ti katadlungan.

Kanta 145:17

Panginuun, matadlung kawu sa tanan nimu paraan, ag matinupadun kawu sa tanan nimu pagbuwatun.

Kanta 37:6

Itultul niya malinaw kuntay matadlung kawu ag balaw may salan, parihu sa singgit init kay ka rayaw nu karaw-an sirang.

Kanta 92:15

Pag-ipakakit lang inda matadlung ti Panginuun kang palalan-iban pag batu; unman gid may kadautan sa kanya.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 28:19

Pirmi inda rumas-ug sa kanyu, sirang-sirang, sa surip ag sa yabi, pihu midamhak kamu.” Dalaun kamu nu masalman niyu inda ti pagsabihun.

Isayas 33:2

Panginuun, kaawai duy nimu kami. Pabisuga nimu kami sirang-sirang, ag ribrihan sa udas kakurian.

Isayas 45:21

Pagparaingan-an kamu sa usa kag sa usa, bag-u padnugan niyu kanyu katuwiran. Si unu lugud ti naghula kaybi tungkul sa manga bagay mangyari? Unman aw aku, ti Panginuun? Unman may iba Diyus nu unman aku lang — ti matadlung pag Diyus ag Manugribri.

Isayas 50:4

Tinudluan aku Panginuun Diyus nu hintay ti sabihun niku hampay maparig-un ti manga maglumuy. Pagpulawun niya aku kada surip hampay patingihan ti manga pag-itudlu niya sa kangku.

Hirimyas 3:3

Imaw kay dahilan nu hayga unman mag-uran sa udas tig-ururan. Dapat madi katida, maganit diman kanyu ulu parihu sa usa ka babayi baraydan, balaw yi magkay-a.

Hirimyas 6:15

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.”

Hirimyas 8:12

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.

Karukuan 3:23

Matutum gid ti Panginuun. Pag-ipakakit niya kay pangaawa kada sirang.

Isikil 18:25

“Dapat barang sumabi kamu, ‘Balaw matadlung ti palakaw Panginuun.’ Pagpatingi kamu, nasakupan Israil: Kangku aw nguna pagpalakaw ti balaw matadlung ngatay kanyu?

Isikil 48:35

nakan kay kabuuhan sukat alad batu 9,000 mitrus. Ag ginan sa inda pag udas ti banwa pag-ingarnan, “Ati Ti Panginuun!”

Husyas 14:9

Mana masalman ag maintindihan may pan-intindi ti manga nakasurat sitay. Kang-ud gid ti palakaw Panginuun ag pagsundun inda manga matadlung, dapat nagbaliw karadayaanan sa manga malinabagun.

Husyas 6:5

Nakan ngani pinasandaman niku kamu sa panab-anan niku manga purupita kuntay midamhak kamu ag magkaramatay. Ipaburayhaw niku kang pagsintinsiya sa kanyu parihu sa rayaw kilat.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 7:9

Dahil nagkasala kita sa Panginuun, kailangan nita agwantahun kay parusa sa kanta tugka sa kampihan niya kita ag pakan-an katadlungan. Makitan nita kay pagribri sa kanta sa panab-anan pagdara niya sa kanta tag sa karayawan.

Habakuk 1:3

Hayga duy pag-ipakakit nimu sa kangku inda pag kadautan ag kaguluhan? Una naan mag-akitan niku ti magmaratyan, magpuruyaan, mag-arawayan ag mag-aratwan.

Sipanyas 2:1

Magkun si Sipanyas sa manga taga Huda, “Nasyun unman may kakay-ahan, pagtirip-nan kamu ag pag-ampu

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sipanyas 3:15

Dahil balaw yi kamu parusahan Panginuun. Palayasun niya kanyu manga kalaban. Kaibahan niyu ti Panginuun, ti Hari Israil, nakan udyi kamu may kakurian dapat kadalaan.

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Sakaryas 2:5

Magkun ti Panginuun siya gid ngap ti bumaliw apuy pag alad sa palibut banwa Hirusalim, ag siya diman ti bumaliw kapangyarihan sa inda pag banwa.”

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Lukas 12:2

Unman may bagay milihim nu unman mihayag di gid aban. Unman may bagay mitagu nu unman mabulwat di aban.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Ruma 3:26

Dapat kainda, ihinandug yi Diyus kay buhi ni Kiristu hampay ipakakit siya matadlung. Dahil sa inda pag binwat Diyus, napatutuuhanan matadlung ngani siya una pag-itadlung niya ti manga magsarig kan Hisus.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

Diyuturunumiyu 23:14

Dahil ti Panginuun niyu Diyus magpalibut sa kanyu kampu hampay iribri kamu ag iayaw sa kanyu ti manga kalaban niyu. Nakan kailangan malumpiyu kanyu kampu hampay unman siya may mag-akitan balaw mayad, ag hampay balaw niya kamu tayakan.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

1 Pidru 1:17

Unman may pagpiliun ti Diyus. Pagpihuun niya ti kada tawu nu daut nu mayad angay sa kay binwat. Nakan paggalang kamu sa Diyus hanggan kamu sitay waya sa babaw daga. Dahil siya kanyu pag-ingarnan kanyu Ama.